Yeremiya 51:56 - Mandinka Bible

⁵⁶ Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Yeremiya 51:56 ပူးပေါင်းရင်းမြစ်များ

1 Musa 49:24

Bari i la kaloo tuta bambandiŋ ne, i buloo tariyaata, a bambanta. I semboo bota Yaakuba la Sembetii Baa le bulu, Isirayila Kantalaa, Isirayila la Bere baa.

Jabuuroolu 137:8

Ite Babiloni kasaaratoo diŋ, seewoo be moo le ye meŋ be i joo la kuwo la i ye meŋ ke ntolu la.

Jabuuroolu 37:15

Bari ì la hawusaroolu be ì faŋolu jusoo le soo la, aduŋ ì la kalabeñoolu be kati la le.

Jabuuroolu 46:9

Yaawe ye keloo baŋ duniyaa karoo bee la, a ye kalabeñoolu niŋ sooroolu bee kati, a ye koteeroolu* jani dimbaa kono.

Jabuuroolu 76:3

A ye a jawoolu la kalabeñe saŋaroolu buruka jee le, ka taa ì la tankaraŋ koteeroolu*, hawusaroolu*, aniŋ ì la kelejooraŋ koteŋolu bee. S

Yesaya 21:2

Jeri koleŋ ne yitandita n na. Jamfaalaa ka jamfaa ke le, kasaaralaa ka kasaaroo ke. Elamu, taa boyinkaŋo la! Mediya, taa dulaa suki! Yaawe* be daŋ ke la woosiyo la le, Babiloni ye meŋ laa bankoolu kaŋ.

Yesaya 34:8

Yaawe ye kiisandiroo parendi Siyoni* ye le, aniŋ saŋo meŋ na a be a la kuwo makatoo bayi la.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Yesaya 59:18

Ì ye kuu jawoolu ke ñaameŋ, a be ì joo la wo le ñaama: A be a la kamfaa juloo joo la a jawoolu to le, yankankatoo, a sookilaalu ye, a be banku jamfariŋolu joo la ì ñaama le.

Yeremiya 49:35

Yaawe Alihawaa Maariyo ye ñiŋ ne fo ko: “A juubee, m be Elamu bankoo la kalabeñoolu kati la le, ì jikiraŋ sembe baa.

Yeremiya 50:10

Ì be Babiloni ke la ñapinkaŋ feŋo le ti, mennu bee ye a ñapinkaŋ, ì ye ì sawoo soto a la.” Yaawe le ye a fo.

Yeremiya 50:36

Hawusaroo be naa a juubeerilaa fanoolu kamma le, fo ì la tooleeyaa si loŋ, a be naa a kelejawaroolu kamma, fo ì si kasaara!

Yeremiya 51:24

“Ali faŋolu be a je la ali ñaa la le, m be juloo meŋ joo la Babiloni niŋ a banku moolu to, ì ye kuu jawoolu mennu ke Siyoni la.

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Yeremiya 51:48

Bituŋ saŋo niŋ bankoo, aniŋ ì kono feŋolu bee si seewoo, ka wuuri Babiloni kunna, kaatu tiñaarilaalu le be naa a kamma, ka bo naŋ maraa kara maafaŋo la.” Yaawe le ye a fo.

Yeremiya 51:53

Hani Babiloni si futa saŋo ma, hani a si a tata jaŋolu bambandi, m be tiñaarilaalu naati la a kamma le.” Yaawe le ye a fo.

Yeremiya 51:6

Yaawe ko a la moolu ye ko: “Ali bori ka finti Babiloni, moo-wo-moo ye a faŋo niyo tankandi, fo ali kana kasaara ñoo la a kuluu tumoo, kaatu ñiŋ mu nte Yaawe la julujoo waatoo le ti, m be a joo la meŋ na.

Niikuyaa Suukuwolu 3:64

Yaawe, i si juloo joo ì to ka bo niŋ ì la baaroolu la.

Esekiyeli 39:3

Wo to le m be i maraa buloo fadi la, i la kaloo ye joloŋ. I la kalabeñoo be joloŋ na le ka bo i bulubaa buloo kono.

Esekiyeli 39:9

A ko: “Wo to le, wo moolu mennu be Banisirayila saatewolu kono be finti la ka taa dimbaa duŋ wo kelejooraŋolu la ka ì jani, koteerindiŋolu* niŋ koteeri baalu, kaloolu niŋ kalabeñoolu, dokoolu niŋ tamboolu, ì be ñinnu le mala la loo ti fo sanji woorowula.

Amosi 2:15

Kalandiŋ fayilaa te kalandiŋ fayiñaa soto noo la, borinoolaa baa te a faŋ tanka noo la, sako suuborindilaa si a faŋ niyo tanka.

Obadiya 1:15

“Luŋo sutiyaata naŋ ne, nte Yaawe be bankoolu bee kiitindi la meŋ na. Ali ye juloo meŋ duŋ, wo le be joo la ali to. Ali la baara kuwolu be kupi la ali faŋolu kuŋo le kaŋ.

Habakuki 2:8

Ali ye banku jamaa le ñapinkaŋ, ì niŋ ì la feŋolu. Wo to moolu mennu kanata wo bankoolu moolu kono, fanaa be ali ñapinkaŋ na le. Kaatu ali ye hadamadiŋolu le yeloo boŋ, ali ye bankoolu kasaara, saatewolu, ì niŋ ì moolu bee.”

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

2 Tesalonikankoolu 1:6

Baawo a koyita le ko, Alla tilinta le, aduŋ moolu mennu ka ali batandi, a be wolu joo la niŋ bataa kuwolu le la.

Lankenemoo 17:16

Aduŋ ì ye bina taŋo mennu je, wolu niŋ daafeŋ saŋarariŋo be cakamusoo ñiŋ koŋ na le. Ì be a wuraŋ na le, ì ye a kenseŋo bula. Ì be a suboo domo la le, ì ye a kasaara niŋ dimbaa la.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

1 Samuweli 2:4

A ye kelelaalu la kalabeñoolu kati le, bari moolu mennu foota semboo la, a ye wolu ke sembemaalu le ti.