Yesaya 26:11 - Mandinka Bible

¹¹ Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yesaya 26:11 ပူးပေါင်းရင်းမြစ်များ

Hiburunkoolu 10:27

Wo noo to kiitii koleŋ baa doroŋ ne be pareeriŋ ǹ ye, aniŋ dimbaa jawu baa meŋ be balannaalu kasaara la.

Mika 5:9

Ì be ì buloo wulindi la ì jawoolu kunto le, aduŋ ì jawoolu bee le be kasaara la.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Lankenemoo 19:20

Daafeŋ saŋarariŋo ñiŋ mutata, aniŋ faniyaa annabiyomoo meŋ ye taamanseeri kaawakuuyaariŋolu ke a ñaatiliŋo la nuŋ. Ka bo niŋ wo kaawakuwolu la, a ye moolu neenee nuŋ, mennu ye daafeŋ saŋarariŋo la taamanseeroo soto, aniŋ ka a muluŋo batu. Itolu fuloo baluuriŋo le fayita dimbaa daloo kono, meŋ ka jani niŋ solifa munkoo* la.

Lankenemoo 3:9

A juubee, m be kuwo meŋ laa la wo moolu kaŋ, mennu mu Seetaanoo* la kafoo ti. Ñiŋ faniyaa folaalu ka ì faŋolu kumandi Yahuudoolu le la, bari ì maŋ ke wolu ti. M be a tinna le, fo wo moolu ye naa ka sujudi i siŋolu to, aduŋ ì be a loŋ na le ko, nte ye i kanu le.

1 Pita 3:16

Bari ali ñiŋ jaabiroo ke mooyaa niŋ Alla ñaasilaŋo la. Ali kana feŋ ke, ali sondomoo si ali tuumi noo meŋ na, fo wo moolu si malu, mennu ye faniyaa laa ali kaŋ, aniŋ mennu ye kuma jawoo fo ali ma, kaatu ali ye Yeesu noomalankoolu la daajika betoo soto le.

2 Tesalonikankoolu 1:8

Ì be naa la dimbaa mala baa kataŋo kono ka moolu joo yankankatoo la, mennu maŋ Alla loŋ, aniŋ ì maŋ m̀ Maarii Yeesu la kibaari betoo muta.

Kiilaalu 28:27

Kaatu ñiŋ moolu sondomoolu jaata le, ì tuloo kuyaata le ka moyiroo ke, aduŋ ì ye ì ñaalu biti. Niŋ wo nte, ì si jeroo ke niŋ ì ñaalu la, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, aduŋ ì si muru n kaŋ fo ì si kendeyaa.’

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Yeremiya 44:28

Moolu mennu be kana la hawusaroo ma Misira bankoo kaŋ, ka muru naŋ Yahuuda bankoo kaŋ, ì yaatewo be ke la dantaŋ ne ti. Yahuuda moo toomaalu bee, mennu naata ka sii Misira, be a loŋ na le jumaa le la kumoo be loo la, n taa waraŋ ì taa.”

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Yesaya 44:18

Ì maŋ feŋ loŋ, aduŋ ì maŋ feŋ fahaamu. Ì ñaalu be finkiriŋ ne, wo le ye a tinna ì buka feŋ je. Ì sondomoo be sukiriŋ, ì buka fahaamuroo ke.

Yesaya 44:9

Moo-wo-moo ka jalaŋo dadaa, a maŋ ke feŋ ti, i ka feŋolu mennu muta naafuloo ti, maŋ nafaa soto. Moolu mennu ka loo ì ye, mu finkintewolu le ti, ì maŋ feŋ kalamuta, wo le ye a tinna ì be malu la.

Yesaya 18:3

Alitolu duniyaa moolu mennu be baluuriŋ ñiŋ saŋ kuloo koto, niŋ bandeeroo wulindita konkoo turoo kaŋ, ali a juubee, niŋ saakotoŋ binoo* feeta, ali dandalaaroo moyi.

Yesaya 11:13

Efurayimu* la kiiliyaa maañaa be yeemaŋ na le, aduŋ Yahuuda la jarinteeyaa be daŋ na. Banisirayila te kiiliyaa tiliŋ na Yahuuda la, sako Yahuuda si jarinteeyaa tiliŋ Banisirayila la.

Jabuuroolu 86:17

Yaawe, i la konotodiyaa taamanseeroo yitandi n na, fo mennu ye n koŋ ì si malu, niŋ ì ye wo je, i la m maakoyoo niŋ n jusulandoo kamma la.

Jabuuroolu 21:8

I buloo be laa la i jawoolu bee kaŋ ne. I bulu sembemaa be laa la moolu kaŋ ne mennu ye i koŋ.

Jabuuroolu 10:12

Hee Yaawe Alla, wuli, i buloo ye laa moo kuruŋolu kaŋ. Kana ñina moo toorariŋolu la.

Yuuba 34:27

Kaatu ì muritita Alla ma le, ì maŋ a la siloolu muta feŋ ti.

1 Samuweli 6:9

bari ali si ali ñaalu tu looriŋ a kaŋ. Niŋ a taata fo a fansuŋ bankoo kaŋ, Beti-Semesi maafaŋo la, bituŋ ali si a loŋ ko, Yaawe le ye ñiŋ mantoora jawu baa laa ntolu kaŋ. Bari niŋ a maŋ tiliŋ wo to, bituŋ m̀ be a loŋ na le ko, a buloo maŋ laa ntolu kaŋ, a keta ǹ na le doroŋ.”

