Yeremiya 51:48 - Mandinka Bible

⁴⁸ Bituŋ saŋo niŋ bankoo, aniŋ ì kono feŋolu bee si seewoo, ka wuuri Babiloni kunna, kaatu tiñaarilaalu le be naa a kamma, ka bo naŋ maraa kara maafaŋo la.” Yaawe le ye a fo.

Yeremiya 51:48 ပူးပေါင်းရင်းမြစ်များ

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

Yeremiya 50:41

Yaawe ko: “A juubee, kelediŋ kafoo le ka bo naŋ maraa kara bankoo kaŋ. Banku sembemaa aniŋ mansakee jamaalu le be maamaŋ kaŋ naŋ, ka bo dulaa jamfariŋ baalu to.

Yeremiya 50:9

A juubee, n ka banku sembemaalu le sukusuku Babiloni kaŋ, ì kafuriŋo ye bo maraa karoo la naŋ, ì ye tembe ka keledaalu muta a kamma, wo to le ì be jee muta la. Ì la kalabeñoolu ka munta le ko kelenoolaa la kalabeñoo meŋ buka foo, ka seyi bulu kenseŋ.

Kuma Kotoomaalu 11:10

Saatee moolu ka seewoo le, niŋ moo tilindiŋo la kuwolu beteyaata, aduŋ maadiyaa fanaa le ka tara keriŋ, niŋ moo kuruŋo kasaarata.

Yeremiya 51:56

Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Esekiyeli 35:14

Maarii Yaawe ye ñiŋ ne fo ko: “M be duniyaa bee kontaanindi la le, kaatu m be ali kasaara la le, ali la bankoo ye kenseŋyaa.