Yesaya 16:8 - Mandinka Bible

⁸ Hesiboni kunkoo fiifeŋolu si noro, aniŋ Sibuma wayini* yirisuŋo. Bankoolu la maralilaalu ye a buloolu kuntu le, mennu biireeta nuŋ fo ì futata Yaseri, ì janjanta keñewuloo kono. Ì soroŋolu taata le fo ì futata baa kankuŋ doo la.

Yesaya 16:8 ပူးပေါင်းရင်းမြစ်များ

Yesaya 15:4

Hesiboni niŋ Eleyale siilaalu wuurita, ì kaŋo moyita le fo Yahasi saatewo to, a ye a tinna Mowabi kelediŋolu ŋaarata fo ì korita.

4 Musa 32:38

ka taa hani fo Nebo aniŋ Baali-Mewoni mennu toolu falinta, aniŋ Sibuma. Ì ye toolu dii ì la saatewolu la le ì ye mennu lookuu.

Yeremiya 48:32

Ite Sibuma meŋ be ko wayini* yiroo, n kumboota ite le ye ka tambi Yaseri la. I ye i yiribuloolu fayi le ka taa baakoo, ì futata fo Yaseri baa to. Bari i la wayini yiridiŋolu aniŋ i la katiroo bee, tiñaarilaa le naata boyi wolu kaŋ.

Yesaya 24:7

Wayini* yiroo si jaa, wayinoo ye manki, juuralilaalu ye sunu.

Yesaya 16:9

Bituŋ n niŋ Yaserinkoolu kumboota ñoo la, n kumboota Sibuma wayini yirisuŋo le ye. Hee Hesiboni, hee Eleyale, ali la kuwo le ye n ñaajiyo siyandi. Kabiriŋ ali la yiridiŋo menta, aniŋ ali la katirifeŋolu siita, kele maakaŋo warata.

Yesaya 10:7

Bari ñiŋ maŋ ke kuu ti, ate mansa ye meŋ ŋaniya, aduŋ ñiŋ maŋ tara a hakiloo kono. A hamoo mu ñiŋ ne ti, ka banku jamaa kasaara, ka ì la kuwo daŋ.

2 Samuweli 1:21

Alitolu Kilibowa Konkoolu, Allamaa komboo kana boyi ali kaŋ sako samaa, aduŋ ali la kunkoolu kana baraka kotenke, kaatu kelejawaroolu la koteeroo* nafantaŋyaata jee le to. Sawulu la koteeroo maŋ malamala tuloo la kotenke.

Yosuwa 13:25

Yaseri tundoo la, saatewolu mennu bee be Kileyadi, aniŋ Ammoni bankoo talanteemoo, ka taa fo Aroweri, Raba daala.

Yosuwa 13:19

Kiriyatayimu, Sibuma, Sereti-Sahari, meŋ be konkoo kaŋ wulumbaŋo kono,

4 Musa 32:3

“Ñiŋ tundoo, Banisirayilankoolu ye meŋ taa Yaawe* la deemaaroo kaŋ, Ataroti saatewo be daameŋ, Diboni saatewo, Yaseri saatewo, Nimura saatewo, Hesiboni saatewo, Eleyale saatewo, Sebamu saatewo, Nebo saatewo aniŋ Beyoni saatewo, baluudulaa kende baalu le mu beeyaŋolu ye, aduŋ beeyaŋo be siyaariŋ ntolu bulu le.

4 Musa 21:32

Musa ye kewolu kii ka taa Yaseri kullootoo juubee. Wo koolaa le mu, Banisirayilankoolu naata a dandanna saateeriŋolu muta, ì ye Amorinkoolu bayi mennu be jee.

4 Musa 32:35

Atiroti-Sofani, Yaseri, Yokibeha,