2 Musa 9:14

Niŋ wo nte ñiŋ siloo, m be n na toorandi kuwo jawuyandi la i niŋ i la dookuulaalu aniŋ i la moolu kaŋ niŋ semboo la, ka a yitandi i la ko, mansa-wo-mansa te ñiŋ duniyaa kono, meŋ be ko nte.

Luka 16:23

Fankamaa naata tara yankankatoo kono laakira. A ye santo juubee, a ye Iburayima hayinaŋ, Lasarus be a fee.

Jabuuroolu 78:63

Ì la fondinkewolu banta faa la kele kandoo le kono, ì la sunkutoolu maŋ kee soto, sako futuusiti denkili si laa.

Yesaya 1:31

Sembemaalu be ke la le ko ñaama jaaroo, ì la dookuwo ye ke ko dimbaa feremetoo, ì niŋ ì la dookuu kuruŋo bee be jani la ñoo la le, aduŋ moo te ì maakoyi noo la ka dimbaa faa.

Yesaya 9:7

A la maraloo be tara la lafaa la le doroŋ, aduŋ kayira bambaloo le be tara la keriŋ. A be a bonsuŋo Dawuda la bankoo mara la le, a be sii la a la siiraŋo le kaŋ. A be a la maraloo londi la le, a ye bambaŋ, aduŋ a be a taamandi la tiliŋo niŋ tooñaa le la, ka dati a la waatoo la, fo abadaa. Yaawe* Alihawaa Maariyo* ye a hame le, ka ñiŋ kuwo taamandi.

Yesaya 9:18

Moolu la jawuyaa ka mala le ko taakaa dimbaa ka ŋaniŋ kuroolu jani, ka yiri sutoolu dulaa dibiriŋolu mala, fo jee bee ye ke siisii kenseŋo ti.

Yesaya 9:19

Yaawe Alihawaa Maariyo la kamfaa kaŋ, bankoo bee be jani la le, moolu ye ke dimbaa malaraŋo ti. Moo te yamfa la a baadiŋo ye,

Yesaya 10:17

Yaawe, Banisirayila la Maloo be ke la dimbaa le ti, a la Senuŋ Baa, dimbaa wuleŋo. Tili kiliŋ wucoo kono, Asiriya ñaamoo aniŋ a ŋaniŋ kuroo be jani la le, fo a ye nunku.

Yesaya 37:32

Kaatu too be tu la Siyoni Konkoo kaŋ ne Yerusalaamu moolu kono, mennu tuta baluwo to. Yaawe Alihawaa Maariyo ye a hame le ka ñiŋ kuwo taamandi.

Yesaya 42:13

Yaawe niŋ semboo le be naa ko niŋ kelejawaroo be taa keloo la. A be pareeriŋ ne, a be korontoriŋ keloo kamma le. A ka sari kendeke le, a ka a semboo yitandi a jawoolu la.

Yesaya 59:17

A ye tiliŋo kele dendikamaa le duŋ, a ye kiisoo kele naafamaa duŋ. A ye makatibayoo dendikamaa le duŋ, kamfaa be fudiriŋ a kono ko duŋ feŋo.

Yesaya 63:15

Yaawe, juubeeroo ke ka bo naŋ santo, i ye jeroo ke, ka bo i sabatidulaa senuŋo niŋ i la dulaa kallankeeyaariŋo* to. I la hame kuwo niŋ i semboo lee? I ye konotodiyaa niŋ balafaa meŋ soto ǹ ye, i ye ì jamfandi ǹ na le.

Yesaya 66:15

A juubee, Yaawe niŋ dimbaa le be naa kaŋ, aduŋ a la keleraŋ sareetoolu* ka munta le ko saafoñotoo, a be a la kamfaa jindi la niŋ semboo le la, a la jalayiroo ye naa naŋ ko dimbaa neŋo.

Yesaya 66:24

Aduŋ ì be taa le ka moolu furewolu juubee mennu balanta n na. Tumboolu mennu be ì domo la, te faa la muumeeke, aduŋ dimbaa meŋ be ì jani la, nene te faa la. Hadamadiŋolu ñewuntoo le be ì juubee la.”

Mika 7:16

Banku koteŋolu ñanta a je la le, ì ye malu, ì niŋ ì la sembe waroo bee, ì si jaakali fo ì te diyaamu noo la, waraŋ ka moyiroo ke.

Jabuuroolu 28:5

Bayiri ì maŋ ite Yaawe la keroo muta feŋ ti, waraŋ i ye meŋ daa, i be ì tumbuŋ na le, aduŋ i te ì wulindi la kotenke.

Yesaya 10:16

Wo to, Yaawe Alihawaa Maariyo* be kuuraŋ jawoo le jindi la naŋ Asiriya mansa la kelejawara bambandiŋolu kaŋ. Dimbaa le be duŋ na a jikiraŋ semboo la, a bee ye kasaara.

Yesaya 66:5

Yaawe la kumoo ka silaŋo dundi mennu la, ali i lamoyi a la kumoo la. A ko: “Ali baadiŋolu mennu ye ali koŋ, ì ñoorita ali la, kaatu ali ye n too le horoma, ì ye ali ñaawali le ka a fo ko, ‘Yaawe la kallankeeyaa* ye lankenema, fo ǹ si ali la seewoo je!’ Bari itolu le be malu la.

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.