Yesaya 20:4 - Mandinka Bible

⁴ Asiriya mansa be Misirankoolu niŋ Kusinkoolu samba la mutoo kono le, dindiŋ, keebaa, ì bala kenseŋo niŋ ì siŋ kenseŋo, ì juwo ye tara banta. Wo be ke la Misira la maloo le ti.

Yesaya 20:4 ပူးပေါင်းရင်းမြစ်များ

Yesaya 19:4

M be Misirankoolu duŋ na maralilaa jawoo semboo le koto, mansa saŋarariŋo ye ì mara.” Yaawe Alihawaa Maariyo* le ye a fo.

Yeremiya 13:26

“Nte faŋo le be i la faanoolu wura la i la, ka i la maloo laa banta.

Yeremiya 13:22

Aduŋ niŋ i ko i faŋ ye ko, “Muŋ ne ye ñiŋ laa n kaŋ?” a loŋ ko i la junuboolu la waroo le mu, wo le ye a tinna ì ye i la faanoo wura i la, ì ye i tiñaa.

Lankenemoo 3:18

Wo kamma la, ŋa i yaamari ka sanoo saŋ nte bulu, meŋ kuloorita dimbaa la, fo i si ke fankamaa ti. Waramba koyoo saŋ nte bulu ka i faŋ sutura, fo moolu kana i ŋayiboo je, meŋ mu malu kuwo ti. Booroo saŋ ì ñaalu ye, i ye a moosi ì bala, fo i si jeroo ke noo.

Mika 1:11

Alitolu Safirinkoolu, ali kenseŋo ye taa mutoo kono, ali ye tara maloo kono. Alitolu Saananinkoolu, alitolu te haañi la ka finti banta. Beti-Eseli fele faariŋ woosiikaŋo la, tankoo suturoo wurata a kaŋ, a te ali deemaa noo la kotenke.

Esekiyeli 30:18

Wo luŋo be ke la luŋ dibiriŋ ne ti Tapanesi saatewo kono, niŋ ŋa Misirankoolu la kaŋo niŋ ì semboo bee tiñaa ì bulu, ì ye mennu soto bankoo doolu kunto. I si a je, ì la faŋ waroo meŋ ye a tinna ì ka kibiri, si daŋ. A be ke la diboo waatoo le ti Misira bankoo kaŋ, aniŋ a wo moo toomaalu ye taa mutoo kono.

Yeremiya 46:26

M be ì duŋ na moolu bulu le mennu be ì niyo ñiniŋ kaŋ. M be ì duŋ na Babiloni mansakewo Nebukanesa niŋ a la kelediŋolu le bulu. Bari wo koolaa moolu be naa sii la Misira bankoo kaŋ ne, ko a keta ñaameŋ koomanto.” Yaawe le ye a fo.

Yesaya 47:3

I kenseŋo le be tara la looriŋ, moolu ye i maluriŋo je. M be makatoo bayi la le, moo te kana la n na mantooroo la.”

Yesaya 3:17

Saayiŋ, Maariyo be maadiŋ kuuraŋo le ke la Siyoni musoolu kuŋolu bala, a be ì bala kenseŋo laa la banta.

2 Samuweli 10:4

Wo to le Hanuni ye Dawuda la kiilaalu taa, a ye ì booraa kara kiliŋo lii, a ye ì la dendikoolu kuntu ì tewolu to ka ì kenseŋo londi, a ye ì bula ì seyita.

Yesaya 47:2

I la kuŋ bitiraŋo bondi, i ye tuurilaŋ beroo taa, i ye siimaŋo juru. I la faanoo wulindi, i wutoolu ye tara banta, i ye boloŋo teyi.

Yeremiya 46:19

Ali ali la fudoolu parendi ka taa mutoo kono, alitolu Misirankoolu, kaatu Memfisi be kenseŋyandi la le, a ye tumbuŋ, moo te tara la siiriŋ jee.

Amosi 9:7

Yaawe ye ñiŋ ne fo a ko, “Alitolu Banisirayilankoolu, fo ali ye ñiŋ ne miira baŋ ko alitolu le kummaayaata n ñaa koto ka tambi Kusinkoolu* la? Nte le ye ali bondi naŋ Misira kono. Nte le fanaa ye Filisitinkoolu bondi naŋ Kireti jooyoo kono, aniŋ Aramunkoolu ka bo Kiri bankoo kaŋ.

Nahumu 3:10

Hani wo bee, jawoolu ye a muta, a keta kelejoŋo ti. Hani dindiŋolu, ì ye ì lipaŋ-lipaŋ mbeedoolu kaŋ ne taariŋ fo ì ye ì faa. Alikuuroolu* le keta a la kee kummaayaariŋolu la kuwo to, ka ì talaa ñoo teema. A ñaatonkoolu tuta sitiriŋ neejoloolu la.

Sefaniya 2:12

Alitolu Kusinkoolu* fanaa, Yaawe ye ñiŋ ne fo ko, “N na hawusaroo* le be ali faa la.”

1 Taarika 19:4

Wo to le Hanuni ye Dawuda la kiilaalu taa, a ye ì booraa lii, a ye ì la dendikoolu kuntu ì tewolu to ka ì kenseŋo londi, a ye ì bula, ì seyita.

Yesaya 31:2

Bari Yaawe le ñaamenta, a si maasiiboo naati. A ye meŋ fo, a buka a baayi. A be wuli la moo jawoolu kamma le, aniŋ moolu mennu ka kuu kuruŋ kelaalu maakoyi.

Yesaya 31:3

Misirankoolu mu hadamadiŋolu doroŋ ne ti, ì maŋ ke Alla ti, ì la suwoolu mu beeyaŋolu le ti, ì maŋ ke malaayika ti. Niŋ Yaawe ye a buloo teeka, maakoyirilaa be taki la le, a ka meŋ maakoyi, wo ye boyi, aduŋ ì bee be kasaara la ñoo la le.