Yeremiya 6:20 - Mandinka Bible

²⁰ Nte la suula le be cuuraayoo kaŋ baŋ, ì ka meŋ bondi n ye naŋ Seba ka a siisindi n ye, waraŋ karabaanijii diimaalu, mennu bota banku jamfariŋolu to? Ali la jani sadaalu* maŋ ke n ye mutataa ti, sako ali la beeyaŋ sadaalu si n seewoo.”

Yeremiya 6:20 ပူးပေါင်းရင်းမြစ်များ

2 Samuweli 15:12

Kabiriŋ Abusalomu be sadaalu* bo kaŋ, a ye kiilaa kii Ahitofeli Kilohankoo ye, meŋ mu Dawuda la yaamarilaa ti, ka bo a la saatewo to. Ì la kambeŋo ye semboo soto, bituŋ Abusalomu la moolu ka lafaa-lafaa laalaa.

1 Mansoolu 10:10

Bituŋ Seba musumansoo ye sanoo dii Mansa Sulemani la meŋ siyaata kilo wuli naani ti, ka taa seerandi feŋolu jamaa baa, aniŋ bere ñiimaalu. Seerandi feŋo jamaa nene maŋ samba naŋ jee wo ñaama kotenke komeŋ Seba musumansoo ye meŋ dii Mansa Sulemani la.

Jabuuroolu 40:6

Ite buka seewoo beeyaŋ sadaalu* la, aniŋ siimaŋ sadaalu. I maŋ ñiŋ kaniŋ ka jani sadaalu bondi, waraŋ junube kafarilaŋ sadaalu, bari i ye tuloo ke n na le ka n lamoyi i la.

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

2 Musa 30:23

I si seerandi feŋ diimaalu taa mennu be ko: miiri* tulu betoo kilo wooro, sinnamoni munku diimaa kilo saba, ñaama seeralaa kilo saba,

Kuma Kotoomaalu 15:8

Moo jawoo la sadaa* mu Yaawe tanoo le ti, bari a ka seewoo le, ka moo tilindiŋo la duwaa muta.

Kuma Kotoomaalu 21:27

Moo kuruŋo la beeyaŋ sadaa* konta le, sako niŋ a maŋ a bondi niŋ ŋaniya senuŋo la.

Yesaya 1:11

Yaawe ko, “Ali la ñiŋ sadaa* bambaloo ye muŋ nafaa le soto nte ye? Jani sadaalu ye m pasi le, ka taa saajiikotoŋolu aniŋ beeyaŋ nunkuriŋ keŋolu. M maŋ lafi ninsoolu yeloo la, saajiiriŋolu aniŋ baalu.

Yesaya 60:6

Ñonkome koorewolu be i la bankoo bee beŋ na le, Midiyani niŋ Efa ñonkomoolu, ì niŋ ì la marisandiisoolu. Sebankoolu be naa le, ì niŋ sanoo niŋ cuuraayoo, aduŋ ì be tara la nte Yaawe too kankulaa la le, ka a jayi.

Yesaya 66:3

Bari doolu be jee le mennu ka bula ì fansuŋ siloo nooma, aniŋ ka kontaanoo soto kuu haraamuriŋolu to. Niŋ ì ye tuuraa bondi sadaa* ti, a konta nte fee le ko, niŋ ì ye hadamadiŋo le bondi sadaa ti. Niŋ ì ye saajiyo bondi sadaa ti, a ka munta le ko, niŋ ì ye wuloo le kaŋo kati. Niŋ ì ye siimaŋ sadaa le bondi, wo ka munta m fee le ko, niŋ ì ye seewu yeloo le bondi. Niŋ ì ye cuuraayoo siisindi sadaa ti, wo ka munta le ko, niŋ ì ye jalaŋo le batu.

Yeremiya 14:10

Yaawe ye ñiŋ ne fo Yahuuda moolu ma ko: “Ñiŋ moolu ye ñiŋ ne kanu baake, ka jenke ka bo siloo kaŋ, ì buka ì siŋo sabatindi. Wo le ye a tinna nte Yaawe maŋ ì la kuwo muta kotenke. Silaŋ n hakiloo be muru la ì la kuu jawoolu kaŋ ne, ŋa ì kuluu ì la junuboolu la.”

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

Esekiyeli 20:39

Maarii Yaawe ye ñiŋ ne fo ko: “Wo to saayiŋ, alitolu Banisirayilankoolu, niŋ a diyaata ali ye, ali si taa ka ali la jalaŋolu batu, bari ñaato siniŋ, ali be i lamoyi la n na le, ali ye soŋ n na yaamaroolu la. Kaatu nte jankuta le. Ali te horomantaŋyaa tiliŋ na n too la kotenke niŋ ali la wo jalaŋolu la, ali ka mennu batu, aniŋ ali ka ali la sadaalu bo mennu ye.”

Esekiyeli 27:22

“I niŋ juloolu mennu be Seba niŋ Raama fanaa ka julayaa ke le. Ì ka feŋ seera diimaa siifaa jamaa niŋ bere ñiimaa daa jawoolu niŋ sanoolu le faliŋ i la marisandiisoolu la.

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 9:4

Ali te wayini sadaa* bo noo la Yaawe ye jee, sako ali la beeyaŋ sadaa si a seewondi. Ali la sadaalu be ke la le ko saŋa dulaa to domoroo. Moo-wo-moo ye a domo, a si koso. A be ke la ali ye kono fandiraŋo doroŋ ne ti, a te duŋ na Yaawe Batudulaa Buŋo* kono.

Malaki 1:10

Yaawe Alihawaa Maariyo ye ñiŋ ne fo ko, “A be beteyaa la m fee le, niŋ ali kono moo doo ye n na buŋo daalu soroŋ, i si a je ali te tara la dimbaa kenseŋ maloo la n na sadaajanidulaa kaŋ. M maŋ kontaani ali la kuwo la, aduŋ n te sadaa muta la meŋ be bo la ali bulu.