Yeremiya 7:6 - Mandinka Bible

⁶ Ali kana tumarankewolu toora, aniŋ aliyatiimoolu, aniŋ furuyaamusoolu. Ali kana moolu faa jaŋ, mennu maŋ kuu ke. Ali kana bula alla koteŋolu nooma ka ì batu, meŋ si ke ali la mantooroo ti.

Yeremiya 7:6 ပူးပေါင်းရင်းမြစ်များ

2 Mansoolu 21:6

A ye a dinkewo jani dimbaa kono ka a ke sadaa* ti. A ka juubeeroo niŋ batuutaayaa ke, aduŋ a ka moolu ñininkaa mennu niŋ furewolu ka diyaamu, aniŋ moolu mennu ka bitaaroo ke. A baarata kuu jawoo la baake le Yaawe ñaa koto, ka a kamfandi.

2 Mansoolu 24:4

sako a ye moolu mennu faa, mennu maŋ kuu ke. A ye ì yeloo boŋ Yerusalaamu saatewo karoo bee le la, aduŋ Yaawe te yamfa noo la wo kuwo la.

Jabuuroolu 106:38

Ì ka ì faŋolu dinkewolu niŋ ì dimmusoolu faa, mennu maŋ kuu ke, ka ì bondi sadaa ti Kanaani jalaŋolu ye, aduŋ wolu yeloo ye a tinna le bankoo kosota.

Kuma Kotoomaalu 23:10

I la alifaa foloolu ye naaneekuŋo meŋ laa, kana a bondi a noo to, waraŋ ka aliyatiimoolu la kunku kenoo doo taa ì bulu,

Yesaya 59:7

Ì tariyaata junube kuu kewo la le, ì ka hawuji ka moo faa meŋ maŋ kuu ke. Miira jawoo le ka tara ì sondomoo kono, tiñaaroo niŋ kasaaroo mu ì taaraŋ buloo ti.

Yeremiya 13:10

Ñiŋ moo kuruŋolu balanta nte la kumoolu muta la le. Ì kanjaaramaalu ka bula ì fansuŋ lafoo le nooma. Ì bulata jalaŋolu le nooma ka ì batu, aniŋ ka sujudi ì ye. Wo kamma la ì be ke la le ko ñiŋ fatari kulembeŋo, meŋ te feŋ nafaa la.

Yeremiya 19:4

Ñiŋ moolu ye ì koo dii nte la le, ì ka cuuraayoo siisindi jalaŋolu ye ka ì batu, ì ye ñiŋ dulaa kosondi le. Itolu mu wo, ì la alifaa foloolu mu wo, aniŋ Yahuuda la mansoolu, ì maŋ feŋ loŋ ñiŋ jalaŋolu la kuwo to. Saayiŋ ì naata ñiŋ dulaa fandi niŋ moolu yeloo le la mennu maŋ kuu ke.

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 2:34

I la duŋ feŋolu bala niŋ fuwaaroolu yeloo le mu, moolu mennu maŋ kuu ke, i maŋ mennu muta dulaa teyi la, bari hani wo bee,

Yeremiya 26:15

Bari ali si ñiŋ loŋ, a ye koyi ali ma ko, niŋ ali ye m faa, ali ye moo le yeloo boŋ meŋ maŋ kuu ke. Wo dunoo be tara la ali kaŋ ne, aniŋ ñiŋ saatewo niŋ a moolu bee. Kaatu tooñaa le mu ko, Yaawe le ye n kii ka ñiŋ kumoolu bee fo ali ye, ali tuloo ye a moyi.”

Yeremiya 26:23

Ì ye Uriya bondi naŋ Misira, ì ye a naati Mansa Yehoyakimu ye, a ye kaŋo dii ka a faa niŋ hawusaroo* la, aduŋ ì ye a baadee saatewo fuwaaroolu la kaburoo le to.

