Yesaya 18:2 - Mandinka Bible

² bankoo meŋ ka kiilaalu kii niŋ baa la, ì niŋ seyiŋ kala kuluŋolu. Alitolu kiilaalu, ali i tariyaa ka seyi ali la moo jaŋolu yaa, mennu baloo be malamalariŋ. Moolu be daa-wo-daa, ì silata ì la le. Banku baa, sembemaa, boloŋolu ye bankoo meŋ talaŋ-talaŋ.

Yesaya 18:2 ပူးပေါင်းရင်းမြစ်များ

Yesaya 18:7

Waati le be naa, buuñaa feŋolu be naa Yaawe Alihawaa Maariyo* ye le, ka bo moo jaŋolu yaa, mennu baloo be malamalariŋ. Moolu be daa-wo-daa, ì silata ì la le. Banku baa, sembemaa, boloŋolu ye bankoo meŋ talaŋ-talaŋ. Buuñaa feŋolu be taa Siyoni* Konkoo le to, Yaawe Alihawaa Maariyo too be daameŋ.

2 Taarika 16:8

Fo Kusinkoolu* niŋ Libiyankoolu maŋ kelediŋ jamaa niŋ keleraŋ sareeti* jamaa le soto baŋ, aniŋ kelediŋ jamaalu, mennu niŋ suwoolu mu? Bari biriŋ i sembeta Yaawe la, a ye a ke le, i ye wolu noo.

2 Taarika 14:9

Sera Kusinkoo* niŋ kelediŋ wuliwuloolu aniŋ keleraŋ sareeti* keme saba le fintita Yahuuda kamma, aniŋ ì taata le fo Maresa saatewo to.

Esekiyeli 30:9

“Wo luŋo la, m be kiilaalu le kii la niŋ kuluŋ baalu la Kusinkoolu kaŋ ka ì kijoo teyi, itolu mennu maŋ tara i yillaariŋ feŋ ma. Niŋ ì ye a moyi ko, Misira bankoo boyita le, wo to le kijafara baa be duŋ na ì la. Tooñaa, wo te baayi la.”

2 Musa 2:3

Kabiriŋ a maŋ a maabo noo kotenke, a ye sinsiŋo taa, meŋ dadaata niŋ baakinti kaloolu la, a ye a muu niŋ manoo la. A ye dindiŋo landi a kono, a ye a ke farasaañaŋolu kono, mennu be Nayili Boloŋo kono.

Luka 10:19

Ali a juubee, ŋa kaŋo dii ali la le ka saalu niŋ buntaloolu dori, aniŋ ali jawoo Seetaanoo semboo bee kaŋ. Aduŋ feŋ-wo-feŋ te ali barama la.

Yuuba 9:26

Ì ka tambi le ko kuluŋ tariŋo. Ì la hawusaroo* be tariyaariŋ ne komeŋ, niŋ seeliŋo be jii kaŋ a la deema suboo nooma.

Yeremiya 49:14

Ŋa Yaawe la kiilaariyaa kumoo moyi le, kiilaa kiita bankoolu kaŋ ko: “Ali kafu ñoo ma ka taa Edomu kele, ali ye wuli a kamma keloo la!”

Obadiya 1:1

Maarii Yaawe* ye ñiŋ ne lankenemayandi Obadiya ma Edomu la kuwo to. Ŋà Yaawe la kiilaariyaa kumoo moyi le, aduŋ kiilaa kiita bankoolu kaŋ ne ka a fo ko, “Ali wuli ŋà taa Edomu kele.”

Habakuki 1:7

Ì ka silaŋo le duŋ moolu la, aniŋ kijafaroo. Ì la faŋ waroo kaŋ, ì ye ì fansuŋ luwaa londi, meŋ diyaata ì ye, ì ka taama wo le la.