Yesaya 1:14 - Mandinka Bible

¹⁴ Ŋa ali la Kari Kuta Juuraloolu koŋ ne, aniŋ ali la diina beŋ koteŋolu. Ì keta n ye duni baa le ti, m muñata ì la le fo m bataata.

Yesaya 1:14 ပူးပေါင်းရင်းမြစ်များ

Amosi 5:21

Yaawe ye ñiŋ ne fo ko, “Ŋa ali la diina juuraloolu koŋ ne, n ñewunta ì la, aduŋ n te ali la diina beŋolu taa la muk.

Yesaya 43:24

Ali maŋ hani ñaama seeralaa le saŋ n ye naŋ, waraŋ ka n seewondi ali la beeyaŋ sadaalu keŋo la. Bari ali ye n toora niŋ ali la junuboolu le la, aniŋ ka m batandi ali la kuu kuruŋolu la.

Amosi 2:13

Wo kamma la m be ali dori la le, ko sareetoo ka feŋo dori bankoo to ñaameŋ niŋ a be faariŋ siimaŋ kunsitoolu la.

Yesaya 61:8

Yaawe ko: “Nte ye kiitii tilindiŋo le kanu, ŋa suuñaaroo niŋ junube kuwo koŋ ne. M be n na moolu joo la niŋ tiliŋo siloo le la, n niŋ ì ye badaa-badaa kambeŋo siti.

Yesaya 7:13

Wo to le Yesaya ko, “Dawuda koomalankoolu, ali i lamoyi n na. Nte pasita ali la balambaatooyaa la le, saayiŋ ali lafita wo le tiliŋ na Alla fanaa la.

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.

Yesaya 29:1

Ariyeli, Ariyeli, kooroo be boyi la i kaŋ ne, ite saatewo, Dawuda sabatita meŋ to. Saŋ-wo-saŋ ali si taa ali la ñiŋ juuraloolu la.

1 Taarika 23:31

aniŋ fanaa waati-wo-waati niŋ moolu be jani sadaa bondi kaŋ Yaawe ye Loobula Luŋolu la, Kari Kuta Juurali* luŋolu aniŋ juurali looriŋolu la. Ì ye Lewi lasiloo moolu le marandi Yaawe batoo la waatoolu bee la, ko ì ye ì yirikoolu laa ñaameŋ.

Yesaya 29:2

Bari hani wo, m be toora kuwo naati la Ariyeli kaŋ ne. A si kumboo a ye woosii, a si ke n ye komeŋ sadaajanidulaa*.

Yesaya 66:23

A ko; “Kari Kuta-wo-Kari Kuta* aniŋ Loobula Luŋ-wo-Loobula Luŋ, hadamadiŋolu bee be naa sujudi la n ñaatiliŋo la le.

Hoseya 2:11

M be daŋ ke la a la seewoo la le, ŋa daŋ ke a la feetoolu la, a la Kari Kuta Juuraloolu*, Loobula Luŋ Juuraloolu, ka taa bula a la juurali looriŋolu bee la.

Hoseya 5:7

Ì ye foroyaabaliyaa le tiliŋ Yaawe la, kaatu ì ye diŋolu wuluu cakayaa le kono. Ì la Kari Kuta Juuraloo* sadaaboolu le be ì niŋ ì la kunkoolu bee kasaara la.”