Yesaya 12:6 - Mandinka Bible

⁶ Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Yesaya 12:6 ပူးပေါင်းရင်းမြစ်များ

Jakariya 2:5

Yaawe* ko: “M be ke la tata dimbaamaa le ti, ŋa a murubeŋ, aduŋ nte le be ke la a semboo niŋ waroo ti.”

Jabuuroolu 9:11

Ali suukuwo laa ka Yaawe jayi, meŋ na mansasiiraŋo be Siyoni*. Ali a seyinkaŋ duniyaa moolu ye a ye kuwolu mennu ke.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Esekiyeli 48:35

“Saatewo la waroo muumewo bee be kaañaŋ na nonkonkatiñaa wuli taŋ niŋ seyi le fee. Ka bo wo waatoo la ka taa fo fawu, wo saatewo too be ke la ñiŋ ne ti: Yaawe be jee le.”

Yesaya 54:1

Yaawe* ko: “Yerusalaamu, suukuwo laa. I ka muluŋ ne ko musoo meŋ nene maŋ diŋo soto. Suukuulaa dati, i ye sari seewoo kamma la. Ite musu kiideeriŋo, meŋ maŋ tiŋo la koleyaa loŋ, i be diŋ jamaa soto la le, ka tambi musoo la, kewo be meŋ bulu.

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 40:9

Ite meŋ ka kibaari diimaa naati Siyoni*, sele konko jaŋo santo, ite meŋ ka kibaari diimaa naati Yerusalaamu, sari kendeke, sari santo, aduŋ i kana sila. A fo Yahuuda saatee moolu ye ko, “Ali la Alla fele!”

Jabuuroolu 71:22

Kooni Alla, wo to le m be i jayi la niŋ kooraa la, kaatu i tilinta le. M be suukuwo laa la le ka i jayi niŋ kontiŋo la, ite Banisirayila la Senuŋ Baa.

Sefaniya 2:5

Kooroo be alitolu Filisitinkoolu ye, alitolu mennu be siiriŋ baa daala Kanaani bankoo kaŋ. Yaawe la kumakaŋo ye alitolu le maa ko, “M be ali bee le kasaara la, hani moo te tu la.”

Esekiyeli 43:7

A ko n ye le ko: “Hadamadiŋo, ñiŋ dulaa le mu n na mansasiiraŋo aniŋ n siŋ looraŋo ti. M be tara la sabatiriŋ Banisirayila moolu kono jaŋ ne to, ka ì mara fo abadaa. Banisirayilankoolu niŋ ì la mansoolu te n too senuŋo kosondi la kotenke ka bo niŋ ì la jalaŋ batu tuluŋolu la, aniŋ ì ye beroolu mennu loo ì la mansa furewolu ye.

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Yesaya 33:24

Moo te tara la Siyoni meŋ be a fo la ko, “N saasaata le.” Moolu mennu be sabatiriŋ jee, ì la junuboolu be kafari la le.

Yesaya 30:19

Hee Siyoninkoolu*, alitolu mennu be sabatiriŋ Yerusalaamu, ali te kumboo la kotenke. Niŋ ali kumboota maakoyiroo la, a be hiinoo yitandi la ali la a ñaama le. Niŋ a ye a moyi doroŋ, a be ali jaabi la le.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Yesaya 10:24

Wo to, Yaawe Alihawaa Maariyo ye ñiŋ ne fo ko, “Hee n na moolu, alitolu mennu be sabatiriŋ Siyoni, ali kana sila Asiriyankoolu la, mennu ye ali buutee busoo la, ì ye dokoo sika ali kamma, ko Misirankoolu ye a ke nuŋ ñaameŋ.

Yesaya 8:18

M fele, n niŋ n diŋolu Yaawe ye mennu dii n na! Ntolu le mu taamanseeroolu niŋ yitandiroolu ti, Banisirayila kono, ka bo naŋ Yaawe Alihawaa Maariyo bulu, meŋ be sabatiriŋ Siyoni* Konkoo kaŋ.

Jabuuroolu 132:14

A ye ñiŋ ne fo ko, “M be sabati la jaŋ ne fo abadaa, m be tara la jaŋ ne, ŋa jaŋ ne lafi.

Jabuuroolu 89:18

Yaawe, ite le ye tankandirilaa tomboŋ ǹ ye, ite Banisirayila la Senuŋ Baa le ye mansa dii ǹ na.

