Yeremiya 9:1 - Mandinka Bible

¹ M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 9:1 ပူးပေါင်းရင်းမြစ်များ

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Yesaya 16:9

Bituŋ n niŋ Yaserinkoolu kumboota ñoo la, n kumboota Sibuma wayini yirisuŋo le ye. Hee Hesiboni, hee Eleyale, ali la kuwo le ye n ñaajiyo siyandi. Kabiriŋ ali la yiridiŋo menta, aniŋ ali la katirifeŋolu siita, kele maakaŋo warata.

Jabuuroolu 119:136

N ñaajiyo ka feenee le komeŋ woyoo, kaatu moolu buka i la yaamaroo muta. Tisade

Jabuuroolu 42:3

N ka kumboo le suutoo niŋ tiloo, aduŋ n ñaajiyo doroŋ ne mu n na domoroo ti. N jawoolu ka tu la a fo la n ye le ko, “I la Alla lee?”

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Yeremiya 9:18

Ì ye i tariyaa naŋ, ì ye naa lemba ali ma, fo ali ñaalu ye faa niŋ ñaajiyo la, ñaajiyo ye buruntu ali ñaasiŋolu la.

Jabuuroolu 55:7

M be tii la le ka taa yereŋ, ŋa taa sabati keñewuloo* kono. S

Yeremiya 3:10

A ye ñiŋ kuwolu bee ke ñaa-wo-ñaa, Yahuuda, Banisirayila baadiŋ jenkeriŋo maŋ muru naŋ n kaŋ niŋ a sondomoo bee la. A ka a faŋ mulundi le doroŋ ko wo le be a to.” Yaawe le ye a fo.

Yeremiya 5:7

Yaawe ko: “Nte si yamfa noo ite Yerusalaamu ma ñaadii? I diŋolu ye ì koo dii n na le, ì ka kali alloolu la mennu maŋ ke Alla ti. Nte le ye ì daañini fo ì konoo faata tep, ì naata jeenoo ke, ì ka jurumi caka buŋolu to taariŋ.

Esekiyeli 22:12

Doolu ka dukoolu muta, ì ka boloo buusi bolootiyo la, ì ka naa a tilimbaliyaa faa wo kaŋ, doolu ka kañewo ñini le fo ì ka lankaŋ tambiriŋo kaniŋ ì baadiŋolu bulu, mennu ye dontoroo ke ì bulu. Ì ka ì siiñoolu la sotofeŋolu taa nakaroo kono, aduŋ a bee jawumaa, ì naata ñina nte Yaawe la le fereŋ.” Maarii Yaawe le ye a fo.

Hoseya 7:4

Ì bee mu foroyaabaloolu le ti, ì jusoo be kandiriŋ ne ko fuuri kandoo, fuuroo meŋ kandita, fo a maŋ jari mbuuru janilaa ye a dimbaa ñori, ka bo nooniri waatoo ka taa fo janniŋ a be sele la.