Yesaya 17:5 - Mandinka Bible

⁵ A be muluŋ na le ko siimaŋ kunkoo, ì ye meŋ karaŋ feefee fo a kenseŋo loota. A kenseŋyaata ko Refayimu Wulumbaŋo ì ye a karaŋ ne fo a banta.

Yesaya 17:5 ပူးပေါင်းရင်းမြစ်များ

Matiyu 13:30

Ali ì bee bula, ì ye meŋ ñoo la fo katiri waatoo. Katiri waatoo la, m be a fo la katirilaalu ye le, ì si ñaamoolu foloo kafu ñoo ma, ì ye ì siti ka ì jani. Bari ì si siimaŋo kafu ñoo ma n na buntuŋo kono.’ ”

Yoweli 3:13

Ali worotoolu sika ì kamma, katiri waatoo siita le. Ali ye ì dori ko wayini* yiridiŋolu, kaatu doridulaa faata le tep, yiridiŋ jiyo siyaata le fo a ka boŋ, ì la kuruŋyaa siyaata teŋ ne.”

Yeremiya 51:33

Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

2 Samuweli 5:18

Saayiŋ Filisitinkoolu naata le, aduŋ ì janjanta Refayimu Wulumbaŋo kono.

2 Samuweli 5:22

Filisitinkoolu naata kotenke, ka Refayimu Wulumbaŋo muta.

Hoseya 6:11

“Ite Yahuuda, i fanaa jarabi waatoo be siloo kaŋ ne.

Yeremiya 9:22

Yaawe ko n si ñiŋ ne fo ko: “Moo furewolu be tara la fayiriŋ ne, ì jambandimaa kene fanuŋolu kono. Ì be ke la le ko niŋ katirilaalu ye siimaŋo kati, ì ye a bulumaalu tu fatafatariŋ kooma, moo maŋ soto ka ì sika.”

Yesaya 17:11

Hani niŋ ì falinta kuuke le, fo ì ye firoolu bondi, wo soomandaa meŋ na ali ye ì tutu, ali te hani diŋ kiliŋ ne kati la jee. Wo luŋo la, niitoora koleŋo le be tara la keriŋ, aniŋ dimiŋ jaarabaloo.

Yosuwa 15:8

Bituŋ a tententa wo la ka taa Beni-Hinnomu Wulumbaŋo bala, konkoo bulubaa karoo la, Yebusinkoolu la saatewo meŋ mu Yerusalaamu ti. Ka bo wo to la, a tententa ka taa fo konkoo santo, Hinnomu Wulumbaŋo tilijii karoo la, Refayimu Wulumbaŋo maraa karoo danta daameŋ.

Yosuwa 18:16

Naanewo ñiŋ tententa fo konkosiŋo to la Refayimu Wulumbaŋo maraa kara maafaŋo la. Jee le mu dulaa ti, Beni-Hinnomu Wulumbaŋo datita daameŋ. A tententa wo la ka taa Hinnomu Wulumbaŋo to la ka tambi naŋ konko jindaalu la Yebusinkoolu la saatewo daala bulubaa karoo la, ka naa wo la Eni-Rokeli.

Kuma Kotoomaalu 27:25

Niŋ i ye ñaamoo kuntu ka a maabo i la beeyaŋolu ye, doo falinta, aduŋ meŋ bota konkoolu kaŋ, i ye a kafu ñoo ma,