Yesaya 24:7 - Mandinka Bible

⁷ Wayini* yiroo si jaa, wayinoo ye manki, juuralilaalu ye sunu.

Yesaya 24:7 ပူးပေါင်းရင်းမြစ်များ

Yesaya 16:10

Seewoo niŋ jusulaa maŋ soto kunku jambandiriŋolu to, moo buka denkili laa, waraŋ ka sari, wayini yiri kankaŋolu to, moo buka wayini biti, yiridiŋ bitidulaa to, kontaani sari kaŋo danta le.

Yesaya 16:8

Hesiboni kunkoo fiifeŋolu si noro, aniŋ Sibuma wayini* yirisuŋo. Bankoolu la maralilaalu ye a buloolu kuntu le, mennu biireeta nuŋ fo ì futata Yaseri, ì janjanta keñewuloo kono. Ì soroŋolu taata le fo ì futata baa kankuŋ doo la.

Yeremiya 7:34

M be maadiyaa niŋ seewoo kumakaŋolu daŋ na Yahuuda saatewolu kono le, aniŋ Yerusalaamu mbeedoolu kaŋ, ka taa maañoo niŋ a keemaa la maañoobiti maakaŋo. Kaatu bankoo be ke la tumbuŋo le ti.”

Esekiyeli 6:14

“M buloo be laa la ì kaŋ ne, ŋa ì la bankoo kenseŋyandi, a ye ke tumbuŋo ti, ka bo keñewuloo*, bulubaa karoo la, ka taa fo Ribula saatewo to, maraa karoo la. Niŋ wo keta le, ì be a loŋ na ko, nte le mu Yaawe ti.”