Yesaya 10:34 - Mandinka Bible

³⁴ A be sutu ñunkoolu teyi la niŋ teeraŋo le la. Libanooni sutoo be boyi la Sembetii Baa ñaatiliŋo la le.

Yesaya 10:34 ပူးပေါင်းရင်းမြစ်များ

Yesaya 37:24

Sennakeribu ye a la dookuulaalu le kii ka nte Yaawe neŋ, aduŋ a ko, ‘N niŋ n na keleraŋ sareeti* jamaalu seleta konkoolu kaŋ santo le, ka taa fo Libanooni bankoo daŋo to. Ŋa jee sedari* yiri jaŋ baalu boyi le, aniŋ junipa yiri ñiimaa baalu. M futata a konkoolu daŋo ma le, ka taa a sutu yiriwaariŋolu kono.’

Lankenemoo 18:21

Wo to le malaayika sembemaa baa ye beroo sika, meŋ warata ko tuurilaŋ bere baa. A ye a fayi fankaasoo kono. A ko: “Babiloni saatee baa si fayi duuma niŋ semboo la teŋ, a nene te soto la kotenke.

Lankenemoo 10:1

Bituŋ ŋa malaayika sembemaa baa doo je jii kaŋ ka bo saŋo santo. Minaayoo le ye a baloo muuri, kullimaaroo be a kunto. A ñaadaa be ko tiloo, a siŋolu be ko samasiŋ dimbaamaalu.

2 Pita 2:11

Hani malaayikoolu mennu ye semboo niŋ waroo soto ka tambi ì la, wolu buka ñiŋ sembetiyolu tuumi niŋ tooñeeri kumoolu la, Maariyo ñaatiliŋo la.

2 Tesalonikankoolu 1:7

Alla be dahaa dii la alitolu le la, mennu toorandita, aduŋ a be dahaa dii la m̀ fanaa la le. Ñiŋ ne be ke la, niŋ Maarii Yeesu fintita naŋ ka bo saŋo santo, a niŋ a la malaayika sembemaalu.

Nahumu 1:12

Yaawe ye ñiŋ ne fo Yahuuda moolu ye ko: “Yahuuda, nte le ye ali toorandi, bari n te a ke la kotenke. Ali jawoolu be siyaariŋ ñaa-wo-ñaa, ì be bambandiŋ, ì bee be kasaara la le, ì ye yeemaŋ.

Daniyeli 4:23

Mansa, kabiriŋ i be juubeeroo la, i ye malaayika koroosirilaa le je, a be jii kaŋ naŋ ka bo saŋo santo, aduŋ a ko, ‘Ali yiroo boyi, ali ye a kasaara. Bari ali yirijuu kunturiŋo niŋ a suloolu tu bankoo kono, newo niŋ jaawaloo ye tara minindiŋ a la. Ali a tu kenoo kono, a ye tara ñaamoo kono. Komboo si jii a kaŋ, ka a sinandi. A niŋ daafeŋolu si kaañaŋ ñaamoo kono, fo sanji woorowula ye baŋ.’

Yeremiya 48:2

Daraja te Mowabi ye kotenke, ì ye kuu jawoo le feere a kamma Hesiboni ko: ‘Ali ŋà a la bankuyaa daŋ.’ Alitolu Madumeni saatee moolu fanaa be taa deyoo kono le yem. Hawusaroo* be naa ali kamma le.

Yeremiya 22:7

M be tiñaarilaalu le parendi la naŋ i kamma, ì meŋ-wo-meŋ niŋ i la jooraŋo. Ì be i la sedari* bilii ñiimaalu bee kuntuŋ-kuntuŋ na le, ì ye dimbaa duŋ ì la.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yesaya 31:8

Hawusaroo* le be Asiriyankoolu faa la, meŋ te ke la hadamadiŋ hawusaroo ti, meŋ maŋ ke hadamadiŋ na teeka taa ti, wo le be ì kasaara la. Ì be a kata la ka bori ñiŋ hawusaroo la, bari ì la kelediŋolu be muta la le ka ke joŋolu ti.

Yesaya 10:18

A yiri sutoo niŋ a kunku jambandiriŋolu neemoo, a bee be kasaara la le fereŋ, a ye ke ko niŋ kuurantoo alihaaloo bota.

Jabuuroolu 103:20

Alitolu malaayika sembemaa baalu, mennu ka i lamoyi a la kumoo la, ka a la yaamaroolu bee taamandi, ali Yaawe jayi.

Yesaya 2:13

A be Libanooni sedari* yiri jaŋolu kuntu la le, aniŋ Basani yiri baalu.

Yesaya 33:9

Bankoo be sunu la le komeŋ hadamadiŋo, a ye tiñaa. Hani Libanooni yiri sutoolu be malu la le, ì ye jaa. Saroni kunku betoolu be muluŋ na le ko keñewuloo*, Basani niŋ Karimeli yiroolu bee be ì jamboolu joloŋ na le.

Esekiyeli 31:3

A fele, m be i misaali la le ko Libanooni sedari* yiroo meŋ buloolu niŋ a jamboolu ñiiñaata, ì ñukuñukuta ka dubeŋo dii sutoo kono, a suŋo jaŋayaata santo, fo a turoo be naa minaayoolu maa la.