Yeremiya 52:31 - Mandinka Bible

³¹ Yahuuda mansa Yehoyahini tarata mutoo kono Babiloni bankoo kaŋ ne fo sanji taŋ saba niŋ woorowula. Saŋo kari taŋ niŋ fulanjaŋo tili muwaŋ niŋ luulunjaŋo la, Babiloni mansa Ewili-Merodaki ye balafaa yitandi Yehoyahini la, a ye a bondi bunjawoo to. Wo saŋo le mu Ewili-Merodaki keta mansa ti.

Yeremiya 52:31 ပူးပေါင်းရင်းမြစ်များ

1 Musa 40:13

Tili saba ñaato, Firawoona be i bula la ka bo bunjawoo kono, a ye i murundi i la dookuwo la. I be Firawoona la mindaŋo duŋ na a bulu, ko i dalita a ke la ñaameŋ, kabiriŋ i tarata a ye nuŋ wayini samboo la.

1 Musa 40:20

Tili saba ñaato, wo luŋ keta Firawoona la wuluu luŋ juuroo le ti. A ye feetoo kumandi a la mansakundaa dookuulaalu bee ye. A ye a la mindaŋ sambalaa ñiŋ fintindi, aniŋ mbuuru janilaa kuntiyo ñiŋ, ka bo a la dookuulaalu kono.

Yuuba 22:29

Ate Alla le ka faŋ wara moolu la kuwo jindi, a ye fammajiilaalu maakoyi.

Jabuuroolu 27:6

M be n kutu la n jawoolu la le, mennu ye m murubeŋ, aduŋ m be sadaalu* bo la a batudulaa to le, n niŋ wuuroo, seewoo kamma la. M be suukuwolu laa la le ka Yaawe la waroo fo.

Jabuuroolu 3:3

Bari ite Yaawe mu n ye tankaraŋ koteeroo* le ti, ite le mu n na horomoo sababoo ti, aniŋ meŋ ka n kuŋo bo jirandiŋ.

Kuma Kotoomaalu 21:1

Mansa sondomoo la kuwo be Yaawe* le bulu, a ka a taamandi le ko jiiboroo, daa-wo-daa diyaata a ye, a ka a tilindi jee le to.

Yeremiya 37:1

Babiloni mansakewo Nebukanesa ye Sedekiya, Yosiya dinkewo le tomboŋ ka ke Yahuuda mansa ti. A siita mansayaa la Yehoyahini le noo to, Yehoyakimu dinkewo.