Yeremiya 6:27 - Mandinka Bible

²⁷ A ko: “Ŋa ite Yeremiya le ke n na moolu kotobolaa ti, ko numoo ka newo kotobo ñaameŋ, i si ì koroosi ka ì kotobo ì taañaalu to.

Yeremiya 6:27 ပူးပေါင်းရင်းမြစ်များ

Yeremiya 1:18

A juubee, ka bo bii la, ŋa i bambandi le ko saatee tatariŋo, komeŋ nee bantambiloo, aniŋ komeŋ buŋo meŋ baloo mu newo ti. Paree bankoo moolu bee kamma, mennu keta Yahuuda mansoolu ti, maralilaalu, piriisoolu, aniŋ bankoo moo toomaalu bee.

Yeremiya 15:20

M be i ke la ñiŋ moolu ye le komeŋ tata sansaŋo meŋ dadaata newo la. Ì be i kele la le, bari ì te kuu noo la i ma, kaatu m be tara la i fee le, ka i kiisa aniŋ ka i tanka.” Yaawe le ye a fo.

Esekiyeli 22:2

“Ite hadamadiŋo, fo i pareeta le baŋ ka ñiŋ saatewo kiitindi? I te ñiŋ saatewo kiitindi la, meŋ be faariŋ moofaa la baŋ? I si ì la kuu haraamuriŋolu bee fo ì ye, ì ye mennu ke.

Esekiyeli 20:4

“Ite hadamadiŋo, i faŋo ye ì kiitindi ka ì hakiloolu bulandi ì mumuñolu ye kuu haraamuriŋolu mennu ke,

Yeremiya 9:7

Yaawe Alihawaa Maariyo* ye ñiŋ ne fo ko: “A juubee, m be ì jarabi la le ka ì kotobo, wo koolaa m be muŋ ne ke la, n na moolu kekuwo kamma la?