Yesaya 23:9 - Mandinka Bible

⁹ Yaawe* Alihawaa Maariyo* le ye a feere. Ì ye horomoo niŋ buuñaa meŋ soto, a be a bee bondi la le, a ye ì darajoo jindi.

Yesaya 23:9 ပူးပေါင်းရင်းမြစ်များ

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

Yesaya 13:11

Yaawe ko, “M be duniyaa mantoora la a la kuu jawu kewo la le, ŋa moo kuruŋolu jarabi ì la junube kuu kewo la. M be faŋ wara moolu la faŋ wara maañaa daŋ na le, ŋa moo tooralaalu la faŋ sikandoo jindi.

Yesaya 2:11

Faŋ wara moolu la kuwo be jindi la le, aduŋ faŋ sikandilaalu be dooyandi la le. Wo luŋo la, Yaawe dammaa le be sikandi la.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Efesusinkoolu 3:11

Ñiŋ keta badaa-badaa daliiloo le kaŋ, a ye meŋ timmandi ka bo niŋ m̀ Maarii Kiristu Yeesu la.

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

Kiilaalu 4:28

Ì ye kuwolu bee ke, i ye mennu feere i semboo niŋ i la lafoo kaŋ.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Yeremiya 51:62

Wo koolaa i si naa a fo ko, ‘Kooni Yaawe, i ye ñiŋ ne fo ko, i be ñiŋ bankoo kasaara la le, fo hadamadiŋ waraŋ beeyaŋ te sabati la jee. A be kenseŋyaa la le fo fawu.’

Yesaya 14:27

Niŋ Yaawe Alihawaa Maariyo ye kuwo hame, jumaa le si a bali noo a la? Niŋ a ye a buloo teeka bankoolu kamma, fo moo si a kebaliyandi noo baŋ?

Yesaya 14:24

Yaawe Alihawaa Maariyo kalita ko: “A te baayi la. Ŋa a feeroo siti ñaameŋ, a be ke la wo le ñaama, ŋa a kuwo nata ñaameŋ, a be loo la wo le ñaama.

Yesaya 10:33

A juubee, Yaawe Alihawaa Maariyo be ì kuntu la le ko yiribuloolu ka bo niŋ a sembe baa la. Moo baalu la kuwo be jii la le, moo kummaalu ye boyi bankoo to.

Yesaya 9:15

Alifaalu niŋ ñaatonkoolu le mu kuŋo ti, annabiyomoolu mennu ka faniyaa kumoo kawandi, wolu le mu feñoo ti.

Yesaya 5:13

N na moolu be taa la mutoo kono le, bayiri ì maŋ fahaamuru soto n na karoo la. Konkoo le be boyi la ì la ñaatonkoolu kaŋ, mindoo ye ì noomalankoolu faa.

Yesaya 2:17

Faŋ wara moolu be dooyandi la le, aduŋ faŋ sikandilaalu be jindi la le. Wo luŋo la Yaawe dammaa le be sikandi la.

Jabuuroolu 107:40

a ka ì noolaa kandaalu malundi le, a ye ì yaayindi keñewuloo kono, sila te daameŋ.

Yuuba 12:21

Ate le ka kandaa malundi, a ye sembetiyo la semboo daŋ.

Yesaya 14:26

N na ñiŋ feeroo le be laariŋ duniyaa ye, n ñiŋ buloo le be teekariŋ bankoolu bee kamma.”

Yesaya 23:10

Alitolu Tarisinkoolu, ali taa ali la bankoo sene ko Nayili Boloŋo to senelaalu. Tendaa te ali bulu kotenke.

Yesaya 32:13

Ŋaniŋ sutoolu le be faliŋ kaŋ n na moolu la bankoo kaŋ. Ali woosii moolu la kuwo la, mennu be kontaaniriŋ nuŋ saatee seewooriŋo kono.

Yeremiya 13:9

“Nte Yaawe le ye ñiŋ fo ko: M be Yahuuda la faŋ waroo tiñaa la teŋ ne, aniŋ Yerusalaamu la faŋ wara baa fanaa.

Obadiya 1:2

Yaawe ye ñiŋ ne fo Edomu la kuwo to ko: “M be i ke la bankundiŋ ne ti bankoolu bee kono, i be tara la jutunnayaa baa le daa to.

2 Musa 8:4

Totoolu be sele la i niŋ i la moolu kaŋ ne, aniŋ i la dookuulaalu bee.’ ”

Yesaya 2:12

Yaawe Alihawaa Maariyo* ye luŋ ne tomboŋ, luŋo meŋ a be faŋ wara moolu, faŋ sikandilaalu, aniŋ kibiri moolu bee la kuwo jindi la.