Jabuuroolu 68:16

Hee Konko, i niŋ i turu jaŋolu, muŋ ne ye a tinna i ka Siyoni* Konkoo fele kiiliyaa kaŋ, Alla lafita daameŋ ye ke a taradulaa ti, Yaawe be tara la daameŋ to fo abadaa?

Jabuuroolu 46:5

Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

Jabuuroolu 99:2

Yaawe la kuwo warata Siyoni* saatewo kono le, a la kuwo warata duniyaa bankoolu bee kaŋ ne.

Yesaya 1:24

Silaŋ Yaawe Alihawaa Maariyo, Banisirayila la Alla Tallaa, ye ñiŋ ne bankee ko, “N jawoo, m be n na kamfaa jindi la i kaŋ ne, m be n na juloo joo la i to le!

Yesaya 24:14

Bari moolu mennu tuta baluuriŋ, ì be ì kaŋolu sikandi la le, ka sari seewoo kamma la. Ka bo tilijii maafaŋo la, ì ye Yaawe la mansabaayaa fo.

Yesaya 60:16

I suulata meŋ na bankoolu niŋ ì la mansoolu bulu, i be a soto la le, ko niŋ dindiŋo ka suusuu a baamaa sunjoo to. Wo to i be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.

Yeremiya 10:6

Kooni Yaawe, doo koteŋ te jee meŋ be ko ite. Ite warata le, i too semboo warata.

Esekiyeli 35:10

“Ali ye ñiŋ ne fo Banisirayila niŋ Yahuuda bankoolu ma ko, ‘Ñiŋ banku fuloo be ke la ǹ taa le ti, aduŋ m̀ be ì taa la le, ka sabati jee,’ hani nte Yaawe be jee ñaa-wo-ñaa.

Esekiyeli 39:7

N na moolu Banisirayilankoolu bee be n too jankuriŋo loŋ na le, aduŋ n te soŋ na bantala bankoolu* ye jutu n too jankuriŋo la kotenke. Ì bee be a loŋ na le ko, nte le mu Yaawe ti, Banisirayila la Senuŋ Baa.

Esekiyeli 48:8

“Wo kenoo ali ñanta meŋ landi la kara la ka ke diiri kummaa ti nte Yaawe ye, a naanewo be tara la Yahuuda ye bulubaa karoo le la. A kenoo la fanoo ñanta kaañaŋ na nonkonkatiñaa wuli muwaŋ niŋ luulu le fee. A karoo la jamfoo niŋ Banisirayila lasili doolu bee la kenoolu karoo la jamfoo ñanta kaañaŋ na le. A be bo la tilibo karoo naanewo le to ka taa fo tilijii karoo naanewo to. Nte Yaawe Batudulaa Senuŋo le be tara la a teema.

Hoseya 11:9

N te n na jusukandoo jii la ali kaŋ, sako n si Efurayimu kasaara. Nte mu Alla Senuŋ Baa le ti, meŋ be ali fee, m maŋ ke hadamadiŋo ti. N niŋ jusukandoo te naa la ali kaŋ.

4 Musa 23:21

“Mantaabembaliyaa te soto la Yaakuba la karoo la, balafaa kuu nene te laa la Banisirayila kaŋ. Yaawe ì la Alla, be ì fee le. Ate le mu ì la Mansa Baa ti, aduŋ ì ye a tentu wo la le.

5 Musa 23:15

Niŋ joŋo borita a maariyo koto ka bo naŋ banku doo to a naata ali kaŋ, ali maŋ ñaŋ na a murundi la ka a dii a maariyo la.

Jabuuroolu 135:21

Tentoo ñanta Yaawe ma Siyoni* kono le, ate meŋ taradulaa be Yerusalaamu. Ali Yaawe jayi.

Yesaya 33:21

Yaawe be a la sembe waroo yitandi la ǹ na jee le to. Baa fanuŋo aniŋ boloŋ baa be tara la jee le. Bari hani wo ǹ jawoolu te kele kuluŋolu jiba noo la jee, sako kuluŋ baalu si tambi jee.

Yoweli 2:27

Banisirayilankoolu, ali be a loŋ na le ko, m be ali fee le, aniŋ fanaa ko, nte Yaawe le mu ali la Alla ti, doo koteŋ te jee. N na moolu nene te bula la maloo kono kotenke.”

Jakariya 2:9

Yaawe be wuli la ì kamma le, ì ka mennu joŋyandi ye ì ñapinkaŋ. Niŋ wo keta, ali be a loŋ na le ko, Yaawe Alihawaa Maariyo le ye n kii.