Yesaya 15:7 - Mandinka Bible

⁷ Ì ye ì la naafuloo meŋ kafu ñoo ma, ì ye a maabo le, ì ye a samba, ka a teyindi niŋ Nombo Wulumbaŋo la.

Yesaya 15:7 ပူးပေါင်းရင်းမြစ်များ

Yeremiya 48:36

“Wo to n kumboota Mowabi ye n sondomoo kono le ko ŋaliitoo, n kumboota Kiri-Hareseti moolu ye n sondomoo kono ko ŋaliitoo, kaatu ì la kafuŋ-kafuŋ naafuloo bee kasaarata le.

Yesaya 30:6

Ñiŋ kiilaariyaa kumoo le fota Nekefu* tundoo daafeŋolu la kuwo to: Ñiŋ kiilaalu ka taa niŋ banku le la, ì be bataa niŋ niitooroo taki la daameŋ. Jata kewolu niŋ jata musoolu le be siloo kaŋ, daŋaroolu niŋ capatoolu. Ì ye faloolu niŋ ñonkomoolu dunindi ì la naafuloo la, ka ì samba wo banku nafantaŋo to.

Yesaya 10:14

M buloo siita bankoolu la naafuloolu ma, ko moo si futa noo kunu ñaŋo ma ñaameŋ. Ŋa bankoolu bee kafuŋ-kafuŋ ne, ko moo ka kiloolu kafuŋ-kafuŋ ñoo kaŋ ñaameŋ, kunoo ye mennu tu jee. Hani kiliŋ ne maŋ a dampaŋo jiijaa waraŋ ka a daakaloo yele ka kuma.”

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

3 Musa 23:40

A tili foloo la, ali si yiri dinnaa bulu ñiimaalu taa, tamaree buloolu, yiri biireeriŋ buloolu, aniŋ nomboolu, mennu be woyoolu daala. Ali si seewoo nte Yaawe ali la Alla ñaatiliŋo la fo tili woorowula.

Yesaya 15:8

Ì la woosiyo ye Mowabi bankoo bee beŋ, ì la wuuroo futata fo Ekilayimu, ì la niikuyaa woosiyo, fo Beeri-Elimu.