Yesaya 10:9 - Mandinka Bible

⁹ Fo a te Kalino noo la baŋ komeŋ Karikemisi, aniŋ Hamati, ko Aripadi, Samariya fanaa, ko Damasiku?

Yesaya 10:9 ပူးပေါင်းရင်းမြစ်များ

2 Taarika 35:20

Ñiŋ bee koolaa, biriŋ Yosiya ye Alla Batudulaa Buŋo dadaakuu, Misira mansa Neko taata keloo la Karikemisi saatewo to Yufurati Boloŋo to. Bituŋ Mansa Yosiya wulita a kamma.

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.

Yeremiya 46:2

Foloo-foloo, Misira bankoo la kuwo to: Yahuuda mansakewo Yehoyakimu, Yosiya dinkewo la mansayaa sanji naaninjaŋo kono, ñiŋ ne keta kiilaariyaa kumoo ti Misira mansakewo Firawoona Neko la kelediŋolu ma. Babiloni mansakewo Nebukanesa ye itolu le noo keloo to Karikemisi, Yufurati Boloŋo daala. Yaawe ko:

1 Musa 10:10

Foloo-foloo, ñiŋ saatewolu tarata a la mansamarali bankoo le kaŋ: Babeli, Ereki, Akadi aniŋ Kaline, meŋ be Sinari bankoo kaŋ.

Yeremiya 49:23

Ñiŋ kiilaariyaa kumoo le fota Damasiku ma: “Hamati niŋ Aripadi saatewolu jikilateyita le, kaatu ì ye kibaari jawoolu le moyi. Ì kijoo teyita le, ì dunta ñoo to ko baa waameriŋo, meŋ buka tenkuŋ noo.

Yesaya 37:13

Hamati mansa lee? Aripadi mansa lee? Sefariwayimu mansa lee, aniŋ Hena niŋ Iwa?”

Yesaya 36:19

Hamati niŋ Aripadi jalaŋolu lee? Sefariwayimu jalaŋolu lee? Fo ì ye Samariya tankandi noo a bulu le baŋ?

Yesaya 17:3

Efurayimu* tatoolu be kasaara la le, mansayaa semboo ye buruka Damasiku. Too meŋ tuta Aramu bankoo kaŋ, be ke la le ko Banisirayila jikiraŋ semboo yeemanta ñaameŋ.” Yaawe Alihawaa Maariyo* le ye a fo.

Yesaya 7:8

A ko: “Aramunkoolu semboo mu ì la saatee baa Damasiku doroŋ ne ti, aduŋ Damasiku semboo mu ì la ñaatonkoo Resini dammaa le ti. Efurayimu la karoo la, sanji taŋ wooro niŋ luulu ñaato, a bee be kasaara la le, a moolu ye janjaŋ.

2 Mansoolu 17:24

Bituŋ Asiriya mansa ye moolu bo naŋ ñiŋ saatewolu le to: Babiloni, Kuta, Awa, Hamati, aniŋ Sefariwayimu, a ye ì sindi Samariya saatewolu to, Banisirayilankoolu noo to. Ñiŋ moolu ye Samariya taa, ì siita a saatewolu to.

2 Samuweli 8:9

Hamati mansa Toyi ye a moyi le ko, Dawuda ye Hadadesa la kelediŋ kafoolu bee noo keloo la le.

4 Musa 34:8

A ye bo ka bo Hori Konkoo to la, fo Lebo-Hamati. A ye taa wo la Sedadi.

2 Mansoolu 18:34

Hamati niŋ Aripadi jalaŋolu lee? Sefariwayimu, Hena, aniŋ Iwa jalaŋolu lee? Fo ì ye Samariya tankandi noo a bulu le baŋ?

2 Taarika 32:14

M mumuñolu ye bankoolu mennu kasaara, wo bankoolu la alloolu kono, jumaa le kiliŋ nene ye a la bankoo moolu tanka noo Asiriya bulu, ite la Alla wo si ite tanka noo nte bulu baŋ?

Yesaya 10:8

A ko, fo a la ñaatonkoolu bee maŋ ke mansoolu le ti baŋ?

Yesaya 17:1

Kiilaariyaa kumoo fele Damasiku la kuwo to. Yaawe* ko, “Ali a juubee, Damasiku te kumandi la saatewo la kotenke, kaatu a be naa ke la tumbuŋ tuŋo le ti.

Yesaya 37:11

A ko, “Hesekiya, ite faŋo ye a moyi le Asiriya mansoolu ye meŋ ke banku koteŋolu la. Ì ye ì bee kasaara le. Fo ite jikita le ko i be tanka la le baŋ?

Esekiyeli 47:16

Ka bo jee, a ye taa niŋ Berota niŋ Siburayimu la, mennu be Damasiku niŋ Hamati naanewolu teema. A ye tambi Haseri-Hatikoni la ka taa Hawurani naanewo daala.

Habakuki 1:10

Mansakewolu, ì ka wolu ñaawali le, maralilaalu, ì ye wolu ke jelefeŋolu ti. Tatoo, ì ka jele wo la le, ì ka bankoo le ke teputepoo ti, ì ye sele a la ka jee taa.

Yesaya 33:8

Mbeedoolu kenseŋyaata, hani tambilaa kiliŋ te siloolu kaŋ. Kambeŋo tiñaata moolu teema, ì jututa a seedoolu la, ì maŋ moo-wo-moo le horoma.