Yesaya 10:6 - Mandinka Bible

⁶ Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 10:6 ပူးပေါင်းရင်းမြစ်များ

Yesaya 9:17

Wo le ye a tinna Yaawe maŋ kontaani ì la fondinkewolu la kuwo la, waraŋ ka balafaa ì la aliyatiimoolu ye, aniŋ furuyaamusoolu. Kaatu ì bee ye ì koo dii Alla la le, aduŋ kuu kuruŋ kelaalu le mu ì ti, ì bee ka kuma jawoo le fo. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Jakariya 10:5

Ì be ke la le ko kelejawaroolu, mennu ka ì jawoolu dori potoo kono mbeedoolu kaŋ. Ì si keloo ke kendeke, kaatu nte Yaawe be ì fee le. Ì si ì jawoolu malundi, hani mennu be suwoolu kaŋ.

Yeremiya 34:22

M be yaamaroo dii la le ka ì murundi naŋ ñiŋ saatewo kamma. Ì be a kele la le, ì ye a muta, ì ye dimbaa duŋ a la ka a jani. M be Yahuuda saatewolu ke la tumbuŋo le ti, moo te tara la siiriŋ jee.”

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yesaya 19:17

Yahuuda bankoo be Misirankoolu kijoo teyi la le, moo-wo-moo ye a too moyi, wo be sila la le, feŋ te fo Yaawe Alihawaa Maariyo ye meŋ parendi ì kamma.

Matiyu 15:7

Alitolu bunaafayoolu! Annabilayi Yesaya ye tooñaa le fo, kabiriŋ a ye ali la kuwo fo ko:

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Yeremiya 3:10

A ye ñiŋ kuwolu bee ke ñaa-wo-ñaa, Yahuuda, Banisirayila baadiŋ jenkeriŋo maŋ muru naŋ n kaŋ niŋ a sondomoo bee la. A ka a faŋ mulundi le doroŋ ko wo le be a to.” Yaawe le ye a fo.

Yesaya 63:6

N na jusuboo kono, ŋa n tuu bankoolu kaŋ. N na kamfaa ye a ke le, fo ì ka timili-tamali, ŋa ì yeloo boŋ bankoo to.”

Yesaya 63:3

“N na kamfaa kono, ŋa n jawoolu dori le, komeŋ ì ka wayini yiridiŋolu dori ì bitidulaa ñaameŋ. Nte dammaa le ye wo dookuwo ke, moo maŋ bo banku to meŋ si m maakoyi. Ŋa n tuu n jawoolu kaŋ ne, n na jusuboo waatoo kono. Ì yele noo le be n na dendikoo bala.

Yesaya 41:25

“Ŋa mansa kumandi le ka bo naŋ maraa karoo la, meŋ ye n too horoma. A be sabatiriŋ tilibo karoo le la. A be i tuu la maralilaalu kaŋ ne ko, niŋ ì ka sooñibankoo ñaami, aduŋ a be muluŋ na le ko, niŋ boodaalaa ka a la potoo nooni.

Yesaya 33:14

Junubelaalu mennu be Siyoni, kijoo farata le. Jarajaroo dunta Alla sookilaalu la. Ì ko, “Jumaa le be ntolu kono, meŋ niŋ Yaawe la dimbaa si tara noo ñoo kaŋ? Jumaa le be ntolu kono, meŋ si tara noo dimbaa dendeŋo la, meŋ buka faa noo?”

Yesaya 29:13

Yaawe ko: “Ñiŋ moolu ka m batu ì daalu doroŋ ne la, ì ka m buuñaa ì neŋ kolomoo doroŋ ne la, bari ì sondomoolu jamfata n na le. Niŋ ì be m batu la, ì ka bula hadamadiŋolu la yaamaroo le nooma, ì ye meŋ karaŋ ì kuŋ fee.

Yesaya 22:5

Yaawe* Alihawaa Maariyo* ye luŋo le soto, maakaŋo be ke la waatoo meŋ na, ka i tuu moolu kaŋ aniŋ ka tara silaŋo kono, wulumbaŋo kono, ŋa meŋ je jeroo kono. A luŋo la, ì be tata sansaŋolu junku la le ka ì teyi, moolu si tara kumboo la maakoyiroo la, fo a maakaŋo ye futa konkoolu kaŋ.

Yesaya 9:19

Yaawe Alihawaa Maariyo la kamfaa kaŋ, bankoo bee be jani la le, moolu ye ke dimbaa malaraŋo ti. Moo te yamfa la a baadiŋo ye,

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

2 Samuweli 22:43

Wo to le ŋa ì buutee kendeke, fo ŋa ì bee faa. Ŋa ì tuu le, ŋa ì doriŋ-doriŋ ko potoo, meŋ be mbeedoolu kaŋ.

