Yeremiya 9:21 - Mandinka Bible

²¹ Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”

Yeremiya 9:21 ပူးပေါင်းရင်းမြစ်များ

2 Taarika 36:17

Wo le to Yaawe ye Babiloni mansa bula naŋ ka boyi ì kaŋ. A ye ì la fondinkewolu faa hawusaroo* la Alla Batudulaa Buŋo faŋo kono. A maŋ balafaa soto musu dindiŋ ye, waraŋ fondinkee, biriŋ keebaa kotoolu ka taa fo moo lamfuriŋolu, Alla ye ì bee le duŋ Nebukanesa bulu.

Yesaya 40:30

Hani fondinkee bambandiŋolu ka bataa le fo ì ye lamfu, aduŋ fondinkee mereŋolu ka taki le, ì ye boyi.

Yeremiya 15:7

Ŋa Yahuuda moolu fee n na feerilaŋo le la, saatee dundaŋ daalu to bankoo kaŋ taariŋ. Ŋa bonoo niitooroo, aniŋ kasaaroo le boyi n na moolu kaŋ, kaatu ì maŋ bo ì la sila kuruŋolu kaŋ.

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 44:7

Saayiŋ Yaawe Alihawaa Maariyo, Banisirayila la Alla ye ñiŋ ne fo ko: “Muŋ ne ye a tinna ali ye ñiŋ kasaaroo laa ali faŋolu kaŋ, ka ali faŋolu bonondi kewolu niŋ musoolu, dindiŋolu niŋ deenaanoolu, ka a tinna too te tu la ali kono?

Yeremiya 50:30

Wo kamma la, ì be a fondinkewolu faa la le, a mbeedoolu kaŋ taariŋ, ì ye a kelediŋolu kasaara wo luŋo la.” Yaawe le ye a fo.

Yeremiya 6:11

Wo kamma la Yaawe la kamfaa be faariŋ n kono le tep, aduŋ n te a muta noo la n kono kotenke. Yaawe ko n ye ko: “A kupi dindiŋolu kaŋ mbeedoolu kono, ka taa fondinkee beŋolu to. Kewolu niŋ ì la musoolu be bula la a kono le, ka taa keebaalu, hani fo keebaa kotoo baalu.

Yeremiya 6:21

Wo to Yaawe ye ñiŋ ne fo ko: “M be takiŋ-takiŋ beroolu le landi la ñiŋ moolu ñaato, ì be kali taki la mennu la, ì ye boyi, faalu niŋ diŋolu, ka taa siiñoolu niŋ teeroolu, ì bee le be kasaara la ñoo la.”

Yeremiya 7:33

Duwoolu niŋ wulakono daafeŋolu le be kali moo furewolu domo la jee, aduŋ moo te soto la meŋ be ì silandi la, ka ì bayi.

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Yoweli 2:9

Ì ka kirimbaasi saatewo kamma le, ì ye bori a tata sansaŋolu kaŋ santo, ì ye sele ka duŋ buŋolu kono, ì ka duŋ palanteeroolu la le ko suŋo.

Amosi 5:2

“Dimmusuriŋ* Banisirayila boyita le piram, aduŋ a te wuli la kotenke. A be laariŋ a faŋ ye, moo maŋ soto ka a wulindi.”

Amosi 6:9

Hani niŋ moo taŋ doroŋ ne tuta buŋ kiliŋo kono, wolu fanaalu be faa la le.

Sefaniya 1:17

Yaawe ye ñiŋ ne fo ko: “M be ñiŋ niitoora siifaa le samba la naŋ hadamadiŋolu kaŋ, ì si taama ko finkintewo, ì la junube kuwolu kamma la. Ì jawoolu ye naa ì yeloo boŋ ko jiyo, ì furewolu ye tara fayiriŋ bankoo to fo ì ye toli.”