Yesaya 10:14 - Mandinka Bible

¹⁴ M buloo siita bankoolu la naafuloolu ma, ko moo si futa noo kunu ñaŋo ma ñaameŋ. Ŋa bankoolu bee kafuŋ-kafuŋ ne, ko moo ka kiloolu kafuŋ-kafuŋ ñoo kaŋ ñaameŋ, kunoo ye mennu tu jee. Hani kiliŋ ne maŋ a dampaŋo jiijaa waraŋ ka a daakaloo yele ka kuma.”

Yesaya 10:14 ပူးပေါင်းရင်းမြစ်များ

Yuuba 31:25

N na fankoo nene maŋ n duŋ kufaŋ kuu kono, waraŋ ka kufaŋ n na dookuwo la ñaatotaa la.

Nahumu 2:9

Ali ì la kodiforoolu ñapinkaŋ, ali ì la sanoolu ñapinkaŋ, naafuloo kuu te jaŋ. Feŋ-wo-feŋ kummaayaata, a jurumoo le be jaŋ.

Obadiya 1:4

“Hani niŋ ali ye ali yaalu loo santo le ko seeliŋo, ali ye ali yaalu ke looloolu teema, n si ali saba naŋ jee duuma.” Yaawe le ye a fo.

Yesaya 5:8

Kooroo be ali ye, alitolu mennu ka tu buŋ jamaa saŋo la, aniŋ ka kunkoolu taa-taa laalaa, moo maŋ feŋ soto alitolu koolaa, ali dammaa le tarata siiriŋ bankoo kaŋ.

Kuma Kotoomaalu 18:12

Janniŋ moo ka duŋ kasaaroo kono, a ka a faŋo wara le, janniŋ moo ka buuñaa soto, fo a ye a fammajii foloo.

Yesaya 14:6

Ì kamfaatoo le ka moolu faa ì la junkuru kuntubaloo la, ì kamfaatoo ka bankoolu la kuwo jindi sabaribaliyaa niŋ fitinoo kono.

Esekiyeli 35:13

Ali ka ali faŋ wara le aniŋ ka tenteŋ ka faŋ wara kumoolu fo m ma. Ŋa a moyi le.”

2 Taarika 32:13

“Fo alitolu maŋ a loŋ, nte niŋ m mumuñolu ye meŋ laa banku koteŋolu moolu kaŋ baŋ? Fo wo bankoolu la alloolu ye ì tanka noo nte bulu le baŋ?

Yesaya 37:25

A ko, ‘Ŋa koloŋolu siŋ wandi bankoo kaŋ ne, aduŋ ŋa jiyo miŋ jee le. Ŋa Misira baa bolondiŋolu bee jandi le, ka bo niŋ n siŋ teetewo la.’