Yesaya 10:16 - Mandinka Bible

¹⁶ Wo to, Yaawe Alihawaa Maariyo* be kuuraŋ jawoo le jindi la naŋ Asiriya mansa la kelejawara bambandiŋolu kaŋ. Dimbaa le be duŋ na a jikiraŋ semboo la, a bee ye kasaara.

Yesaya 10:16 ပူးပေါင်းရင်းမြစ်များ

2 Taarika 32:21

Bituŋ Yaawe ye a la malaayikoo kii naŋ, a ye kelejawara baalu, kelediŋ kuntiyolu aniŋ kelediŋolu bee faa Asiriya mansa la daakaa to. Bituŋ a niŋ maloo muruta a la bankoo kaŋ. Biriŋ a taata a la jalambuŋo to, a faŋo diŋ doolu ye a faa hawusaroo* la.

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Jabuuroolu 106:15

Ì ye meŋ kaniŋ a ye a dii ì la le, bari a ye jankari jawoo jindi ì kaŋ ne.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yesaya 37:29

Baawo Sennakeribu kamfaata nte le kamma, aduŋ ŋa a la faŋ waroo moyi le, m be n na dooliŋo le duŋ na a nuŋo la, ŋa karafewo bula a daa la. M be a murundi la siloo le la, a naata meŋ na.”

Yesaya 17:4

Yaawe ko, “Wo luŋo la, Yaakuba jikiraŋ semboo be jii la le, a la fankamaayaa ye naa labaŋ fuwaareyaa la.

Yesaya 10:18

A yiri sutoo niŋ a kunku jambandiriŋolu neemoo, a bee be kasaara la le fereŋ, a ye ke ko niŋ kuurantoo alihaaloo bota.

Yesaya 9:5

Kelediŋ-wo-kelediŋ ye samatoo meŋ duŋ keloo waatoo, aniŋ ì la dendikoolu mennu ye yeloo maa, ì bee be jani la le.

Yesaya 5:17

Wo to saajiiriŋolu be baluu la saatee tumbuŋolu le to, baalu ye domoroo ke ì fansuŋ daañini dulaa to.

Yesaya 8:7

Wo to saayiŋ, nte Yaawe be naa paree la le, ka Yufurati Boloŋo jiyo waamemaa samba ì kaŋ. Wo le mu Asiriya mansa niŋ a la kelediŋolu ti. A be woyi la a kankuŋolu bee kaŋ ne, a ye bori a jiisiloolu dandulaa bee la.

Jabuuroolu 78:31

Alla kamfaabaata Banisirayilankoolu kamma le, a ye ì la kee bambandiŋolu faa, mennu be fondinkeeyaa daa to.

Yesaya 31:9

Yaawe meŋ na batudulaa be Yerusalaamu, meŋ na sadaajanidulaa* be Siyoni, ye ñiŋ ne fo ko, Asiriya la kelediŋ bambandiŋolu ko konko beroo be bori la le silaŋo kamma. A la ñaatonkoolu be jikilateyi la le, ì ye bori ka ì la bandeeri dokoo tu jee.

Yeremiya 21:14

M be i kuluu la i kekuwolu la le. M be dimbaa le duŋ na i la sutoo la, ka feŋo bee jani meŋ ye i murubeŋ.” Yaawe le ye a fo.

Esekiyeli 34:16

“M be wo saajii filiriŋolu ñini la le, aduŋ mennu janjanta, m be ì murundi la naŋ ne. M be ì la baramoolu siti la le aniŋ ka ì lamfuriŋolu maakoyi. Bari wo nunkumaalu niŋ bambandiŋolu, m be wolu kasaara la le, kaatu m be ì daañini la tiliŋo le kono, bayiri ì jarita meŋ na, i be wo le soto la.”

Nahumu 1:12

Yaawe ye ñiŋ ne fo Yahuuda moolu ye ko: “Yahuuda, nte le ye ali toorandi, bari n te a ke la kotenke. Ali jawoolu be siyaariŋ ñaa-wo-ñaa, ì be bambandiŋ, ì bee be kasaara la le, ì ye yeemaŋ.

Sefaniya 2:13

Yaawe bulu be laa la maraa la maafankoolu kaŋ ne, a ye Asiriya kasaara, a ye Ninewe kenseŋyandi, a ye jee jandi ko keñewuloo*.

Yesaya 9:4

Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yeremiya 48:14

“Alitolu Mowabinkoolu, ali si a fo noo ali faŋ ye ñaadii le ko, ‘Ntolu mu kelejawaroolu le ti, aniŋ kelediŋ fatiŋolu’?

Jakariya 7:4

Bituŋ Yaawe Alihawaa Maariyo la kumoo naata n kaŋ ko: