Yesaya 16:4 - Mandinka Bible

⁴ Ali Mowabi keleborilaalu tu, ì ye sii ali la bankoo kaŋ. Ali ke ì ye tankaraŋo ti ì kasaaralaa bulu.” Mantooralaa la kuwo be daŋ na le, kasaaroo te soto la kotenke, tiñaarilaa ye yeemaŋ bankoo kaŋ.

Yesaya 16:4 ပူးပေါင်းရင်းမြစ်များ

Yesaya 14:4

ali be ñiŋ teelindiri denkiloo le laa la Babiloni mansa ma: A juubee, mantooralaa la kuwo danta ñaameŋ a la kelendiroo banta!

Malaki 4:3

Luŋo meŋ na m be maamaŋ na, wo luŋ ali si moo kuruŋolu dori, ì ye ke ali siŋolu koto ko buutoo. Nte Yaawe Alihawaa Maariyo le ye a fo.

Yesaya 51:13

Fo ali ñinata nte Yaawe ali Daamansoo la le baŋ? Nte le ye saŋ fatoolu waree, ŋa bankoo fondamaŋo laa. Muŋ ne ye a tinna, ali ka tara silaŋ baa kono luŋ-wo-luŋ, ali toorandilaa la kamfaa kamma, meŋ be lafiriŋ ka ali kasaara? Ali toorandilaa la kamfaa maŋ ke tuus ti.

Yesaya 9:4

Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Lankenemoo 11:2

Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula.

Luka 21:24

Moo jamaa be faa la niŋ hawusaroo* la, doolu be taa la mutoo kono bankoolu bee kaŋ. Bituŋ jaahiloolu be Yerusalaamu bee dori la le, fo niŋ ì la waatoo banta.

Jakariya 10:5

Ì be ke la le ko kelejawaroolu, mennu ka ì jawoolu dori potoo kono mbeedoolu kaŋ. Ì si keloo ke kendeke, kaatu nte Yaawe be ì fee le. Ì si ì jawoolu malundi, hani mennu be suwoolu kaŋ.

Yeremiya 48:18

“Alitolu Diboninkoolu, ali jii naŋ ali la dulaa horomariŋo to, ali ye sii buutoo kono, kaatu Mowabi bankoo kasaaralaa, wo le ka naa ali kamma, ka ali la tata bambandiŋolu kasaara.

Yeremiya 48:8

Tiñaarilaa kafoo be naa saatewolu bee le kamma jee, hani saatee kiliŋ te kana la, wulumbaŋo to be kasaara la le, konkotundi fanuŋo to ye buruka, ko nte Yaawe ye a fo ñaameŋ.

Yeremiya 21:12

Nte Yaawe ye ñiŋ ne fo ko: Alitolu Mansa Dawuda koomalankoolu, ali kiitii tilindiŋo taamandi fanikee-wo-fanikee, ka moo-wo-moo bondi a toorandilaa bulu, ì ye meŋ nakari, niŋ wo nte, n na kamfaa si mala ko dimbaa. A si mala, moo te soto noo la ka a faa, ali la kuu jawu kewolu kamma la.

Yesaya 33:1

Kooroo be boyi la ite kasaaralilaa kaŋ ne, moo maŋ ite meŋ kasaara. Kooroo be boyi la ite jamfaalaa kaŋ ne, moo maŋ ite meŋ jamfaa. Niŋ i ye i foño kasaaraloo la, hani wo, i be kasaara la le. Niŋ i ye i foño jamfaamooyaa la, wo to le jamfaa kuwo be naa ke la i la.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 15:6

Nimurimu baajiyo jaata le, a ñaamoolu norota, fiifeŋolu bee faata, hani dulaa jambakereriŋ maŋ soto.

5 Musa 24:14

Ali kana fuwaaroolu niŋ fentaŋolu tilimbaliyaa ka ì la joo nakari niŋ ì ye dookuwo ke ali ye, fo ì keta ali baadiŋ Banisirayilankoolu le ti, waraŋ tumarankewolu mennu be sabatiriŋ ali la saatewolu kono.

Roomankoolu 16:20

Alla meŋ ka kayiroo dii, a be Seetaanoo* dori la ali siŋo koto le, a te mee la faŋ. M̀ Maarii Yeesu Kiristu la hiinoo ye tara ali fee.

Jakariya 9:8

Bituŋ ŋa daakaa n na bankoo kaŋ kantarilaa ti, moo te taa niŋ naa la jee. Hani toorandirilaa kiliŋ te boyi la a kaŋ, kaatu m faŋo ñaa ye ì la bataa je le.”

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Yesaya 54:14

I be tara la bambandiŋ tiliŋo le kaŋ. Mantooroo be jamfa la i la le, i kijoo te fara la, silaŋ kuu baa fanaa te kata la i la.

Yesaya 58:7

Ali niŋ konkotoolu ye ali la domoroolu talaa, ali ye ali la koridaalu yele fuwaaroolu ye, mennu maŋ yaa soto. Ali dendikoolu dii moolu la, mennu maŋ feŋ soto ì be meŋ duŋ na, aduŋ ali kana balaŋ ka ali fansuŋ baadiŋolu maakoyi.

Yeremiya 40:11

Yahuuda moolu mennu tarata Mowabi, Ammoni, aniŋ Edomu bankoolu kaŋ, ka taa banku koteŋ doolu bee kaŋ, wolu ye a moyi le ko Babiloni mansakewo ye moo toomaalu tu Yahuuda moolu kono Yahuuda bankoo kaŋ ne. Ì ye a moyi le fanaa ko, a ye Ahikamu dinkewo Kedaliya, Safani mamariŋo, le ke ì la kumandaŋo ti.

Obadiya 1:14

Ali si loo noo silafatoolu to ñaadii, ka ì la keleborilaalu faa, waraŋ ka ì la moo kanariŋolu dii ì jawoolu la?”