Yeremiya 51:58 - Mandinka Bible

⁵⁸ Yaawe Alihawaa Maariyo ye ñiŋ ne fo ko: “Babiloni tata sansaŋo niŋ a la bambaŋo, a be boyi la le fo a niŋ bankoo ye tembe. Dimbaa le be duŋ na a la, moolu la dookuwo be ke la kenseŋ ne ti, bankoolu la dookuwo be ke la dimbaa le taa ti.”

Yeremiya 51:58 ပူးပေါင်းရင်းမြစ်များ

Habakuki 2:13

Ali ye bankoolu mennu taa, ì ye meŋ dookuu ali ye, ì ye ì faŋ batandi kensenke le, a keta ko loo, dimbaa ye meŋ domo. Kaatu Yaawe Alihawaa Maariyo* le ye a saabu.

Yeremiya 51:64

Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.

Yeremiya 51:44

M be Babiloni jalaŋ Beli busa la le, a ye buusi feŋolu foonoo, a ye mennu kunuŋ. Duniyaa moolu te kuru la naŋ a nooma kotenke. Babiloni tata sansaŋolu be boyi la le.

Yeremiya 50:15

Ali wuuroo kumandi a ma karoo bee la, Babiloni ye a faŋ seyi le, a tatoolu boyita, ì ye a tata sansaŋolu boyi le. Nte Yaawe le la julujoo mu ñiŋ ti ko: Ali si juloo joo a to, a ye meŋ ke, ka wo ñoŋ ke a la.

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Jabuuroolu 127:1

Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.

Yesaya 65:23

Ì te ì semboo bo la kensenke, waraŋ ka diŋolu wuluu, kasaaroo be naa mennu kaŋ, kaatu ì be ke la moolu le ti, Yaawe be neema la mennu ma, ì niŋ ì koomalankoolu bee.

Yesaya 13:2

Yaawe* ko: “Ali bandeeroo wulindi konko turoo kaŋ, ali ye kelediŋolu lenka, ka a fo ì ye naa duŋ, niŋ moo kummaalu la dundaŋ daalu la.

Yesaya 47:13

I ye yaamarilaa jamaa le soto, i yaayita ì nooma fo i bataata. Lonnaalu mennu ka looloolu la kuwo koroosi, ka a fo le meŋ be ke la kari-wo-kari, wolu si naa i tanka maasiiboo la, meŋ be laa la i kaŋ.

Yeremiya 9:5

Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Niikuyaa Suukuwolu 5:5

Yookoo* le ka tara ǹ toŋo kaŋ taariŋ. M̀ be bataariŋ ne de! M̀ maŋ dahaa soto.