Yesaya 20:3 - Mandinka Bible

³ Bituŋ Yaawe ko, “N na dookuulaa Yesaya ye a ke ñaameŋ, sanji saba a kenseŋo be yaayi la, a siŋ kenseŋo, wo keta taamanseeroo le ti, Misirankoolu niŋ Kusinkoolu* be meŋ taki la.

Yesaya 20:3 ပူးပေါင်းရင်းမြစ်များ

Yesaya 8:18

M fele, n niŋ n diŋolu Yaawe ye mennu dii n na! Ntolu le mu taamanseeroolu niŋ yitandiroolu ti, Banisirayila kono, ka bo naŋ Yaawe Alihawaa Maariyo bulu, meŋ be sabatiriŋ Siyoni* Konkoo kaŋ.

Yesaya 43:3

Kaatu nte le mu Yaawe ali la Alla ti, Banisirayila la Senuŋ Baa, ali Kiisandirilaa. Ali la kuwo le ye a tinna ŋa Misira, Kusi* aniŋ Seeba ke ali ye kumakaaraŋo ti.

Yesaya 37:9

Saayiŋ ì ye kibaaroo le fo Asiriya mansa ye ko, Mansa Tirihaka, Kusinkoo*, be siloo kaŋ ne ka naa keloo boyi a kaŋ. Kabiriŋ a ye wo moyi, a ye kiilaalu kii Yahuuda mansa Hesekiya kaŋ.

4 Musa 14:34

Ali be tara la ali la junube kuwo bataa le kono fo sanji taŋ naani. Ali ye tili taŋ naanoo meŋ ke bankoo kulloo kisikisoo la, a tili kiliŋ-wo-kiliŋ be ke la sanji kiliŋ ne ti. N na tarabaliyaa ali fee, ali be a dimiŋo loŋ na ñiŋ siloo le la.’

Esekiyeli 4:3

Bituŋ i si nee palaati baa taa, i ye a londi i niŋ saatewo teema, ka ke nee sansaŋo ti. I ye i ñaa tiliŋ saatee tata sansaŋo la ko moo meŋ ka naa jee boyinkaŋ, ka a suki. Ñiŋ be ke la Banisirayilankoolu ye taamanseeroo le ti ka ì dandalaa.”

Esekiyeli 12:6

I ye i la fudoo deŋ i kaba la, ì bee ñaa la. I ye feŋ muuri i ñaadaa kaŋ, ka a yitandi ko, i buka i taa dulaa je, i ye finti ka duŋ diboo kono. Kaatu m be i ke la Banisirayilankoolu ye taamanseeroo le ti ka ì dandalaa.”

Esekiyeli 30:6

Maarii Yaawe ye ñiŋ ne fo ko: “Wo moolu mennu bee be laariŋ Misira bankoo kaŋ, ì bee be faa la le, ka bo naŋ Mikidoli ka taa fo Asuwani, ì niŋ a bee be faa la ñoo la keloo le kono, Misira bankoo kaŋ.” Maarii Yaawe le ye a fo.

Jakariya 3:8

“ ‘Saayiŋ, i lamoyi n na, ite Piriisi kuntii Yosuwa. I niŋ piriisoolu mennu be i koto, ali ali tuloo loo. Ali mu taamanseeri bete le ti kuwo to, meŋ ka naa. M be n na dookuulaa kii la naŋ, i ka meŋ kumandi Yiribulu kutoo la.

Yesaya 19:4

M be Misirankoolu duŋ na maralilaa jawoo semboo le koto, mansa saŋarariŋo ye ì mara.” Yaawe Alihawaa Maariyo* le ye a fo.

Yeremiya 13:1

Yaawe* naata a fo n ye ko: “Taa i ye fatari kulembeŋo saŋ i faŋo ye, i ye a siti i tewo la. I kana a bula jii kono.”

Esekiyeli 4:1

Bituŋ Yaawe* ko n ye ko: “Ite hadamadiŋo, i si birikoo taa, i ye a londi i ñaatiliŋo la, i ye Yerusalaamu dadaañaa nuunee a bala.

Esekiyeli 30:4

Keloo le be boyi la Misira bankoo kaŋ. Silaŋ baa ye duŋ Kusinkoolu* la. Kaatu moo jamaa le be faa la Misira bankoo kaŋ. A la fankoo niŋ a neemafeŋolu bee si ke ñapinkaŋ feŋolu ti. A fondamaŋolu ye boyi.

Sefaniya 2:12

Alitolu Kusinkoolu* fanaa, Yaawe ye ñiŋ ne fo ko, “N na hawusaroo* le be ali faa la.”