Yesaya 15:1 - Mandinka Bible

¹ Kiilaariyaa kumoo fele Mowabi la kuwo to. Ari meŋ be Mowabi, kasaarata le suuto kiliŋ! Kiri meŋ be Mowabi, kasaarata le suuto kiliŋ!

Yesaya 15:1 ပူးပေါင်းရင်းမြစ်များ

Yesaya 11:14

Ì be Filisitinkoolu boyinkaŋ na ñoo la tilijii karoo la le, ì ye tilibolankoolu fanaa ñapinkaŋ. Ì si ì buloo laa Edomu niŋ Mowabi kaŋ, Ammoninkoolu ye soŋ ì ma.

4 Musa 21:28

Dimbaa fintita naŋ Hesiboni kono, dimbaa neŋo bota naŋ Sihoni la saatewo to, a ye Ari saatewo kasaara Mowabi, aniŋ maralilaalu mennu be siiriŋ konkoolu kaŋ Arinoni Boloŋ daala.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 16:11

N kumboota Mowabi ye le ko suusaa kumakaŋo, Kiri-Hareseti saatewo la kuwo ye m baloo bee futufaa.

Yesaya 16:7

Wo to, Mowabinkoolu si lemba, moolu bee si lemba, ì la kuwo balafaa kaŋ. Ali sunu baake, ali ye sunu kendeke, Kiri-Hareseti saatewo la tiñaa kamma la, kaatu a la domori diimaa te soto la kotenke.

Yesaya 14:28

Ñiŋ kiilaariyaa kumoo naata le saŋo meŋ na, Mansa Ahasi faata.

Yesaya 13:1

Kiilaariyaa kumoo fele Babiloni la kuwo to, meŋ lankenemata Yesaya Amosi dinkewo ye.

2 Mansoolu 3:25

Ì ye ì la saatewolu tiñaa le. Niŋ ì futata senebanku kendoo meŋ-wo-meŋ ma, moo-wo-moo si beroo fayi jee, ka a fandi niŋ beroolu la. Ì ye ì la woyoolu bee suki le, aduŋ ì ye ì la yiri dinnaa kendoolu bee boyi le. Labaŋo la saatee kiliŋ doroŋ ne tuta looriŋ jee, meŋ keta Kiri-Hareseti saatewo ti. Kampuraŋ fayilaalu ye jee fanaa murubeŋ, ì ye a boyinkaŋ.

5 Musa 2:18

“Bii ali be tambi la niŋ Mowabi bankoo kaŋ ne la, Ari saatewo daala.

5 Musa 2:9

Bituŋ Yaawe ko n ye ko, “Ali kana boyi Mowabinkoolu kaŋ waraŋ ka ì maa keloo la. N te hani dulaa dii la ali la ì la bankoo to. Ŋa Ari saatewo dii Luuti koomalankoolu la le ka ke ì taa ti.”

Yesaya 25:12

Yaawe be Mowabi tata sansaŋ jaŋolu boyindi la le, a ye ì jindi duuma. A be ì boyindi la banku buutoo le kono.

5 Musa 2:19

Niŋ ali futata Ammoninkoolu la bankoo naanewo to, ali kana boyi ì kaŋ waraŋ ka ì maa keloo la. Kaatu n te hani dulaa dii la ali la ì la bankoo ñiŋ to. Ŋa jee dii Luuti koomalankoolu le la ka ke ì taa ti.”

Yesaya 16:6

Ŋà Mowabi la faŋ waroo moyi le, a la faŋ wara mooyaa tambiriŋo, a la faŋ sikandoo, a la konofaa aniŋ a la nendiroo, bari a la kibiroo, kuma kenseŋo doroŋ ne mu.