Yesaya 22:8 - Mandinka Bible

⁸ Yaawe ye a la tankoo bondi Yahuuda kaŋ ne. Wo luŋo la, ali be ali jikoo loo la kelejooraŋolu le kaŋ, mennu be maaboriŋ buŋo kono, ì ye meŋ toolaa Yiri Sutu Buŋo la.

Yesaya 22:8 ပူးပေါင်းရင်းမြစ်များ

1 Mansoolu 10:17

A ye koteerindiŋ keme saba fanaa dadaa niŋ sani tunkandiŋo la, aduŋ kiliŋ-wo-kiliŋ bala sanoo meŋ keta jee, a be kilo fula sii la le. Mansa ye ì ke Libanooni Sutoo Buŋo le kono.

1 Mansoolu 7:2

A ye buŋ baa loo, ì ka meŋ kumandi Libanooni Sutoo Buŋo la. A karoo la jamfoo mu simfaañaa keme niŋ taŋ luulu le ti, a konoo la fanoo mu simfaañaa taŋ woorowula niŋ luulu le ti, a loo la jamfoo mu nonkonkatiñaa taŋ saba le ti. Ñiŋ buŋo loota sedari samasiŋ borindi naani le kaŋ, aduŋ sedari* bilii teleŋolu tarata laariŋ ñiŋ samasiŋolu le kaŋ.

Suukuwo 4:4

I kaŋo be jaŋayaariŋ ko Dawuda la tatoo, i kaŋ nomboolu be jonkiriŋ ñoo kaŋ. Kantotaalu be ñatariŋ a bala, ì bee be ñiiñaariŋ ko kelejawaroolu la koteeroo*.

Yesaya 22:7

Ali la wulumbaŋ ñiimaalu be faariŋ keleraŋ sareetoolu le la, kelediŋolu niŋ ì la suwoolu ye ali la saatee dundaŋ daalu suki.