Yesaya 16:2 - Mandinka Bible

² Ko niŋ kunundiŋolu be patapata la mennu wafatita ñaŋo kono, Mowabi musoolu be wo le ñaama, Arinoni Boloŋo teyidulaa to.

Yesaya 16:2 ပူးပေါင်းရင်းမြစ်များ

Kuma Kotoomaalu 27:8

Komeŋ kunoo, meŋ caarita a la ñaŋo to, wo le mu kewo ti, meŋ wudaayita a la suwo kono.

Kiitindirilaalu 11:18

Ì taamata ka taa niŋ keñewuloo kono la, ka muruŋ-muruŋ wo la fo ì kana duŋ niŋ Edomu bankoo kaŋ na, aniŋ Mowabi. Ì tuta Mowabi bankoo ye tilibo kara maafaŋo le la, fo biriŋ ì naata daakaa loo Arinoni Wulumbaŋo kara doo la. Ì maŋ duŋ Mowabi bankoo kaŋ hani siiñaa kiliŋ na, kaatu bankoo ñiŋ danta Arinoni Wulumbaŋo le to.

Yeremiya 48:20

Ì be ali jaabi la le ko, ‘Mowabi bulata malu kuwo le kono, kaatu jee teyita le.’ Ali kumboo ka wuuri! Ali a kankulaa Arinoni Wulumbaŋo dandaŋo la taariŋ ko, ‘Ì ye Mowabi kenseŋyandi le!’

Yesaya 13:14

“Moo-wo-moo boritoo be muruŋ na a la moolu yaa le, a wuluu bankoo kaŋ, ko ì ka minaŋo meŋ deema, ko saajii janjandiŋolu mennu maŋ kantarilaa soto.

Yosuwa 13:16

Wo le mu ka bo Aroweri, Arinoni Wulumbaŋo daala, aniŋ ka bo saatewo to, meŋ be Arinoni Wulumbaŋo teema, aniŋ Medeba tundoo bee.

5 Musa 3:12

Kabiriŋ ŋà ñiŋ bankoo taa waati meŋ na, ŋa doo talaa Rubeni lasiloo niŋ Kadu lasiloo moolu le teema, ka bo Aroweri saatewo to meŋ be Arinoni Wulumbaŋo dandaŋo la ka taa konkotundoo* talantewo meŋ be Kileyadi tundoo kaŋ aniŋ a saatewolu.

5 Musa 3:8

Ŋà Yoridani Boloŋo tiliboo la bankoo taa Amorinkoolu la mansakee fuloo bulu teŋ ne, ka bo Arinoni Wulumbaŋo to ka taa fo Herimoni* Konkoo to.

5 Musa 2:36

Yaawe ǹ na Alla ye saatewolu bee duŋ m̀ bulu le, ka bo Aroweri meŋ be Arinoni Wulumbaŋo jenjeŋo la aniŋ saatee doo meŋ be wo wulumbaŋo teema ka taa wo la fo Kileyadi tundoo kaŋ. Saatee te jee meŋ na tatoo bambanta ntolu fee ka a teyi.

4 Musa 21:29

Kooroo be alitolu Mowabi moolu ye! Alitolu Kemosi jalaŋo batulaalu, ali kasaarata le. Kemosi ye a dinkewolu ke borijoŋolu ti, a ye a dimmusoolu kenkeŋ mutoo kono, Amorinkoolu la mansa, Sihoni bulu.

2 Mansoolu 3:4

Mesa le mu Mowabi bankoo mansa ti. Saajii jamaalu le be a bulu, a ka mennu balundi. Saŋ-wo-saŋ a ka saajiiriŋ wuli keme, aniŋ saajiikotoŋ wuli keme le tiyolu kii Banisirayila mansa ye naamoo ti.

Kuma Kotoomaalu 26:2

Komeŋ jaataliŋo buka sabati ñaameŋ, waraŋ naanaa ka yaayoo santo ñaameŋ, dankoo te moo muta noo la wo le ñaama, meŋ maŋ danka kuwo ke.

Yeremiya 48:9

Dampaŋolu sorondi Mowabi ye, kaatu a be tii la le ka taa yereŋ, a saatewolu be kenseŋyandi la le, moo te tara la siiriŋ jee.

Yeremiya 48:46

Kooroo be ite Mowabi ye le! Jalaŋ Kemosi la moolu kasaarata, kaatu ali dinkewolu taata mutoo kono le, ì ye ali dimmusoolu fanaa samba mutoo kono.