Yesaya 10:2 - Mandinka Bible

² ka fuwaaroolu bali ì la hakoo la, ka fentaŋolu la tooñaa nakari, ka furuyaamusoolu la feŋolu ñapinkaŋ, aniŋ ka aliyatiimoolu le feŋolu suuñaa.

Yesaya 10:2 ပူးပေါင်းရင်းမြစ်များ

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Yesaya 3:14

Yaawe pareeta le, ka a la moolu la alifaalu niŋ ì la ñaatonkoolu kiitindi. A ko, “Alitolu le ye wayini* yiri kankaŋo kasaara! Ali ye feŋolu mennu buusi fuwaaroolu bulu, wolu le be ali la buŋolu kono.

Esekiyeli 22:7

Ite saatewo faŋo kono, moolu ka horomantaŋyaa tiliŋ ì wuluulaalu la, ì ka tumarankewolu nakari ì sotofeŋolu to, aniŋ ì ka tilimbaliyaa tiliŋ aliyatiimoolu niŋ furuyaamusoolu la.

Yesaya 29:21

mennu la kumoo ka moo nondi, ì ka moo feere, meŋ ka kiitii kuntoo ke saatee dundaŋ daa* to, ì ka moo tilindiŋo la boloo buusi a la ì la seedenduriyaa la, wo moolu bee si faa.

Yesaya 5:23

aniŋ ka dukoo muta moo boyiriŋo bulu, ka moo la tooñaa nakari meŋ maŋ boyi.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Amosi 2:7

Ali ye i tuu fuwaaroolu kuŋolu kaŋ ko niŋ ali be i tuu kaŋ bankoo le kaŋ. Ali buka tooñaa sabatindi ali niŋ moo bataariŋolu teema. Faalu niŋ ì dinkewolu ka deŋ sunkutu kiliŋo la. Ì maŋ n too kuliyaa.

Niikuyaa Suukuwolu 3:35

moo bolooriŋo, ka a bali a la boloo la, Alla Mansa Tallaa ñaatiliŋo la?

Yeremiya 7:6

Ali kana tumarankewolu toora, aniŋ aliyatiimoolu, aniŋ furuyaamusoolu. Ali kana moolu faa jaŋ, mennu maŋ kuu ke. Ali kana bula alla koteŋolu nooma ka ì batu, meŋ si ke ali la mantooroo ti.

Yesaya 5:7

Yaawe* Alihawaa Maariyo* la yiri kankaŋo mu Banisirayila le ti, a lafinna kankaŋo mu Yahuuda le ti. A be i yillaariŋ luwaa mutoo le la, bari a ye yeleboŋo le je, a ye i yillaa tiliŋo la, bari a maŋ feŋ moyi fo niitooroo niŋ kumboo.

Jabuuroolu 94:6

Ì ka furuyaamusoolu niŋ aliyatiimoolu faa le, aniŋ ka tumarankewolu niyo bo,

Yesaya 3:15

Ali ye muŋ kuu le ke teŋ, ka n na moolu mantoora aniŋ ka fuwaaroolu halaki?” Yaawe Alihawaa Maariyo le ye a fo.

Yesaya 32:6

Kaatu toolewo ka tooleeyaa diyaamoo le ke, aduŋ a sondomoo ka tara feeroo le siti kaŋ, ka kuu jawoo baara. A buka tara Alla la kuu to, aduŋ a ka kuu sotobaloo le fo Yaawe* la karoo la. A ka konkotoo konkoriŋo tu jee le, a ka mindootoo bali jiyo la.

Yesaya 59:15

Tooñaa buka je daa-wo-daa. Moolu mennu buka soŋ kuu kuruŋ kewo la, ǹ ka wolu le boyinkaŋ. Yaawe ye a je le, aduŋ a maŋ kontaani, kaatu kiitiyo buka kuntu a ñaama.

2 Musa 23:6

Ali kana boyi fuwaaroo kaŋ, niŋ a be kiitiyo kono.

Yuuba 31:16

N nene maŋ fuwaaroolu bali feŋ na, ì suulata meŋ na m bulu. N nene maŋ furuyaamusoolu jikilateyindi.

Kuma Kotoomaalu 22:22

Kana fuwaaroolu tiñaa, bayiri ì maŋ feŋ soto, aduŋ kana boyi moolu kaŋ mennu suulata maakoyiroo la, niŋ ì be kiitiyo kono,

Kuma Kotoomaalu 30:14

Doolu be jee, mennu ñiŋolu mu hawusaroolu* ti, aniŋ mennu ŋaaŋaalu ka munta ko muroolu, ka fuwaaroolu bondi duniyaa kono, aniŋ mennu ka fentaŋolu bondi moolu kono.

Yesaya 1:17

Ali kuu kendoo baara. Ali a je ko tiliŋo ye taama, ali ye moolu maakoyi mennu be mantooroo kono. Ali aliyatiimoolu la hakoo dii ì la, ali ye furuyaamusoolu la boloo dii ì la.”

Amosi 2:6

Yaawe ye ñiŋ ne fo ko, “Alitolu Banisirayilankoolu ye landatambi junube kuwolu le ke. Ali ye moo kendoolu waafi joŋolu ti, kaatu ì maŋ ì la juloolu le joo noo. Ali ye fuwaaroolu waafi juloo kamma meŋ maŋ tambi samata soŋo la. Wo kamma la n te ali jaraboo baayi la muk.

Amosi 5:19

Luŋo ñiŋ be ke la ali ye le, komeŋ niŋ moo be bori kaŋ jatoo la, aniŋ daafeŋ saŋarariŋ* doo ye taa beŋ, waraŋ a ye duŋ a la buŋo kono, a ye a buloo suji bumbaloo la, saa ye a kiŋ.

Mika 3:1

Ali i lamoyi m ma, alitolu Yaakuba koomalanka maralilaalu, alitolu Banisirayila ñaatonkoolu. Fo ka a loŋ meŋ mu tiliŋo ti, wo maŋ tu ali faŋo le bulu baŋ?