Yesaya 1:20 - Mandinka Bible

²⁰ Bari niŋ ali maŋ soŋ, ali tuta balandiŋ, hawusaroo* le be ali faa la. Nte Yaawe faŋo le ye a fo.”

Yesaya 1:20 ပူးပေါင်းရင်းမြစ်များ

Yesaya 65:12

nte le be a lañini la, hawusaroo* ye ali faa. Ali be ñoyi la le, ì ye ali kanateyi, bayiri ŋa ali kumandi le, ali maŋ n danku, n diyaamuta ali ye, ali maŋ i lamoyi n na. Ali ye kuu jawoo ke n ñaatiliŋo la le, aniŋ ka bula kuwo nooma, m maŋ lafi meŋ na.”

Yesaya 58:14

Wo to le ali be seewoo soto la nte Yaawe la karoo la, m be ali la kuwo wulindi la le ka ali yiriwandi duniyaa kono, m be ali daañini la bankoo munafaŋ feŋolu la le, keetaafeŋo, ŋa meŋ dii ali bonsuŋo Yaakuba la.” Yaawe faŋo le ye a fo.

Yesaya 40:5

Yaawe la kallankeeyaa* be lankenema la le, hadamadiŋolu bee ye a je ñoo la. Yaawe faŋo le ye a fo.”

Yesaya 3:25

Yerusalaamu, hawusaroo* le be i la kewolu faa la, i la kelejawaroolu ye faa kele wuloo kono.

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

4 Musa 23:19

Alla maŋ ke hadamadiŋo ti, sako a si faniyaa fo. A maŋ ke hadamadiŋ ti, a buka a la miiroolu faliŋ. Fo Alla si kuma fo baŋ, a maŋ a ke? Fo a si laahidoo dii baŋ, a maŋ a timmandi?

Titus 1:2

Wo tooñaa le ka jikoo dii ì la badaa-badaa baluwo to. Alla meŋ buka faniyaa fo, ate le ye laahidoo dii wo kuwo to, janniŋ jamaanoolu be dati la,

Mika 4:4

Moo-wo-moo, a be sii la a fansuŋ wayini* yiroo le koto, aniŋ a fansuŋ sooto suŋo. Moo te ì silandi noo la kotenke, kaatu Yaawe Alihawaa Maariyo* faŋo la kumakaŋo le mu.

1 Samuweli 12:25

Bari niŋ ali tententa ka junube kuwo ke, ali niŋ ali la mansa bee le be kasaara la.”

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

1 Samuweli 15:29

Alla meŋ mu Banisirayila la waroo niŋ horomoo ti buka faniyaa fo, waraŋ ka a hakiloo faliŋ, kaatu a maŋ ke hadamadiŋo ti. A ye meŋ londi, a buka wo baayi.”

1 Samuweli 12:15

Bari niŋ ali maŋ i lamoyi Yaawe la, aduŋ ali ye a la yaamaroo soosoo, a be ali niŋ ali la mansa mantoora la le.

Yesaya 8:6

A ko: “Ñiŋ moolu ye ì ñaa kaasi Silowa Woyoo la le, ñiŋ jii tenkeyaariŋo, bituŋ ì ka bula Resini aniŋ Remaliya dinkewo Peka nooma.

Yesaya 34:16

Ali Yaawe la kitaaboo kono juubee, ali ye a karaŋ. Feŋ ne te manki la ñiŋ daafeŋolu kono, feŋ te foo la a mooñoo la jee, kaatu a faŋo daa le ye yaamaroo dii, aduŋ a la Nooroo le ye ì kafu ñoo kaŋ.

Yeremiya 4:17

Ì ye Yerusalaamu muruŋ-muruŋ ne ko kunku kantalaalu, bayiri a ye balaŋo tiliŋ nte le la.” Yaawe le ye a fo.

Yeremiya 17:27

“Bari n ko, ì si soŋ ka i lamoyi n na, ka Loobula Luŋo muta luŋ buuñaariŋo ti. Ì kana duni samba niŋ Yerusalaamu dundaŋ daalu la wo luŋo la. Kaatu niŋ ì ye wo ke, m be dimbaa faabaloo le mala la Yerusalaamu dundaŋ daalu to, a ye a tatoolu bee kasaara.”

Yeremiya 21:8

“Wo koolaa fanaa, a fo ñiŋ moolu ye, nte Yaawe ye ñiŋ ne fo ko: A juubee, ŋa sila fula le landi ali ñaa koto, meŋ keta baluwo niŋ saayaa ti.

Yeremiya 26:4

“A fo ì ye nte Yaawe ye ñiŋ ne fo ko: Ali ñanta le ka i lamoyi nte Yaawe la yaamaroolu la, ŋa mennu dii ali la, ka bula ì nooma.

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

2 Musa 9:2

Niŋ i balanta ì ye taa, aduŋ i tententa ka ì muta,

3 Musa 26:25

M be keloo naati la niŋ hawusaroo le la, ka ali joo, ali ye kambeŋo meŋ tiñaa n niŋ ali teema. Niŋ ali kafuta ñoo ma ali la saatewolu kono ka tankoo ñini, m be alibalaa kuuraŋo le jindi la ali kaŋ, aniŋ ka ali duŋ ali jawoolu bulu.

Yuuba 36:12

Bari niŋ ì maŋ i lamoyi, hawusaroo* si ì faa, ì niŋ londintaŋyaa ye kasaara.