Yesaya 22:4 - Mandinka Bible

⁴ Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Yesaya 22:4 ပူးပေါင်းရင်းမြစ်များ

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Matiyu 2:18

“Kumboo kaŋo moyita Rama le, saŋakumboo aniŋ woosii baa. Raheli be a diŋolu kumboo kaŋ. A balanta ka sabari, kaatu ì te keriŋ kotenke.”

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Yeremiya 31:15

Yaawe ye ñiŋ ne fo ko: “Kumboo kaŋo moyita Rama le, saŋakumboo aniŋ woosii baa. Raheli be a diŋolu kumboo kaŋ. A balanta ka sabari, kaatu ì te keriŋ kotenke.”

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

Jabuuroolu 77:2

Tuma meŋ m be mantooroo kono, ŋa Maariyo le ñini, ŋa m buloolu wulindi le ka duwaa suutoo bee, m maŋ kori, aduŋ n niyo maŋ laa noo.

Luka 19:41

Kabiriŋ Yeesu sutiyaata Yerusalaamu la, aduŋ a ye ñiŋ saatee baa je, a kumboota a la kuwo la.

Luka 1:2

Ì ye kuwolu safee le ko ì ye ì moyi ñaameŋ seedoolu bulu, mennu ye ì seedeyaa ì ñaalu la biriŋ foloodulaa to, aduŋ ì naata wo kuwolu kawandi fanaa.

Matiyu 26:75

Bituŋ Pita hakiloo bulata Yeesu la kumoo la, a ye meŋ fo a ye ko, “Janniŋ duntuŋo be kookolee la, i be balaŋ na nte ma le fo siiñaa saba.” Wo to le Pita taata banta, a kumboota baake.

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yesaya 33:7

A juubee, kee fatiŋolu be maakoyiroo kumboo kaŋ mbeedoolu kaŋ ñaameŋ, aduŋ kiilaalu mennu lafita kayiroo sabatindi la, fanaa wuurita le kendeke.

Yesaya 15:3

Ì ka booto funtoolu le duŋ mbeedoolu kaŋ, ka taa bantabaalu to, aniŋ ì la buŋ santo teruriŋolu* kaŋ. Ì bee le ka wuuri, ì ye i fayi duuma ka kumboo.

Yeremiya 9:18

Ì ye i tariyaa naŋ, ì ye naa lemba ali ma, fo ali ñaalu ye faa niŋ ñaajiyo la, ñaajiyo ye buruntu ali ñaasiŋolu la.

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Esekiyeli 27:31

Ì ye ì kuŋolu nunku, ì ye booto funtoolu duŋ, i la kuwo kamma. Ì kumboota i kunna baake le niŋ niikuyaa baa la.

Esita 4:1

Kabiriŋ Moridekayi ye a loŋ meŋ bee keta, a ye a la dendikoo fara, a ye booto funtoo duŋ, a ye seebuutoo ke a kuŋo to, a taata saatewo kono, a niikuyaatoo kumboota ka wuuri santo.

Esekiyeli 21:11

Ŋa n na hawusaroo duŋ moo le bulu ka a muu tuloo la fo a ye malamala. A ye a daa diyaa le, fo a ka malamala, a ka naa ì bee le faa.