Yeremiya 51:64 - Mandinka Bible

⁶⁴ Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.

Yeremiya 51:64 ပူးပေါင်းရင်းမြစ်များ

Yeremiya 51:58

Yaawe Alihawaa Maariyo ye ñiŋ ne fo ko: “Babiloni tata sansaŋo niŋ a la bambaŋo, a be boyi la le fo a niŋ bankoo ye tembe. Dimbaa le be duŋ na a la, moolu la dookuwo be ke la kenseŋ ne ti, bankoolu la dookuwo be ke la dimbaa le taa ti.”

Yuuba 31:40

Niŋ a ye a tara n ka ñiŋ ne ke, wo to ŋaniŋolu ye faliŋ a kono, wiiti* siimaŋ kana faliŋ jee, aniŋ ñaama kenseŋo doroŋ ye faliŋ jee, baali* siimaŋ kana faliŋ a kono. Yuuba la kumakaŋo danta jaŋ ne.

Lankenemoo 18:21

Wo to le malaayika sembemaa baa ye beroo sika, meŋ warata ko tuurilaŋ bere baa. A ye a fayi fankaasoo kono. A ko: “Babiloni saatee baa si fayi duuma niŋ semboo la teŋ, a nene te soto la kotenke.

Jabuuroolu 72:20

Yese dinkewo Dawuda la duwaaraŋo kumfaata jaŋ ne.

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Lankenemoo 14:8

Bituŋ malaayika fulanjaŋo ye a nooma, a be a fo kaŋ ko, “A boyita le, Babiloni saatee baa boyita! Ate le ye duniyaa nasiyoŋolu bee siirandi a la laañooyaa tuluŋo doloo la.”

Habakuki 2:13

Ali ye bankoolu mennu taa, ì ye meŋ dookuu ali ye, ì ye ì faŋ batandi kensenke le, a keta ko loo, dimbaa ye meŋ domo. Kaatu Yaawe Alihawaa Maariyo* le ye a saabu.

Yeremiya 51:42

Baa le be waame la Babiloni kaŋ, a jiibaliŋ saŋaroolu be a muuri la le.

Yeremiya 25:27

Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Jabuuroolu 76:12

Ate le ka maralilaalu la faŋ waroo daŋ, a ka duniyaa mansoolu kijabo.

Yesaya 47:13

I ye yaamarilaa jamaa le soto, i yaayita ì nooma fo i bataata. Lonnaalu mennu ka looloolu la kuwo koroosi, ka a fo le meŋ be ke la kari-wo-kari, wolu si naa i tanka maasiiboo la, meŋ be laa la i kaŋ.

Yeremiya 9:5

Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Esekiyeli 28:19

Wo bankoolu mennu bee ye i loŋ, ì jaakalita i la kuwo la le, kaatu i labaŋo maŋ ñiiñaa, aduŋ i nene te tara la keriŋ kotenke.”

Yeremiya 13:4

“Wuli, i ye taa Perati Woyoo to, i niŋ kulembeŋo, i ye meŋ saŋ, meŋ be sitiriŋ i tewo la, i ye a maabo berehuwo kono jee.”

Yeremiya 19:10

“Bituŋ ite Yeremiya, niŋ i ye wo baŋ fo la doroŋ, i si daa dumboo ñiŋ teyi duuma, moolu ñaa koto, i niŋ mennu taata jee ñoo la.