Yesaya 2:8 - Mandinka Bible

⁸ Ì la bankoo be faariŋ jalaŋ fuuriŋolu le la, ì ka sujudi ì la dookuu feŋolu le ye, ì faŋo buloolu ye mennu dadaa.

Yesaya 2:8 ပူးပေါင်းရင်းမြစ်များ

Lankenemoo 9:20

Hani ñiŋ mantooroolu koolaa, moo koteŋolu mennu tuta baluuriŋ, wolu maŋ soŋ ka batufeŋolu bula, ì ye mennu dadaa ì fansuŋ buloolu la. Ì maŋ i foño seetaani jawoolu batoo la, aniŋ jalaŋolu, mennu dadaata sanoo niŋ kodiforoo la, jaawaloo, beroo aniŋ babaroo. Ì tuta ñiŋ feŋolu le batu kaŋ, mennu buka jeroo ke, sako moyiroo waraŋ ka taama.

Yeremiya 2:28

Yahuuda, i la alloolu lee, i ye mennu dadaa i faŋo ye? Batu, wolu ye naa, niŋ ì si i kiisa noo mantooroo kono, bayiri ite Yahuuda bankoo la alloolu siyaata le, ì niŋ i la saatewolu yaatewo le kaañanta.

Yesaya 37:19

Ì ye ì la jalaŋolu jani dimbaa kono le ka ì kasaara. Kaatu wo jalaŋolu mu yiroolu niŋ beroolu doroŋ ne ti, ì maŋ ke Alla ti. Moolu le ye ì dadaa ì buloolu la.

Kiilaalu 17:16

Pawulu be Silas niŋ Timoti batu kaŋ Atene waatoo meŋ na, a niyo toorata jalaŋolu la kuwo to, ì la saatewo bee be faariŋ mennu la.

Hoseya 14:3

Asiriya te ǹ kiisa noo la, ǹ te n tuuku la keleraŋ suwoolu la. Aduŋ m̀ buloo ye meŋ dadaa, ǹ nene te a fo la wo ye kotenke ko, ‘Ǹ na Alla.’ Aliyatiimoo ka balafaa soto ite le bulu.”

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Hoseya 12:11

Kileyadinkoolu ka jalaŋolu le batu, moo nafantaŋolu le mu ì ti. Kilikalinkoolu ka ninsituuraalu bo sadaa ti. Ì la sadaabodulaalu* si ke ko bere tuŋolu balaŋ kuŋolu to.”

Yeremiya 11:13

Ì la jalaŋolu be siyaariŋ ne ko ì la saatewolu. Wo Baali* jalaŋo meŋ na kuwo mu malu baa ti, ì ye cuuraayi siisindidulaalu mennu loo a ye, ì siyaata le ko Yerusalaamu mbeedoolu.”

Yesaya 57:5

Ali ka tara jarabiriŋ jalaŋolu le nooma, yiri baalu niŋ yiri biireeriŋolu koto. Ali ka ali diŋolu kanateyi le ka ke sadaalu* ti, wulumbaŋolu niŋ berehuwolu kono.

Yesaya 17:8

Ì te ì ñaa loo la sadaabodulaalu* kaŋ, ì faŋo buloolu ye mennu dadaa. Ì te ì ñaa tiliŋ na ì la jalaŋolu la, wo Asera* dokoolu, aniŋ ì la cuuraayi siisindidulaalu, ì faŋolu buloolu ye mennu dadaa.

2 Taarika 27:2

Yotamu baarata kuu betoo le la Yaawe ñaa koto. A bulata a faamaa Usiya sinnoo le nooma fo kuu kiliŋ, ate nene maŋ duŋ Yaawe Batudulaa Buŋo* kono ka cuuraayi sadaa* siisindi jee. Bari jamaa moolu, wolu tententa le ka bula kuu kuruŋ kewo nooma.

5 Musa 4:28

Jee to, ali be jalaŋolu batu la le, hadamadiŋo buloo ye mennu dadaa yiroo niŋ beroo la. Ì buka moyiroo ke waraŋ ka jeroo ke, ì buka feŋ domo noo waraŋ ka feŋ seeroo taa.

Hoseya 8:6

Ninsi jalaŋo ñiŋ bota Banisirayila le, moo buloo le ye a dadaa, a maŋ ke Alla ti. Samariya la ñiŋ ninsiriŋo be teyiŋ-teyiŋ na le, a ye janjaŋ.

1 Mansoolu 16:7

Yaawe la kumoo naata Baasa niŋ a la dimbaayaa kaŋ ne ka bo Annabilayi Yehu la, Hanani dinkewo, ñiŋ kamma la Baasa ye kuu jawoolu mennu bee ke Yaawe ñaa koto. A ye a la kamfaa wulindi le ka bo niŋ kuwolu la a ye mennu ke, aniŋ ka ke komeŋ Yerobowamu la dimbaayaa, aduŋ fanaa ate le ye Yerobowamu la dimbaayaa kasaara.

Yesaya 26:13

Hee Yaawe, ǹ na Alla, mansa koteŋolu le ye m̀ mara nuŋ bari ntolu be soŋ na ite too dammaa le ma.

Yesaya 40:19

Numoo le ka jalaŋolu dadaa, aduŋ sani tunkannaa le ka a muuri niŋ sanoo la, a ye kodiforo kantotaa dadaa a ye.

Yesaya 41:29

A juubee, tooñaa te ì bulu. Ì la baaroolu maŋ feŋ nafaa. Ì maŋ ke feŋ ti, fo foño kenseŋo.”

Yeremiya 1:16

M be n na kiitiyo taamandi la n na moolu kaŋ ne, ì la kuu jawoo to ì ye meŋ ke ka ì koo dii n na. Ì ka cuuraayoo siisindi alla koteŋolu ye le. Ì faŋolu buloolu ye mennu dadaa, ì ka wolu le batu.

2 Mansoolu 17:10

Ì ye Asera* doko samasiŋolu niŋ beroolu loo ì faŋolu ye, konko jaŋolu bee kaŋ ne, aniŋ yirisuŋ biireeriŋolu bee koto ka ì batu.

2 Mansoolu 17:16

Ì ye ì koo dii Yaawe, ì la Alla la yaamaroolu bee la le, aduŋ ì ye ninsiriŋ jalaŋ tunkandiŋ fula dadaa ì faŋolu ye. Ì ye Asera jalaŋ dokoo loo, ì sujudita saŋo santo malafeŋolu bee ye, aduŋ ì ye Baali* jalaŋo batu.

Mika 5:12

M be ali la batuutaayaa kuwo bee le kasaara la, bitaarilaa te soto la ali kono kotenke.