Yesaya 13:7 - Mandinka Bible

⁷ Ñiŋ be a tinna le, moolu bee buloo ye lamfu, ì kijoo ye ì fara.

Yesaya 13:7 ပူးပေါင်းရင်းမြစ်များ

Esekiyeli 21:7

Niŋ ì ye i ñininkaa i ka muŋ ne kumboo fo i ka sikisiki teŋ, i si a fo ì ye ko, i ye kibaaroolu mennu moyi, wolu silaŋo warabaata le. Niŋ a waatoo siita, a kijateyoo be doolu ketundi la le, doolu ye tu jarajara la, silaŋo niŋ dewuŋo kamma la, aduŋ moo bee kumbaliŋo be kori la le las. Waatoo ñiŋ siita naŋ ne, a te baayi la muk!” Maarii Yaawe le ye a fo.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Esekiyeli 7:17

Moo bee buloo be lamfu la le, ì kumbaliŋolu bee ye baabaa.

Yesaya 19:1

Kiilaariyaa kumoo fele Misira la kuwo to. A juubee, Yaawe* tariyaatoo le ka naa Misira, a ka naa niŋ saŋ tawaloo le la. Misira jalaŋolu be jarajara la a ñaatiliŋo la le, Misirankoolu kijoo ye teyi.

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

Yesaya 51:20

I diŋolu ketuta le, ì be laariŋ mbeedi kuŋolu to ko minaŋo meŋ be jaloo daa. Yaawe la kamfaa ye ì futufaa le, i la Alla la jalayiroo.

Yesaya 37:27

Tuma meŋ na wo saatewolu moolu semboo banta, ì jikilateyita, aduŋ ì maluta. Ì keta le komeŋ kunkukono fiifeŋolu, aniŋ ñaama soroŋ kutoo. Ì ka munta le komeŋ ñaamoo meŋ falinta buŋo santo, meŋ ka jaa janniŋ a be meŋ na.

2 Musa 15:15

Edomu alifaalu kijoolu be teyi la le, Mowabi ñaatonkoolu ye tu jarajaroo la, Kanaaninkoolu be jikilateyi la le,

Yosuwa 2:11

Kabiriŋ ŋà wo moyi, wo ye ǹ kijoo teyi le. Ali la kuwo ye a tinna le, moo maŋ jiki soto kotenke. Kaatu Yaawe ali la Alla, ate le mu Alla ti Arijana kono santo, aniŋ duniyaa kono jaŋ duuma.

Jabuuroolu 58:7

Allamaa ì ye yeemaŋ ko jiyo meŋ ka bori. Allamaa ì la jooraŋolu ye nafantaŋyaa ì buloolu kono.

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Esekiyeli 21:12

“Wo to, ite hadamadiŋo, kumboo fo i ye lemba, kaatu ñiŋ mantooroo meŋ ka naa teŋ, a be laa la n na moolu le kaŋ. Banisirayila maralilaalu niŋ moo toomaalu bee be faa la keloo le to. Wo kamma la, kumboo fo i ka sikisiki, niikuyaa kamma la.

Nahumu 2:11

Ì la saatewo keta ñaadii le, meŋ ka muluŋ nuŋ ko jata koloo, jatadiŋolu daañini dulaa, jatoolu sabatidulaa, jatamusoolu niŋ jatadiŋolu, daameŋ moo buka haañi ka ì waliŋ jee?