Yesaya 13:2 - Mandinka Bible

² Yaawe* ko: “Ali bandeeroo wulindi konko turoo kaŋ, ali ye kelediŋolu lenka, ka a fo ì ye naa duŋ, niŋ moo kummaalu la dundaŋ daalu la.

Yesaya 13:2 ပူးပေါင်းရင်းမြစ်များ

Yeremiya 51:58

Yaawe Alihawaa Maariyo ye ñiŋ ne fo ko: “Babiloni tata sansaŋo niŋ a la bambaŋo, a be boyi la le fo a niŋ bankoo ye tembe. Dimbaa le be duŋ na a la, moolu la dookuwo be ke la kenseŋ ne ti, bankoolu la dookuwo be ke la dimbaa le taa ti.”

Yesaya 5:26

Yaawe ye bandeeroo wulindi banku jamfariŋo moolu ye le ka naa, a ye moolu kumandi, ka bo naŋ duniyaa daŋo to. A fele ì ka naa, korontoo aniŋ tariyaa ñaama.

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Yeremiya 51:25

“A juubee, m be looriŋ i kamma le, ite kasaaralilaa meŋ ye buŋ ko konkoo, ka kasaaroo ke duniyaa bee kono taariŋ. M be m buloo teeka la le, a ye laa i kaŋ, ŋa i birimintindi ka bo i turu jaŋo to naŋ, ŋa i jani fo i ye keremu.” Yaawe le ye a fo.

Yesaya 10:32

Wo luŋo la, ì be loo la Nobu le, ì ye Yerusalaamunkoolu silandi, Siyoni Konkoo moolu.

Yesaya 18:3

Alitolu duniyaa moolu mennu be baluuriŋ ñiŋ saŋ kuloo koto, niŋ bandeeroo wulindita konkoo turoo kaŋ, ali a juubee, niŋ saakotoŋ binoo* feeta, ali dandalaaroo moyi.

Yesaya 11:15

Yaawe be Misira baajiyo buruka la le, a be a buloo finjaŋ na Yufurati Boloŋo kunto le, a ye a jandi niŋ foño kandi baa la. A be a talaŋ-talaŋ na woyindiŋ woorowula le ti, fo moolu niŋ samatoolu si kuntu noo jee.

Yesaya 11:12

A be bandeeroo wulindi la bankoolu ye le, a ye Banisirayila mutamoolu bendi, a ye Yahuuda moo janjandiŋolu kafu ñoo kaŋ, ka bo duniyaa tonkoŋ naanoo to.

Jabuuroolu 60:4

I ye bandeeroo le wulindi moolu ye, mennu ye i kuliyaa, ñiŋ kamma ì si tanka jawoolu la kalabeñoo ma. S

Yesaya 19:16

Wo luŋo la Misirankoolu be muluŋ na le ko musoo, silaŋo ye duŋ ì la ka jarajara, niŋ Yaawe Alihawaa Maariyo ye a buloo teeka ì kamma.

Yesaya 31:9

Yaawe meŋ na batudulaa be Yerusalaamu, meŋ na sadaajanidulaa* be Siyoni, ye ñiŋ ne fo ko, Asiriya la kelediŋ bambandiŋolu ko konko beroo be bori la le silaŋo kamma. A la ñaatonkoolu be jikilateyi la le, ì ye bori ka ì la bandeeri dokoo tu jee.

Yeremiya 50:41

Yaawe ko: “A juubee, kelediŋ kafoo le ka bo naŋ maraa kara bankoo kaŋ. Banku sembemaa aniŋ mansakee jamaalu le be maamaŋ kaŋ naŋ, ka bo dulaa jamfariŋ baalu to.

Yeremiya 51:12

Ali bandeeroo wulindi taamanseeroo ti ka Babiloni tata sansaŋolu boyinkaŋ, ali kelediŋ kantarilaalu bambandi jee kamma, ali ye kantarilaalu londi ì dulaalu to! Ali kelediŋolu wulindi ì ye deleŋo laa ì kamma!” Silaŋ, Yaawe ye a la natoo ke le fokabaŋ, a ye meŋ fo Babiloni la kuwo to.