Yeremiya 51:49 - Mandinka Bible

⁴⁹ “Fo Babiloni si boyi doroŋ, a ye Banisirayilankoolu faa meŋ ke, aniŋ a ye moolu mennu faa, duniyaa fannaa bee la.”

Yeremiya 51:49 ပူးပေါင်းရင်းမြစ်များ

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 51:24

“Ali faŋolu be a je la ali ñaa la le, m be juloo meŋ joo la Babiloni niŋ a banku moolu to, ì ye kuu jawoolu mennu ke Siyoni la.

Yeremiya 51:35

Siyoni moolu, ali a fo ko: ‘Allamaa ì ye fitinoo meŋ ke ǹ na, a dunoo ye laa Babiloni kaŋ.’ Yerusalaamu moolu, ali a fo ko: ‘Allamaa ì ye ǹ yeloo meŋ boŋ, a dunoo ye laa Babiloni kaŋ.’ ”

Matiyu 7:2

Kaatu ali ye moo koteŋolu kiitindi ñaameŋ, ali fanaa be kiitindi la wo le ñaama, aduŋ ali ye a ke moolu ye ñaameŋ, a be ke la ali fanaa ye wo le ñaama.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Lankenemoo 18:24

I buloo noota annabiyomoolu niŋ moo senuŋolu yeloo la le. Tooñaa, ite le buloo be wolu niŋ moo tilindiŋolu bee la saayaa koto, ì ye mennu faa duniyaa kono taariŋ.”

Kiitindirilaalu 1:7

Bituŋ Adoni-Beseki kumata ko, “Alla ka juloo le joo n to. Mansakee taŋ woorowula nene tarata m fanaa koto le, ŋa mennu bulukumbaalu niŋ ì sinkumbaalu kuntu. Ì ka tara domoritoo sikoo le la n na taabuloo koto.” Bituŋ ì ye a samba naŋ Yerusalaamu, a faata wo le to.