Yesaya 1:25 - Mandinka Bible

²⁵ Yerusalaamu, m bulu be laa la i kaŋ ne. M be i seneyandi la le ko dimbaa ka kodiforoo seneyandi ñaameŋ, i si a je i la kuu kuruŋolu bee ye bo.

Yesaya 1:25 ပူးပေါင်းရင်းမြစ်များ

Malaki 3:3

A be sii la le ko kodiforo tunkannaa, a ye Lewi koomalankoolu seneyandi, a ye ì tenteŋ ko sanoo niŋ kodiforoo ka ke ñaameŋ. Wo le to ì be naa ke noo la piriisoolu* ti, ka sadaalu* bo Yaawe ye tiliŋo kono.

Yeremiya 9:7

Yaawe Alihawaa Maariyo* ye ñiŋ ne fo ko: “A juubee, m be ì jarabi la le ka ì kotobo, wo koolaa m be muŋ ne ke la, n na moolu kekuwo kamma la?

Yesaya 4:4

Maariyo be Yerusalaamunkoolu kiitindi la a la nooroo dimbaamaa le la, ka Yerusalaamu la boyidaa seneyandi, aniŋ yele noolu mennu be jee.

Yesaya 1:22

Yerusalaamu, i keta kodiforoo le ti nuŋ, bari saayiŋ i yelemata nee fiŋo le ti, i keta miŋ feŋ diimaa le ti nuŋ, bari i cuntita jiyo le la.

Sefaniya 3:11

Ñiŋ luŋo la, malu kuu te laa la ali kaŋ kotenke, ali ye kuu kuruŋolu mennu tiliŋ n na nuŋ, ka balaŋ m ma. Bari m be kufantoolu niŋ faŋ wara moolu bee bondi la ali kono le. Moo te a faŋ wara la n na konko senuŋo* kaŋ kotenke.

Esekiyeli 22:22

Ko ì ka kodiforoo yelundi daandiŋo kono ñaameŋ, m be ì yelundi la Yerusalaamu kono wo le ñaama. Wo to le ì be a loŋ na ko, nte Yaawe le ye n na kamfaa baa kupi naŋ ì kaŋ.

Esekiyeli 20:38

M be moolu bondi la ali kono le mennu muritita m ma, aniŋ junubekelaalu. M be ì bondi la naŋ bantala bankoolu kaŋ ne, ì be mutoo kono daamennu to. Bari ì te duŋ na Banisirayila bankoo kaŋ. Niŋ wo keta ali be a loŋ na ko, nte le mu Yaawe ti.”

Yeremiya 6:29

Dimbaa ka hilihili nee yelundiraŋ fuuroo kono le, a ka neebuwo bondi newo bala, a ye seneyaa. Hani niŋ itolu keta wo ñaama, kenseŋ ne mu, kaatu wo te ì la kuruŋyaa bondi la.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Matiyu 3:12

A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

Esekiyeli 22:20

Aduŋ ko numoo ka kodiforoo, jaawaloo, fuyuŋo, kurudoo niŋ neefiŋo kafu ñoo ma ñaameŋ ka ì ke daandiŋo kono ka ì yelundi, m fanaa be i la moolu kafu la ñoo ma wo le ñaama, n na kamfaa waatoo la, ka ì seyindi naŋ Yerusalaamu.

5 Musa 32:43

Hee, duniyaa moolu, ali Yaawe la moolu jayi. A be a la dookuulaalu yeloo bonnaalu joo la le, a be i joo la a jawoolu to le, a be a la moolu la bankoo seneyandi la le, junuboo ye meŋ kosondi.

Jabuuroolu 119:119

Ite ye duniyaa moo kuruŋolu bee fayi le ko suntukunto feŋo. Wo kamma la nte ŋa i la karandiroolu kanu le.

Yesaya 27:9

Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Esekiyeli 22:19

Wo kamma la, nte Yaawe, ì Maariyo ye ñiŋ ne fo ko: Baawo ì bee keta le ko neebuwo, wo to m be ì kafu la ñoo ma le, ŋa ì seyindi naŋ Yerusalaamu.

Yeremiya 9:6

Ka mantoora jurumi mantoora kaŋ moolu ye, aniŋ ka neeneeri laa neeneeri kaŋ, ì maŋ lafi ka nte Yaawe loŋ.” Yaawe le ye a fo.