Yesaya 26:7 - Mandinka Bible

⁷ Moo tilindiŋolu la siloo ka tembe le. Ite Yaawe le ka moo kendoo la siloo deerandi.

Yesaya 26:7 ပူးပေါင်းရင်းမြစ်များ

Efesusinkoolu 2:10

Ntolu mu Alla la dookuwo le ti, a ye mennu daa ka bo niŋ Kiristu Yeesu la, ka baara betoolu ke, a ye mennu parendi nuŋ, fo ǹ si taama ì la.

1 Yohana 3:7

N na dindiŋolu, moo-wo-moo kana ali neenee. Moo meŋ ka kuu tilindiŋo ke, wo tilinta le, ko Kiristu tilinta ñaameŋ.

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

1 Yohana 3:10

Ka Ibiliisa diŋolu niŋ Alla diŋolu bondi ñoo to, ŋa wo loŋ ka bo niŋ ñiŋ ne la ko, moo meŋ buka kuu tilindiŋo ke, aniŋ a maŋ a baadiŋo* kanu, wo maarii maŋ ke Alla diŋo ti.

Kuma Kotoomaalu 20:7

Moo tilindiŋo la baluwo kono, sootaari buka tara jee, neemoo be a diŋolu ye, mennu be seyi la a noo to.

Jabuuroolu 11:7

Yaawe tilinta le, aduŋ a ye kuu tilindiŋo le kanu. Moo tilindiŋolu le be tara la ate fee.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

Yesaya 35:8

Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

Yuuba 31:6

Wo to Alla ye n na kuwo peesa tiliŋo peesarilaŋo kaŋ, a be a loŋ na le ko, n tilinta le.

1 Taarika 29:17

Ŋa a loŋ ne ko, i ka moo-wo-moo sondomoo kotobo le, aduŋ i ka seewoo moo tilindiŋo la kuwo to le. Ka bo niŋ n ŋaniyoo bee la, ŋa ñiŋ diiroo ke i ye tiliŋo le kono. Aduŋ ŋa a je le, i la moolu mennu benta jaŋ, kontaanita ñaameŋ ka soorifeŋolu samba naŋ i kaŋ.

Sefaniya 3:5

Bari Yaawe meŋ ka tara Yerusalaamu saatewo kono, wo tilinta le, tilimbaliyaa, a buka wo ke. A ka a la kiitiyo siloo yitandi le soomandaa-wo-soomandaa, luŋ buka baayi. Bari moo kuruŋo maŋ a loŋ meŋ mu malu kuwo ti.

Jabuuroolu 11:4

Yaawe be a taradulaa senuŋo to le, a ka a la mansabaayaa taamandi le ka bo Arijana kono, a ñaa be kuwo bee le la, aduŋ a ka hadamadiŋolu bee le koroosi.

Jabuuroolu 25:4

Yaawe, i la siloolu yitandi n na, i ye n karandi n taañaa la.

Jabuuroolu 25:5

N kanda i la tooñaa kono, i ye n karandi, kaatu ite le mu Alla ti meŋ ka n kiisa. N jikoo ka tu semberiŋ ite le la luŋ-wo-luŋ.

Jabuuroolu 27:11

Yaawe, n karandi ka taama i la siloo la, aduŋ i si n samba sila koyiriŋo la, n jawoolu la kuwo kamma la.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Yesaya 52:12

Bari ali te jee bula la korontoo kono, waraŋ ka bori, kaatu Yaawe Banisirayila la Alla le be ali ñaatonkayaa la, aniŋ ka tara ali kooma.

Yesaya 57:2

ì ye duŋ kayiroo kono. Mennu ka taama tiliŋo kono, niŋ ì faata, a ka ke ì la dahaa le ti.

Yeremiya 10:23

Hee Yaawe, ŋa ñiŋ loŋ ne ko, hadamadiŋo la baluwo te a faŋo bulu, a buka a faŋo taaraŋ siloo kanda noo.

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.

Jabuuroolu 5:9

Kuma buka bo ì daa, moo si laa meŋ na. Kasaaroo doroŋ ne ka tara ì sondomoo to. Ì ka neeneeroo ke ì neŋ kolomoo le la, jamfaa le ka tara sosoriŋ ì kono.

Kuma Kotoomaalu 3:6

Niŋ i be sila-wo-sila taama la, i si soŋ a ma, a be i londi la sila tilindiŋo le kaŋ.

Kuma Kotoomaalu 11:5

Moo meŋ maŋ sootaari soto, la tiliŋo le ka sila kendoo yitandi a la, bari moo kuruŋo ka bula a faŋo la jawuyaa le kono.

Kuma Kotoomaalu 21:8

Moo kuruŋo la siloo mu sila jenkeriŋo le ti, bari moo meŋ maŋ feŋ ke tilinta le.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.