Yesaya 12:3 - Mandinka Bible

³ Ali be jiyo bii la kiisa koloŋolu kono le, ali niŋ seewoo.

Yesaya 12:3 ပူးပေါင်းရင်းမြစ်များ

Lankenemoo 22:17

Noora Kuliŋo niŋ maañoo ko, “Naa!” Aduŋ meŋ ye ñiŋ moyi, wo si a fo ko, “Naa!” Mindoo be meŋ na, a si naa, aduŋ moo meŋ hameta, wo si baluwo jiyo taa, joori te meŋ to.

Lankenemoo 22:1

Bituŋ malaayikoo ye boloŋo yitandi n na, meŋ jiyo ka baluwo dii. A be faramansariŋ ne ko weeri foroo. A naata ka bo Alla niŋ Saajiiriŋo la mansasiiraŋo koto.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

Yesaya 49:10

Ì te konko la, waraŋ mindoo ye ì muta, sako tiloo si i kandi waraŋ keñewuloo* foñoo si ì mantoora. Nte Alla meŋ ka balafaa soto ì ye, be ì ñaatonkayaa la le, ka ì samba woyoolu to.

Yohana 1:16

Ka bo niŋ a la hiinoo la timmoo la, m̀ bee ye hiinoo soto hiinoo kaŋ ne.

Jabuuroolu 36:9

Ite le mu baluwo diilaa ti, aduŋ i la maloo le ka a saabu ntolu ka maloo je.

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.

Yesaya 41:18

M be baajiyo wutundi la konko jaaroolu kaŋ ne, ŋa wulumbaŋolu bee ke woyoolu ti. M be keñewuloo* yelemandi la daloolu le ti, bankoo dulaa jaaroolu ye ke woyoolu ti.

Esekiyeli 47:9

Niŋ ñiŋ jiyo futata daa-wo-daa, daafeŋolu niŋ ñee siifaa jamaalu be tara la jee. Kaatu ñiŋ jiyo le ka woyi, ka wo koo jiyo yelemandi jiisewo ti. Niŋ ñiŋ jiyo futata daa-wo-daa, a be baluwo le naati la jee.

Jabuuroolu 87:7

Ì si i doŋ ka suukuwo laa ko: “Ǹ na neemoo sababoo mu Siyoni le ti.”

Jakariya 13:1

“Wo luŋo la, woyoo le be finti la Dawuda koomalankoolu ye, aniŋ Yerusalaamunkoolu, ka ì seneyandi ì la junuboolu to, aniŋ ì la jankubaliyaa.”