Yesaya 2:11 - Mandinka Bible

¹¹ Faŋ wara moolu la kuwo be jindi la le, aduŋ faŋ sikandilaalu be dooyandi la le. Wo luŋo la, Yaawe dammaa le be sikandi la.

Yesaya 2:11 ပူးပေါင်းရင်းမြစ်များ

2 Samuweli 22:28

I ka fammajiilaalu tankandi le, bari i ñaa ka tara faŋ sikandilaalu kaŋ ne, ka ì jindi.

Jabuuroolu 18:27

I ka fammajiilaalu tankandi le, bari i ñaa ka tara faŋ sikandilaalu kaŋ ne, ka ì jindi.

Jabuuroolu 18:28

Hee Yaawe, ite le mu n na lampoo ti. Yaawe, i ye n na diboo faliŋ n ye maloo le la.

Jabuuroolu 20:8

Wo moolu be taki la le, ì ye boyi, bari ntolu be wuli la le, ŋà bambaŋ.

Jabuuroolu 46:10

“Ali si tenkuŋ, ka a loŋ ko nte le mu Alla ti! N too be wara la bankoolu bee kaŋ ne. N too be wara la duniyaa bee kono le.”

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 94:2

Wuli! Ite duniyaa moo bee Kiitindilaa, i ye faŋ wara moolu joo ì la baaroolu la.

Kuma Kotoomaalu 16:5

Yaawe te moo-wo-moo tu la jee meŋ ka a faŋ wara, kaatu a tanoo le mu wo ti.

Kuma Kotoomaalu 30:13

Doolu be jee, mennu ka ì faŋo wara, aniŋ mennu ka jutu moolu la.

Yesaya 10:12

Niŋ Maariyo pareeta a la dookuwo bee la, Siyoni* Konkoo niŋ Yerusalaamu kamma, a be Asiriya mansa mantoora la a la faŋ sikandoo niŋ a la faratoo kaŋ ne.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 12:4

Wo luŋo la, ali be a fo la le ko: “Ali tenturoo dii Yaawe la, ali ye a batu a too la. Ali a fo bankoolu bee ye, a ye kuwolu mennu ke, ali ye a kankulaa ko, a too kuliyaata le.

Yesaya 13:11

Yaawe ko, “M be duniyaa mantoora la a la kuu jawu kewo la le, ŋa moo kuruŋolu jarabi ì la junube kuu kewo la. M be faŋ wara moolu la faŋ wara maañaa daŋ na le, ŋa moo tooralaalu la faŋ sikandoo jindi.

Yesaya 14:15

Bari ì be i samba la kaburoo dinka jaŋ baa le kono.

Yesaya 2:17

Faŋ wara moolu be dooyandi la le, aduŋ faŋ sikandilaalu be jindi la le. Wo luŋo la Yaawe dammaa le be sikandi la.

Yesaya 23:9

Yaawe* Alihawaa Maariyo* le ye a feere. Ì ye horomoo niŋ buuñaa meŋ soto, a be a bee bondi la le, a ye ì darajoo jindi.

Yesaya 24:21

Wo waatoo la, Yaawe be saŋo santo sembetiyolu jarabi la le, aniŋ maralilaalu mennu be duniyaa kono.

Yesaya 25:9

Wo luŋo la, ñiŋ ne be fo la, “A fele, ñiŋ ne mu ǹ na Alla ti, ǹ jikita a la le, aduŋ a ye ǹ tankandi. Ñiŋ ne mu Yaawe ti, ǹ jikita meŋ na. Ali ŋà seewoo, ka jusulaa a la kiisandiroo la.”

Yesaya 26:1

Wo waatoo la moolu be ñiŋ suukuwo le laa la Yahuuda: Ŋà saatee bambandiŋo le soto. Alla ye a konoto niŋ a banta tata sansaŋolu londi le, ka tankoo dii ǹ na.

Yesaya 28:5

Wo luŋo la, Yaawe* Alihawaa Maariyo* faŋo be ke la le ko mansanaafa ñiimaa, ko kuŋ ñarandiraŋ firi ñiimaa a la moolu ye, mennu tuta baluuriŋ.

