Yeremiya 51:62 - Mandinka Bible

⁶² Wo koolaa i si naa a fo ko, ‘Kooni Yaawe, i ye ñiŋ ne fo ko, i be ñiŋ bankoo kasaara la le, fo hadamadiŋ waraŋ beeyaŋ te sabati la jee. A be kenseŋyaa la le fo fawu.’

Yeremiya 51:62 ပူးပေါင်းရင်းမြစ်များ

Yeremiya 25:12

Bituŋ niŋ sanji taŋ woorowula kumfaata, n si naa Babiloni mansakewo kuluu, aniŋ a la wo bankoo, meŋ mu Babiloninkoolu la bankoo ti. Ì la junuboolu kamma la m be a bankoo kenseŋyandi la le fo abadaa.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 33:12

Yaawe Alihawaa Maariyo ye ñiŋ ne fo ko: “Ñiŋ dulaa meŋ kenseŋyaata saayiŋ, aduŋ moo te jee sako beeyaŋ, beeyaŋ daañini kenoolu be tara la jee le, aduŋ kantarilaalu be ì la beeyaŋolu daañini la jee le.

Yeremiya 50:12

bari ali wuluu bankoo be bula la maloo kono le, ate meŋ ye ali wuluu, dooyaaroo be laa la a kaŋ ne. A la kuwo le be dooyaa la bankoolu bee ti, a ye ke keñewula* jaaroo ti, aniŋ lewo.

Yeremiya 50:13

Nte Yaawe la kamfaa baa le be a tinna moo te sii la Babiloni kotenke, a be tu la kenseŋyaariŋ ne, moo-wo-moo tambita jee la, a kijoo be bo la le, a ye ciipuroo ke, ñiŋ kamma kasaara kuwolu mennu keta jee la.

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”

Yeremiya 51:29

Babiloni bankoo be jarajara kaŋ, dimiŋ kuwolu ye a kirikirindi, kaatu Yaawe la natoolu mu kuu looriŋo le ti a kamma, ka a bankoo kenseŋyandi, moo te tara la siiriŋ jee.

Yeremiya 51:37

Babiloni be ke la tumbuŋ tuŋolu le ti, a ye ke kunkuwuloolu la daakaa ti, a ye ke kijafara kuwo niŋ ciipuru feŋo ti, moo te tara la siiriŋ jee.

Yeremiya 51:43

A saatewolu be kenseŋyaa la le, a ye jaa ka ke keñewuloo* ti, moo te tara la siiriŋ jee, hadamadiŋ te tambi la niŋ jee la.

Yeremiya 51:61

N ko Seraya ye le ko, “Niŋ i futata Babiloni, i si ñiŋ kumoolu bee karaŋ santo.

Esekiyeli 35:9

M be badaa-badaa kasaaroo le boyi la ali la bankoo niŋ ali la saatewolu kaŋ, aduŋ moo te tara la ì kono kotenke. Wo to le, ali be a loŋ na ko, nte le mu Yaawe ti.