Yeremiya 6:15 - Mandinka Bible

¹⁵ Ì ye kuu ñewundiŋolu mennu ke, wolu ñanta ì malu la le, bari hanii, wo maŋ ì malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na le.” Yaawe le ye a fo.

Yeremiya 6:15 ပူးပေါင်းရင်းမြစ်များ

Yeremiya 8:12

Ì ye kuu ñewundiŋolu mennu ke, wolu ñanta ì malu la le, bari hanii, ì maŋ malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na wo le fee.” Yaawe le ye a fo.

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Filipinkoolu 3:19

Wo moolu labaŋo mu kasaaroo le ti, kaatu ì konobatoo le mu ì la alla ti. Ì ka kibiri kuwolu le la, ì ñanta malu la mennu la. Ì hakiloolu ka tu ñiŋ duniyaa kuwolu doroŋ ne kaŋ.

Sefaniya 3:5

Bari Yaawe meŋ ka tara Yerusalaamu saatewo kono, wo tilinta le, tilimbaliyaa, a buka wo ke. A ka a la kiitiyo siloo yitandi le soomandaa-wo-soomandaa, luŋ buka baayi. Bari moo kuruŋo maŋ a loŋ meŋ mu malu kuwo ti.

Mika 7:4

Ì kono kendoolu be le ko ŋaniŋ biroo, ì kono tilindiŋolu be ko ŋaniŋ sutoo. Luŋo naata le, ì la annabiyomoolu ka luŋo meŋ fo ì ye. Alla la jaraboo le be naa ì kaŋ, ì la dewuŋ waatoo, wo le siita.

Mika 3:6

“Ñiŋ kuwo kamma la, ali be tara la diboo le kono, ali te jeri ke noo la. Ali si tara diboo kono, ali te kuu fo noo la, meŋ be ke la ñaato. Tiloo si boyi ali ma, tiloo la maloo ye ke ali ye diboo ti.

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Esekiyeli 24:7

“A ye yeloo meŋ boŋ, hani saayiŋ a be a kono le. A ye a laa bere kenseŋo le kaŋ, a maŋ a boŋ bankoo to ka a muuri niŋ bankumunkoo la.

Esekiyeli 2:4

M be naa i kii la ñiŋ moolu mennu kaŋ, ì mu moo kaŋ jaaroolu le ti, aduŋ ì mu yaamari mutabaloolu le ti. I si a fo ì ye ko, nte Maarii Yaawe le ye ñiŋ kumakaŋo fo.

Yeremiya 23:12

“Wo kamma la ì taaraŋ siloolu be ke la ì ye le komeŋ sila namayaariŋo diboo kono. M be ì ñori la wolu le kaŋ, ì ye boyi. M be kasaaroo le boyi la ì kaŋ, niŋ m be ì jarabi la waatoo meŋ na.” Yaawe le ye a fo.

Yeremiya 5:29

Fo m maŋ ñaŋ na ì jarabi la ñiŋ na baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 5:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yesaya 10:4

Feŋ te tu la ali ye, fo ka tara motomotoriŋ mutamoolu kono, waraŋ ali ye tara moo faariŋolu kono. Ñiŋ bee koolaa, Yaawe* la kamfaa maŋ jii, a buloo be teekariŋ ne ka ali mantoora.

Yesaya 3:9

Ì mankutoo le keta ì seedoo ti. Ì ka tintiŋ ì faŋolu la junuboolu la le ko Sodomunkoolu, ì buka a maabo. Kooroo be boyi la ì kaŋ ne, ì ye maasiiboo naati ì faŋolu kaŋ.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

2 Musa 32:34

Saayiŋ, i si taa i ye moolu ñaatonkayaa, ka taa dulaa to, ŋa daameŋ fo i ye nuŋ. N na malaayikoo le be ali ñaatonkayaa la. Bari waatoo be naa la le, m be ñiŋ moolu yankankati la ì la junube kuwo la meŋ na.”

Yeremiya 8:9

Maloo le be laa la wo moo ñaamendiŋolu kaŋ, ì ye jikilateyi ka ì ñankoŋ, bayiri ì ye nte Yaawe la kumoo soosoo le, silaŋ itolu ye muŋ ñaameŋ ne soto kotenke?

Yeremiya 18:23

Bari ite Yaawe ye a loŋ ne ì be feeroolu mennu siti kaŋ ka m faa. Kana yamfa ì la kuu jawoolu la, sako ka ì la junuboolu tuutuu i ñaa koto. Allamaa ì ye busandi i ñaatiliŋo la, ì ye faa. I niŋ ì ye janjuŋ i la kamfaa kono.

Yeremiya 44:10

Bari hani ka naa bula bii la ali maŋ ali fammajii. Ali maŋ n horoma waraŋ ka baluu ka bo niŋ n na yaamaroolu niŋ luwaalu bee la, ŋa mennu dii ali niŋ ali la alifaa foloolu la.

Esekiyeli 13:14

M be wo sansaŋo boyi la le, ì ye meŋ muu niŋ lasoo la, ŋa a bee juru fo a ye nunku lep. M be a boyi la le fo labaŋo a fondamaŋo dammaa le be tu la jee. M be sansaŋo ñiŋ boyi la ì kaŋ ne ka ì bee kasaara. Niŋ wo keta le, ali be a loŋ na ko, nte le mu Yaawe ti.

Sefaniya 2:1

Alitolu banku moo malubaloolu, ali ali faŋo loŋ, ali ye ali faŋ kaañaŋ,

Jakariya 13:4

Wo luŋo la, annabiyomoolu ye jeri-wo-jeri bankee, a si ke ì ye malu kuwo ti. Ì te annabiyomu dendikoo duŋ na kotenke ka moolu neenee.

1 Musa 19:34

Wo saamoo dimmusu keebaa ko dindimmaa ye ko, “Nte niŋ m faamaa kafuta le ñiŋ suuto tambilaa. Ñiŋ suutoo fanaa, ŋà a mindi wayinoo la, bituŋ i fanaa si taa, i niŋ a ye kafu, fo ǹ si diŋo soto ka bo niŋ m̀ faamaa la.”

Yeremiya 14:15

“Wo kamma la nte Yaawe ye ñiŋ ne fo annabiyomoolu ma, mennu ka kiilaariyaa kumoolu fo n tooyaa la: Nte maŋ ì kii, hani wo, ì ka a fo ko hawusari kele te naa ñiŋ bankoo kaŋ. Ì ka a fo ko, konkoo te boyi la ñiŋ bankoo kaŋ. Wo to konkoo niŋ hawusaroo le be wo annabiyomoolu faŋolu faa la.

Hoseya 4:5

Suuto tili, ali niŋ annabiyomoolu ka boyi le, m be ali baamaa kasaara la le.