Yeremiya 35:15

N tuta n na dookuulaalu annabiyomoolu kii la ali kaŋ ne luŋ-wo-luŋ. Ì ka ñiŋ ne fo ali ye ko, ali kiliŋ-kiliŋ naa ye bo ali la sila kuruŋolu kaŋ, ka ali kekuwolu faliŋ. Ali kana jalaŋolu nooma, ka ì batu. Wo le to ali be sabati la bankoo kaŋ, ŋa meŋ dii ali la, aniŋ ali mumuñolu. Bari ali maŋ ali tuloo loo n na, waraŋ ka soŋ i lamoyi la n na.

Yeremiya 5:28

Ì nunkuta le ka malamala, ì maŋ naanee loŋ kuu kuruŋ kewo to. Ì buka kiitiyo teyi aliyatiimoolu ye, ka ì la kuwo yiriwandi, sako ka loo fentaŋolu boloo ye.

Yeremiya 7:5

Ali ñanta le ka ali taañaalu faliŋ, aniŋ ali kekuwolu. Ali tiliŋo taamandi ñoo teema.

Yeremiya 7:9

“Ali ka suuñaaroo ke le, moofaa, aniŋ jeenoo, ka kali faniyaa kaŋ, ali ka cuuraayoo siisindi Baali* jalaŋo ye, aniŋ ka jalaŋ doolu batu, ali nene maŋ mennu loŋ.

Niikuyaa Suukuwolu 4:13

Ǹ na annabiyomoolu la junuboolu le mu, aniŋ ǹ na piriisoolu la jenke kuwolu, ì ye moolu yeloo boŋ jee, mennu keta moo tilindiŋolu ti.

Esekiyeli 18:6

a buka Banisirayilankoolu la jalaŋolu batu, waraŋ ka domoroo ke ì la jalaŋ konkoolu kaŋ, a buka a siiñoo la musoo tuluŋ ka a kosondi, waraŋ ka musoo laañooyaa a la kuuroo waatoo la,

Esekiyeli 22:7

Ite saatewo faŋo kono, moolu ka horomantaŋyaa tiliŋ ì wuluulaalu la, ì ka tumarankewolu nakari ì sotofeŋolu to, aniŋ ì ka tilimbaliyaa tiliŋ aliyatiimoolu niŋ furuyaamusoolu la.

3 Musa 19:33

Ali kana tumarankewolu toora mennu be siiriŋ ali fee ali la bankoo kaŋ.

3 Musa 25:17

Ali kana ñoo nakari, kaatu ali ñanta sila la ali la Alla la le. Nte le mu Yaawe ali la Alla ti.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Matiyu 27:25

Bituŋ moolu bee ye a jaabi ko, “A la saayaa dunoo si tara ntolu niŋ ǹ na dindiŋolu kaŋ!”

Matiyu 27:4

A ko ì ye ko, “Ŋa junuboo le ke ka moo jamfaa, meŋ maŋ kuu jawu ke, sako ka a faa.” Bari ì ko a ye ko, “Ntolu la muŋ ne be wo to? Wo mu i la haajoo le ti.”

5 Musa 11:28

Bari niŋ ali balanta ka a la luwaalu muta, ali ye ali koo dii a la, ka alla koteŋolu batu, ali nene maŋ mennu loŋ, a te baayi la fo a la dankoo si laa ali kaŋ doroŋ.

5 Musa 24:17

Ali kana tumarankewolu niŋ aliyatiimoolu la ñantoo nakari, aduŋ ali kana furuyaamusoo la duŋ feŋo taa ka a ke sankayaaraŋo ti juloo kunna.

5 Musa 27:19

Dankoo be moo ye meŋ ka tumarankewo, aliyatiimoo, waraŋ furuyaamusoo la boloo nakari a bulu. Bituŋ moolu bee si a fo ko: Amiin.

5 Musa 8:19

Wo to ali kana ñina Yaawe la, ali la Alla, ka bula alla koteŋolu nooma ka ì batu. M be ali dandalaa la kendeke bii ko, niŋ ali ye wo ke, ali be kasaara la le, wo te baayi la.

Yankuba 1:27

Alla batu senuŋo meŋ maŋ sootaaroo soto m̀ Faamaa Alla ñaatiliŋo la, wo mu ka aliyatiimoolu niŋ furuyaamusu bataariŋolu topatoo ì la suuloolu kono, aniŋ ka fata ñiŋ duniyaa kosoo la.