Yesaya 29:18

Wo luŋo la tulu sukiriŋolu si moo moyi, a be kitaaboo karaŋ na, aduŋ finkintewolu be i je la le, ì te tara la fiŋo niŋ diboo kono.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Yesaya 30:23

Yaawe be samaa jindi la ali la fiifeŋolu kaŋ ne, siimaŋo meŋ be faliŋ na bankoo kaŋ si beteyaa, a ye siyaa. Wo luŋo la, ali la ninsi koorewolu be daañiniŋo ke la dulaa fanuriŋ baalu le to.

Yesaya 37:23

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

Yesaya 4:1

Wo luŋo la, musu woorowula be bula la kee kiliŋ nooma le, ì ye a fo ko, “M̀ be m̀ faŋolu daañini la le, ŋà m̀ faŋolu feetoofata. M̀ be lafi la ñiŋ ne la doroŋ, i too ye tara ǹ kunna. I si ǹ na futuubaliyaa maloo bondi ǹ kunto.”

Yesaya 40:23

A ka maralilaalu la kuwolu jindi le, a ka duniyaa kantiyolu buruka.

Yesaya 52:6

Wo to saayiŋ n na moolu be n too loŋ na le. Niŋ ì kanata luŋo meŋ na, ì be a loŋ na le ko, nte le ye a fo nuŋ. M be jaŋ ne!”

Yeremiya 12:9

N na tomboŋ moolu keta le komeŋ duwoo, duwa doolu ye meŋ kuru ka a ñapinkaŋ. Ali taa wulakono daafeŋolu bee kafu naŋ ñoo ma ka ì naati, ì ye a domo.

Yeremiya 9:24

Niŋ meŋ be kibiri la, a si kibiri ñiŋ na ko, a ye nte Yaawe* la kuwo fahaamu le ka n loŋ, ka ñiŋ loŋ ko, nte le mu Yaawe ti, n ka taama kanu bambaloo le la, nte le ka kiitiyo teyi, aniŋ ka tiliŋo taamandi duniyaa kono, aduŋ wolu le mu kuwolu ti mennu ka n seewoo.” Yaawe le ye a fo.

Esekiyeli 38:14

“Wo kamma la, kiilaariyaa kumoo fele Kooki ye: Nte Maarii Yaawe ye ñiŋ ne fo ko: N na moolu Banisirayila be naa sabati la ì la bankoo kaŋ kayiroo kono waatoo meŋ na, i be i hakiloo tu la wo le to, i ye wuli ì kamma.

Esekiyeli 38:19

N daalita n na kamfaa dimbaamaa kono, wo luŋo la banku jarajara baa le be ke la Banisirayila bankoo kaŋ.

Esekiyeli 39:11

“Wo luŋo la, Kooki be baadee dulaa soto la Banisirayila bankoo kaŋ ne. A be tara la Abarimu Wulumbaŋo le kono, meŋ be Koojii Baa tilibo karoo la. Ì la kaburoolu be siyaa la le, fo labaŋo la ì si taamalaalu la siloo suki. Kaatu Kooki niŋ a la wo kafoo bee be baadee la jee le to. Ì be jee toolaa la Hamoni-Kooki Wulumbaŋo le la.

Esekiyeli 39:22

“Banisirayilankoolu bee be a loŋ na le ko, nte le mu Yaawe ti, ì la Alla, ka bo wo luŋo la ka taa fo fawu.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.

Hoseya 2:16

Yaawe ko Banisirayila ye ko, “Wo luŋo la, i be n kili la ‘n keemaa’ le la, i te n kili la ‘n na Baali’ la kotenke.

Hoseya 2:18

Wo luŋo la, n niŋ wulakono daafeŋolu be kambeŋo siti la, ka taa kunoolu niŋ kuruntu feŋolu, fo ì kana n na moolu mantoora. Kalabeñoo, hawusaroo* aniŋ keloo be bo la bankoo kaŋ ne, i ye tankoo niŋ kayiroo soto.

