Yesaya 21:4 - Mandinka Bible

⁴ N kijoo teyita le, n ka jarajara, silaŋo kamma la. M be lafiriŋ wulaarandiŋ sumaa la, bari a maŋ feŋ naati n ye fo silaŋ baa.

Yesaya 21:4 ပူးပေါင်းရင်းမြစ်များ

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Daniyeli 5:5

Loodulaa kiliŋ moo buloo fintita, a ye safeeroo ke mansa la buŋo bala, lampu maloo tarata looriŋ daameŋ to kaŋ. Aduŋ mansa ñaa ye buloo je le a be safeeroo la.

Daniyeli 5:1

Luŋ kiliŋ Mansa Belisasa ye a la ñaatonka wuli kiliŋ kumandi domori beŋ baa to, a niŋ ì ye wayinoo* miŋ ñoo kaŋ.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

Esita 5:12

A ko ì ye ko, “Aduŋ ñiŋ dammaa te. Nte dammaa le tarata moolu kono, Mansamusoo Esita ye meŋ kumandi, n niŋ mansa ye taa maabee a la feetoo to a ye meŋ parendi. Aduŋ saama le a ye n niŋ mansa bee buuñaatoo kumandi kotenke.

5 Musa 28:67

Ali ñaa loota feŋ-wo-feŋ kaŋ, a si ke ali ye kijafaroo ti. Ali si hame soomandaa ye ke ali ye wulaaroo ti, wulaaroo ye ke ali ye soomandaa ti dewuŋo kamma la.

Daniyeli 5:30

Wo suutoo faŋo le mu, ì ye Babiloni mansakewo Belisasa faa.

5 Musa 32:11

Yaawe keta ali ye le ko seeliŋo, ka a diŋolu maamandi ñaŋo kono, ka ì nindi tiyo la, a ka yaara a diŋolu kunto ñaameŋ, a ka duŋ a diŋolu koto ñaameŋ, ka ì samba a dampaŋolu la.

Jabuuroolu 55:5

Silaŋo niŋ kijafaroo le ye m muta, dewuŋo ye n lamfundi.

1 Mansoolu 1:49

Bituŋ Adoniya la luntaŋolu bee wulita ì silandiŋo, ì janjanta, moo-wo-moo ye a fansuŋ siloo taa.

Jabuuroolu 55:6

N ko m faŋ ma ko, “Niŋ ŋa dampaŋo soto ko puraa, m be tii la le ŋa dahaa soto.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.