Yeremiya 6:28 - Mandinka Bible

²⁸ Ì bee mu balannaa jusu jaaroolu le ti, mennu be ko jaawaloo aniŋ newo. Ì ka tara koomakumaroo le la taariŋ, aduŋ ì ka taama kuruŋyaa le la.

Yeremiya 6:28 ပူးပေါင်းရင်းမြစ်များ

Yeremiya 9:4

Wo to moo-wo-moo si i kekuu a siiñoo to, moo kana laa hani a baadiŋ kiliŋ na, kaatu baadiŋo bee, baadiŋ neeneerilaa, moo-wo-moo ka tara a siiñoo tiñaa la taariŋ.

Yeremiya 5:23

Bari ñiŋ moolu, ì mu balannaa jusu jaaroolu le ti. Ì yelemata le ka taa taariŋ.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Lankenemoo 11:18

Nasiyoŋolu kamfaata le, bari ite la kamfaa baa, wo ye dandulaa ke ì la le. Waatoo siita le ka furewolu kiitindi. Waatoo siita le ka i la dookuulaalu joo, i la annabiyomoolu aniŋ i la moo senuŋolu. Waatoo siita le ka moolu joo, mennu ka i too buuñaa, biriŋ moondiŋ fo moo baa, aniŋ ka moolu kasaara mennu ye kasaaraloo ke duniyaa kono.”

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Yeremiya 6:30

Ì ka ì kumandi neebuu nafantaŋo le la, kaatu nte Yaawe ye n koo dii ì la le.”

Yesaya 31:6

Hee Banisirayilankoolu, ali muru Yaawe kaŋ, alitolu mennu ye jamfaa baa tiliŋ a la.

Jabuuroolu 50:20

Ali ka tara kumoolu fo la ali fansuŋ moolu ma le, ka ali faŋolu baadiŋolu koomakuma.

3 Musa 19:16

Ali kana tara ñoo koomakumoo la taariŋ. Ali kana seedenduriyaa ke ali siiñoo kamma, kuwo to meŋ si ke a la saayaa ti. Nte le mu Yaawe ti.

Esekiyeli 24:13

“Ite Yerusalaamu, wo fintoŋo le mu i la malubaliyaa ti. Baawo n lafita i seneyandi la le nuŋ, bari i te seneyaa noo la ka bo i la wo kosoo kono. I te seneyaa noo la kotenke, fo niŋ ŋa n na kamfaa bee jindi i kaŋ tuma meŋ na fo n wasata.

3 Musa 14:43

Niŋ fiinoo fintita buŋo kono kotenke, aduŋ a ye a tara ì ye wo beroolu wutu le, ì ye bumbaloo korokoro ka a raaki,

Jabuuroolu 14:1

Toolewolu ka a fo ì faŋ ma le ko, “Alla te keriŋ.” Ì mu moo tilimbaloolu le ti, aduŋ ì ka kuu ñewundiŋolu le baara. Moo te jee meŋ ka kuu kendoo ke.

Kuma Kotoomaalu 10:18

Moo meŋ lafita ka a la konnanteeyaa maabo, a ka faniyaa le fo, aduŋ meŋ ka koomakumaroo ke, wo mu toolewo le ti.

Yeremiya 7:28

Wo to i si ñiŋ fo ì ye ko, itolu le mu bankoo ti meŋ balanta Yaawe ì la Alla la kumoo muta la, aduŋ ì maŋ soŋ a la kuluuroo la. Tooñaa yeemanta ì kono le fereŋ. Daa le faŋo buka a fo.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Esekiyeli 2:7

I si n na kumakaŋo fo ì ye. A si ke noo ì ye i lamoyi i la, waraŋ ì te soŋ na ka i lamoyi i la. Kaatu ì mu moo muritiriŋolu le ti.