Yesaya 13:14 - Mandinka Bible

¹⁴ “Moo-wo-moo boritoo be muruŋ na a la moolu yaa le, a wuluu bankoo kaŋ, ko ì ka minaŋo meŋ deema, ko saajii janjandiŋolu mennu maŋ kantarilaa soto.

Yesaya 13:14 ပူးပေါင်းရင်းမြစ်များ

1 Mansoolu 22:17

Bituŋ Mikaya ko, “Ŋa kuwo je le meŋ be naa ke la. Ŋa Banisirayila kelediŋolu je janjandiŋ konkoolu le kaŋ komeŋ saajiyolu mennu maŋ kantarilaa soto, aduŋ Yaawe ye ñiŋ ne fo ko, ñiŋ moolu maŋ ñaatonka soto. Ì si seyi suwo kono kayira kono.”

Yeremiya 50:16

Ali fiifeŋ fiilaalu turutumbuŋ Babiloni, ka taa katirilaalu niŋ ì la worotoolu. Ì mantooralaalu la hawusari* keloo be a tinna le tumarankewo bee ye muru ì fansuŋ moolu yaa, moo-wo-moo ye bori a fansuŋ bankoo to.”

1 Mansoolu 22:36

Kabiriŋ tiloo be boyi kaŋ doroŋ, wuuroo janjanta kelediŋolu kono ka a kankulaa ko, “Kewolu bee ye seyi ì bota daameŋ!”

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Yesaya 47:15

Wo looloo lonnaalu mennu mu i kuukeñoolu ti biriŋ i dindiŋ, ì te feŋ ke noo la i ye. Ì be i tu la jee le, ì ye taa ì faŋ ye, moo te soto la ì kono meŋ si i tanka.”

Yesaya 17:13

Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

Matiyu 9:36

Kabiriŋ a ye kafoo je, a balafaata ì ye, kaatu ì be bataariŋ ne aniŋ ì jikilateyita. Ì ka munta le ko saajiyolu, mennu maŋ kantarilaa soto.

Maaka 6:34

Yeesu be futa kaŋ baa kankuŋo la doroŋ, a ye kafu baa je. A balafaata ì ye, kaatu ì ka munta le ko saajiyolu, mennu maŋ kantarilaa soto. Bituŋ a ye a dati ka ì karandi kuu jamaa la.

1 Pita 2:25

Kaatu ali bee ye ali fansuŋ siloo taa le nuŋ ko saajii filiriŋolu, bari saayiŋ, ali muruta Kantarilaa kaŋ ne, ali niyolu tankandilaa.

Yesaya 21:15

Ì borita hawusaroo* le la, hawusaroo meŋ buusita ì kamma, kaloo meŋ sabata ì kamma, aniŋ keloo la kandoo.

Yeremiya 25:12

Bituŋ niŋ sanji taŋ woorowula kumfaata, n si naa Babiloni mansakewo kuluu, aniŋ a la wo bankoo, meŋ mu Babiloninkoolu la bankoo ti. Ì la junuboolu kamma la m be a bankoo kenseŋyandi la le fo abadaa.

Nahumu 3:18

Hee, Asiriya mansa, i la maralilaalu be jinkoo la, i la kee kendoolu be laariŋ, i la moolu be janjandiŋ konkoolu kaŋ, moo maŋ soto noo ka ì kafundi ñoo ma.