Yesaya 5:5

Saayiŋ, m be a fo la ali ye le, m be meŋ ke la n na kankaŋo la. M be a la sansaŋo bondi la a bala le, a ye kasaara. M be a la bere sansaŋolu bondi la a bala le, ì ye doriŋ-doriŋ a kono.

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Yesaya 7:17

Yaawe be mantoora kuu baa le naati la i niŋ i la moolu kaŋ, aniŋ i faamaa koomalankoolu. Ñiŋ mantooroo le be jawuyaa la ka tambi mantooroolu bee la, kabiriŋ Efurayimu bota Yahuuda la karoo la, aduŋ Asiriya mansa le be ñiŋ mantooroo saabu la.

Yesaya 8:8

A waamemaa le be naa Yahuuda, a ye tara woyiriŋ karoo bee la. A be futa la le fo moolu kaŋo to.” Bari Alla be ntolu fee le, a dampaŋolu mennu be werendenderiŋ, be bankoo fanoo bee faa la le.

Yesaya 24:5

Moolu ye bankoo kosondi, kaatu ì ye Alla la karandiroo soosoo le. Ì maŋ bula a la yaamaroolu nooma, ì ye a la badaa-badaa kambeŋo tiñaa.

Yesaya 32:6

Kaatu toolewo ka tooleeyaa diyaamoo le ke, aduŋ a sondomoo ka tara feeroo le siti kaŋ, ka kuu jawoo baara. A buka tara Alla la kuu to, aduŋ a ka kuu sotobaloo le fo Yaawe* la karoo la. A ka konkotoo konkoriŋo tu jee le, a ka mindootoo bali jiyo la.

Yesaya 33:1

Kooroo be boyi la ite kasaaralilaa kaŋ ne, moo maŋ ite meŋ kasaara. Kooroo be boyi la ite jamfaalaa kaŋ ne, moo maŋ ite meŋ jamfaa. Niŋ i ye i foño kasaaraloo la, hani wo, i be kasaara la le. Niŋ i ye i foño jamfaamooyaa la, wo to le jamfaa kuwo be naa ke la i la.

Yesaya 49:17

I diŋolu be hawujiriŋ ne ka muruŋ naŋ, aduŋ mennu ye i la saatewo kasaara, be taa la le.

Yesaya 49:25

Bari Yaawe ye ñiŋ ne fo ko: “Tooñaa, mutamoolu si buusi noo kelejawaroolu bulu le, buusi feŋo ye seyi ka bo maralilaa saŋarariŋo bulu. Niŋ moolu wulita ka i kele, m fanaa be ì kele la le, aduŋ m be i diŋolu tanka la le.

Esekiyeli 29:20

Misira bankoo be ke la a ye kañee feŋo le ti. Kaatu Nebukanesa niŋ a la kelediŋ kafoo ye n na yaamaroo le muta ka dookuwo ke n ye, ŋa ì bula meŋ na.” Maarii Yaawe le ye a fo.

Esekiyeli 38:12

M be taa le ka ñapi ì kaŋ, ka jee taa aniŋ ka ì la feŋolu buusi ì la ka ì samba. M be ñiŋ bankoo taa la le meŋ tumbunta nuŋ, saayiŋ a moolu naata kafu ñoo ma ka bo naŋ bantala bankoolu bee kaŋ, ka naa sabati jee. Saayiŋ a fele, ì naata fanka ka beeyaŋolu soto, aniŋ feŋ jamaa, ì ye a miira ko, duniyaa danta jee le to.’

Esekiyeli 38:13

Sebankoolu niŋ Dedaninkoolu niŋ juloolu mennu be Tarisi aniŋ a saateeriŋolu bee to, be a fo la ite Kooki ye le ko, ‘Fo i naata le ka tiñaaroo ke baŋ? Fo i ye i la ñiŋ kelediŋ kafu baa bendi ñoo kaŋ ne ka naa ñapi i jawoolu kaŋ, ka ì la feŋolu buusi ì la? Fo i be ì la sanoo niŋ kodiforoo taa la le, ka ì la beeyaŋolu niŋ ì la sotofeŋolu bee buusi ì la?’

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

2 Mansoolu 18:25

Wo bee koolaa, ate maŋ wuli a faŋ ye naŋ ñiŋ dulaa kamma, ka a kasaara, niŋ a maŋ ke Yaawe la yaamaroo kaŋ ti. Yaawe le ko a si wuli naŋ ñiŋ bankoo kamma, ka a kasaara.”

Yesaya 8:4

Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”