Yesaya 13:11 - Mandinka Bible

¹¹ Yaawe ko, “M be duniyaa mantoora la a la kuu jawu kewo la le, ŋa moo kuruŋolu jarabi ì la junube kuu kewo la. M be faŋ wara moolu la faŋ wara maañaa daŋ na le, ŋa moo tooralaalu la faŋ sikandoo jindi.

Yesaya 13:11 ပူးပေါင်းရင်းမြစ်များ

Yesaya 2:11

Faŋ wara moolu la kuwo be jindi la le, aduŋ faŋ sikandilaalu be dooyandi la le. Wo luŋo la, Yaawe dammaa le be sikandi la.

Yesaya 5:15

Moo bee la kuwo be jindi la le, ì ye tara dooyaa kono, faŋ wara moolu la kuwo ye dooyaa ì faŋolu ñaa koto.

Yesaya 26:21

A juubee, Yaawe be finti la naŋ a sabatidulaa kono le, ka moolu jarabi ì la junube kewo la. Bankoo be moo faariŋolu waañaari la le, ì ye mennu faa, a te ì maabo la kotenke.

Yesaya 14:21

Dulaa parendi ka a dinkewolu kanateyi, ì la alifaa foloolu la junuboolu kamma la. Ì te wuli la muumeeke ka bankoo keetaa, waraŋ ka duniyaa bee fandi ì la saatewolu la.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

Yesaya 2:17

Faŋ wara moolu be dooyandi la le, aduŋ faŋ sikandilaalu be jindi la le. Wo luŋo la Yaawe dammaa le be sikandi la.

Yuuba 40:12

Moo juubee meŋ ka a faŋ wara, i ye a la kuwo jindi. Moo jawoolu kasaara waati kiliŋ.

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Yesaya 14:5

Yaawe ye busoo kati moo kuruŋolu bulu le, aniŋ maralilaalu la mansadokoo.

Yesaya 22:14

Yaawe Alihawaa Maariyo ye n kalamutandi ñiŋ na le ko, “Fo janniŋ ali la saayaa luŋo, ali la ñiŋ junuboo te kafari la.” Yaawe Alihawaa Maariyo le ye a fo.

Yesaya 23:9

Yaawe* Alihawaa Maariyo* le ye a feere. Ì ye horomoo niŋ buuñaa meŋ soto, a be a bee bondi la le, a ye ì darajoo jindi.

Yesaya 24:21

Wo waatoo la, Yaawe be saŋo santo sembetiyolu jarabi la le, aniŋ maralilaalu mennu be duniyaa kono.

Yesaya 25:3

Wo to banku sembemaalu be i horoma la le, banku saŋarariŋolu la saatewolu ye sila i la.

Yesaya 29:5

Bari ñiŋ bee ñaa-wo-ñaa, i jawu jurumoo be naa ke la le ko kankaŋ kenseŋo, tilimbali kafu jurumoo ye tii ko fuufulewo.

Yesaya 29:20

Moo tooralaalu te tara la baluwo to kotenke, Alla ñaawalilaalu siyo si baŋ, aduŋ mennu ñaa ka tu looriŋ ka kuu jawoo ke,

Yesaya 65:7

ali niŋ ali la alifaa foloolu bee la junuboo la. Ì jututa n na le ka cuuraayoo siisindi jalaŋolu ye konkoolu kaŋ. Ì ye ì la junube kuwolu mennu ke n na, m be jaraboo jindi la ì kaŋ a ñaama le.”

Yeremiya 48:29

“Ŋà Mowabi la faŋ waroo moyi le, a ye a faŋ wara baake ñaameŋ, ka a faŋ sikandi, a la faŋ waroo, a la konofaa, aniŋ a la sondome kufaŋo.

Habakuki 2:4

Kibaaroo fele: Faŋ wara moo maŋ tiliŋ, a be kasaara la le. Bari moo tilindiŋo be baluu la ka bo niŋ a la lannoo le la.

Kuma Kotoomaalu 11:31

Niŋ moo tilindiŋo la baaroo ka joo ñiŋ duniyaa kono, wo to tooñaa-tooñaa, moo kuruŋo niŋ junubelaa fanaa be ì taa soto la le.

Yesaya 2:12

Yaawe Alihawaa Maariyo* ye luŋ ne tomboŋ, luŋo meŋ a be faŋ wara moolu, faŋ sikandilaalu, aniŋ kibiri moolu bee la kuwo jindi la.

Yesaya 25:5

ko keñewuloo* kandoo. Ite Yaawe le ye bantala bankoolu* maakaŋo tenkundi, i ye kañeeri denkiloo bondi sembemaalu daa, ko kandoo ka talaa ñaameŋ, niŋ minaayoo ye dubeŋo dii.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.