Yesaya 21:2 - Mandinka Bible

² Jeri koleŋ ne yitandita n na. Jamfaalaa ka jamfaa ke le, kasaaralaa ka kasaaroo ke. Elamu, taa boyinkaŋo la! Mediya, taa dulaa suki! Yaawe* be daŋ ke la woosiyo la le, Babiloni ye meŋ laa bankoolu kaŋ.

Yesaya 21:2 ပူးပေါင်းရင်းမြစ်များ

Yeremiya 49:34

Yahuuda mansakewo Sedekiya la mansayaa dati waatoo kono le, Yaawe la kumoo naata Annabilayi Yeremiya kaŋ, Elamu bankoo la kuwo to.

Yesaya 33:1

Kooroo be boyi la ite kasaaralilaa kaŋ ne, moo maŋ ite meŋ kasaara. Kooroo be boyi la ite jamfaalaa kaŋ ne, moo maŋ ite meŋ jamfaa. Niŋ i ye i foño kasaaraloo la, hani wo, i be kasaara la le. Niŋ i ye i foño jamfaamooyaa la, wo to le jamfaa kuwo be naa ke la i la.

Yesaya 24:16

Ǹ ka suukuwolu moyi le, ka bo duniyaa daŋolu to, ka Tilindiŋ Baa la kallankeeyaa* horoma. Bari n ko, “N tiñaata le, n tiñaata le! Kooroo boyita n kaŋ! Jamfaalaa ka jamfaa le ke, Jamfaalaa ka jamfaa doroŋ ne ke.”

Jabuuroolu 60:3

I ye i la moolu jarabi jawuke le. A ka munta i ye m̀ mindi doloo le la, ka ǹ siirisaarandi.

Lankenemoo 13:10

“Niŋ meŋ ñanta taa la mutoo kono, a be taa la mutoo kono le. Niŋ meŋ ñanta faa la niŋ hawusaroo* la, a be faa la niŋ wo le la.” Wo mu wakiilindiri kumoo le ti Alla la moo senuŋolu ye, fo ì si wakiili ì la lannoo kono.

Daniyeli 5:28

Talaa: A ye i la mansamarali bankoo talaa le, aduŋ a ye a kafu Mediyankoolu niŋ Perisiyankoolu la mansamarali bankoo le ma.”

Daniyeli 8:20

I ye saajiikotoŋo meŋ je bina fula be a la, wo mu Mediyankoolu niŋ Perisiyankoolu la mansamarali bankoolu le misaaloo ti.

Niikuyaa Suukuwolu 1:22

“Yaawe, n jawoolu la kuu kuruŋ kewo juubee, i niŋ ì ye janjuŋ, ko i niŋ nte janjunta ñaameŋ, n na junuboolu kamma la, ŋa ŋuntaŋ jamaa le ke, fo n jikilateyita.”

Yeremiya 51:53

Hani Babiloni si futa saŋo ma, hani a si a tata jaŋolu bambandi, m be tiñaarilaalu naati la a kamma le.” Yaawe le ye a fo.

Yeremiya 51:44

M be Babiloni jalaŋ Beli busa la le, a ye buusi feŋolu foonoo, a ye mennu kunuŋ. Duniyaa moolu te kuru la naŋ a nooma kotenke. Babiloni tata sansaŋolu be boyi la le.

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yeremiya 50:34

Bari ì Kumakaalaa bambanta le, a too mu Yaawe Alihawaa Maariyo le ti. A be loo la ì la kuwo la le famfaŋ, ka dahaa naati duniyaa ye, bari a be dahaabaliyaa le naati la Babiloninkoolu kaŋ.”

Yeremiya 50:14

“Alitolu kalafayilaalu bee, ali tembe keledaalu to Babiloni kamma, ka a murubeŋ. Ali a buŋ, ali kana hani kalabeñe kiliŋ tu fayibali, kaatu a ye junuboo le ke nte Yaawe la.

Yeremiya 45:3

“I ka ñiŋ ne fo ko, ‘Woyi nte! Yaawe ye niitooroo le lafaa n na dimiŋo kaŋ. M bataata ŋuntaŋo la le, m maŋ dahaa soto.’

Yeremiya 31:25

M be moo nii koririŋolu kereyandi la le, aduŋ m be moo bataariŋolu wasa la le.”

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

Yesaya 22:6

Elamunkoolu niŋ kalabeñoolu naata le, ì la keleraŋ sareeti* borindilaalu niŋ ì la suwoolu, Kiri kelediŋolu ye ì la koteeroolu* parendi le.

Kuma Kotoomaalu 13:15

Hakilimaa ka buuñaa soto le, bari tilimbaloo taaraŋ siloo le ka a kasaara.

Jabuuroolu 79:11

Mutamoolu woosiikaŋo moyi. Ka bo niŋ i la sembe baa la, i si moolu tankandi jawoolu ye mennu ke saayaa daa to.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

1 Samuweli 24:13

Kuma kotoomaa meeriŋo ye ñiŋ ne fo ko, ‘Moo jawoolu doroŋ ne ka kuu jawoolu ke.’ Bari nte buloo te i maa la.

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

Jabuuroolu 25:3

Kana soŋ moolu mennu ka tara i baturiŋ, wolu ye bula maloo kono, bari moolu malundi mennu la kuruŋyaa, daliila te a la.

Jabuuroolu 119:158

Niŋ ŋa moo muritiriŋolu juubee, ì la kuwo ka n ñewuŋ ne, kaatu ì buka i la yaamaroolu muta.

Daniyeli 5:9

Bituŋ Mansa Belisasa dewunta baake, aduŋ a ñaadaa la yelemoo lafaakuuta. A la ñaatonkoolu keñaa bota ì kono le.

1 Musa 10:22

Ñinnu le mu Semu dinkewolu ti: Elamu, Asuri, Aripakisadi, Ludi aniŋ Aramu.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yesaya 14:4

ali be ñiŋ teelindiri denkiloo le laa la Babiloni mansa ma: A juubee, mantooralaa la kuwo danta ñaameŋ a la kelendiroo banta!

Yesaya 14:7

Saayiŋ, bankoolu bee be tenkundiŋ, ì be kayiroo kono, ì bee wututa denkiloo ti.

Yeremiya 25:25

Simuri bankoo fanaa mansoolu bee, Elamu mansoolu bee, aniŋ Mediya mansoolu bee,

Yeremiya 49:35

Yaawe Alihawaa Maariyo ye ñiŋ ne fo ko: “A juubee, m be Elamu bankoo la kalabeñoolu kati la le, ì jikiraŋ sembe baa.

Daniyeli 8:2

Jeroo ñiŋ kono, n taata m faŋ je Susa saatewo la tatoo le kono, meŋ be Elamu kumandaŋ mara bankoo kaŋ. Ŋa m faŋ je looriŋ Ulayi jiibori dinkoo le daala.