Hoseya 2:21

Yaawe ko: “Wo luŋo la, m be n danku la le, m be n danku la saŋo la le, saŋo ye i danku bankoo ma sanjoo la,

Yoweli 3:18

“Wo luŋo la, wayini jii diimaa si suleŋ konkoolu kaŋ, keekewo ye bori konkoriŋolu duuma, Yahuuda jii siloolu bee ye faa jiyo la, Jiyo si woyi naŋ ka bo Yaawe Batudulaa Buŋo* to, a ye Sitimu Wulumbaŋo jiiboŋ.

Amosi 9:11

“Luŋo be naa le, m be Dawuda la mansayaa lookuu la meŋ na, meŋ kasaarata ko buŋ tiñaariŋo. M be a faroolu bee suki la le, ŋa a dulaa tiñaariŋolu lookuu. M be a lookuu la le ko a be nuŋ ñaameŋ,

Obadiya 1:8

“Wo luŋo la, n si Edomu moo ñaamendiŋolu kasaara, aniŋ a hakilimaalu mennu be Esawu konkotundoo* kaŋ.

Mika 2:3

Wo kamma la Yaawe* ye ñiŋ ne fo, “Alitolu moo kuruŋolu, ŋa maasiiboo le landi ali ñaato. A be ke la ali ye le komeŋ yookoo*, ali te ali kuŋo buusi noo la a koto, aduŋ ali te balafiriŋ taamoo ñaa soto la. Ñiŋ waatoo be ke la ali ye maasiiboo le ti.

Mika 4:6

Yaawe ye ñiŋ ne fo ko: “Luŋo be naa le, luŋo meŋ m be n na moolu kafu la ñoo ma. Ì la kuwo be le ko saajii lanjuurutoo, saajiyo meŋ filita. M be moolu bee kafu la ñoo ma le, ŋa niitooroo laa mennu kaŋ.

Mika 5:10

Yaawe ye ñiŋ ne fo ko: “Niŋ ñiŋ waatoo siita, m be ali la keleraŋ suwoolu kasaara la ali bulu le, ŋa ali la keleraŋ sareetoolu* tiñaa.

Sefaniya 3:11

Ñiŋ luŋo la, malu kuu te laa la ali kaŋ kotenke, ali ye kuu kuruŋolu mennu tiliŋ n na nuŋ, ka balaŋ m ma. Bari m be kufantoolu niŋ faŋ wara moolu bee bondi la ali kono le. Moo te a faŋ wara la n na konko senuŋo* kaŋ kotenke.

Sefaniya 3:16

Wo luŋo la a si fo Yerusalaamunkoolu ye ko, “Ali kana sila, alitolu Siyoninkoolu, ali kana jikilateyi.

Jakariya 9:16

Wo luŋo la, Yaawe, ì la Alla be ì tanka la le, kaatu a la dimbaayaa moolu le mu ì ti. Ì si ñeliñeli a la bankoo kaŋ ko bere ñiimaalu, ì ka mansanaafoo ñarandi mennu la.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Luka 18:14

Ŋa a fo ali ye, ñiŋ duwaañoo le tilindiŋo taata a la suwo kono, diina wo Farisewo ti. Kaatu moo-wo-moo meŋ ye a faŋ sikandi, a be jindi la le. Aduŋ moo-wo-moo meŋ ye a fammajii, a be sikandi la le.”

2 Korintinkoolu 10:17

A si ke ko a be safeeriŋ ñaameŋ: “Niŋ meŋ be kibiri la, a si kibiri Maariyo la kuwo la.”

2 Korintinkoolu 10:5

aniŋ faŋ waroo siifaa bee, mennu si ke kalewo ti moolu ye ka Alla loŋ. Ǹ ka moolu la miira jawoolu bayi le fo ì si Kiristu batu.

2 Tesalonikankoolu 1:10

Wo be ke la le luŋo meŋ na, Kiristu be naa la ka horomoo soto ka bo a la moo senuŋolu bulu, aniŋ ka jayiroo soto moolu bulu, mennu laata a la. Alitolu faŋolu be ì kono le, kaatu ali laata ǹ na seedeyaa la le.

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”