Yesaya 15:4 - Mandinka Bible

⁴ Hesiboni niŋ Eleyale siilaalu wuurita, ì kaŋo moyita le fo Yahasi saatewo to, a ye a tinna Mowabi kelediŋolu ŋaarata fo ì korita.

Yesaya 15:4 ပူးပေါင်းရင်းမြစ်များ

Yeremiya 48:34

“Ì la wuuroo be kuma kaŋ santo le, ka bo Hesiboni ka taa fo Heleyale, hani fo Yahasi, ka bo Sowari ka taa fo Horonayimu, hani fo Ekilati Selisiya, kaatu hani Nimurimu woyoolu jaata le kos.

Lankenemoo 9:6

Wo luŋolu kono, hadamadiŋolu be saayaa ñini la le, bari ì te a je la. Ì be hame la le ka faa, bari saayaa be bori la ì la le.

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”

Yunusa 4:3

Saayiŋ Yaawe, m bondi duniyaa, kaatu ŋa faa, wo le fisiyaata n ye baluwo ti.”

Yeremiya 20:18

Muŋ ne faŋo ye a tinna nte wuluuta, ka bataa niŋ niikuyaa taki, ka n siyo baŋ maloo kono?

Yeremiya 8:3

Moo toomaalu mennu be tu la ñiŋ banku moo kuruŋolu kono, m be ì janjandi la dulaalu mennu to, saayaa le be fisiyaa la ì ye baluwo ti.” Yaawe Alihawaa Maariyo* le ye a fo.

1 Mansoolu 19:4

Ate faŋo taamata keñewuloo* kono tiloo muumewo la. A naata futa yirindiŋo ma, a siita a koto, aduŋ a duwaata fo a si faa. A ko, “Yaawe*, ñiŋ kuwo koleyaata le. Nte niyo taa. Niŋ nte faata faŋ wo le fisiyaata.”

Kiitindirilaalu 11:20

Bari Sihoni maŋ laa Banisirayilankoolu la ka tambi niŋ a la bankoo la. Bituŋ a ye a la kelediŋolu bee bendi ñoo kaŋ, ì ye daakaa loo Yahasi. Ì niŋ Banisirayilankoolu keleta.

Yosuwa 13:18

Yahasi, Kedemoti, Mefaati,

5 Musa 2:32

Bituŋ Sihoni niŋ a la moolu bee fintita naŋ ǹ kamma keloo la Yahasi saatewo to.

4 Musa 21:23

Bari Sihoni maŋ soŋ ka Banisirayilankoolu bula ì ye tambi niŋ a la bankoo la. A ye a la kelediŋolu bee parendi, ì wulita Banisirayilankoolu kamma keñewuloo kono. Biriŋ a futata Yahasi, a ye Banisirayilankoolu maa keloo la wo le to.

4 Musa 11:15

Niŋ i be n na kuwo laa la teŋ, wo to i ye m faa siiñaa kiliŋ. Hiina n ye, i kana n ñaa londi m faŋo la bataa kaŋ.”

1 Musa 27:46

Bituŋ Rebeka ko Isiyaaka ye ko, “M bataata Esawu la Hitinka musoolu la kuwo la le. Niŋ Yaakuba fanaa ye musoo ñini ñiŋ Hitinka sunkutoolu kono, wo to saayaa le be fisiyaa la n ye wo ti.”

4 Musa 21:28

Dimbaa fintita naŋ Hesiboni kono, dimbaa neŋo bota naŋ Sihoni la saatewo to, a ye Ari saatewo kasaara Mowabi, aniŋ maralilaalu mennu be siiriŋ konkoolu kaŋ Arinoni Boloŋ daala.

Yeremiya 48:21

“Kiitiyo laata konkotundoo ñiŋ saatewolu le kaŋ: Holoni, Yahasa, Mefaati,