Yeremiya 51:45 - Mandinka Bible

⁴⁵ “N na moolu, ali bori ka finti a kono, moo-wo-moo ye a niyo tankandi, ka bori nte Yaawe la kamfaa saŋaroo la!

Yeremiya 51:45 ပူးပေါင်းရင်းမြစ်များ

Lankenemoo 18:4

Bituŋ ŋa kumakaŋ doo moyi ka bo naŋ saŋo santo. A ko: “N na moolu, ali finti naŋ a kono, fo ali daa kana tara a la junuboolu to, aniŋ ali kana ke niisotolaa ti a la mantooroolu to.

Yeremiya 51:6

Yaawe ko a la moolu ye ko: “Ali bori ka finti Babiloni, moo-wo-moo ye a faŋo niyo tankandi, fo ali kana kasaara ñoo la a kuluu tumoo, kaatu ñiŋ mu nte Yaawe la julujoo waatoo le ti, m be a joo la meŋ na.

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

2 Korintinkoolu 6:17

“Wo kamma la, Maariyo ko: ‘Ali taa, ali bo ì kono, ali jamfa jee la. Feŋolu mennu maŋ janku, ali kana ì maa. Wo to le m be ali jiyaa la,

Kiilaalu 2:40

Pita ye seedeyaa ke niŋ kuma jamaa la, aduŋ a ye ì wakiilindi ko, “Ali ali faŋ tanka yankankatoo ma meŋ be laa la ñiŋ jamaani jenkeriŋo kaŋ.”

Yeremiya 50:8

“Ali bori ka bo Babiloni, ali finti Babiloninkoolu la bankoo kaŋ, ali foloo ye tambi koorewo ñaato, ko baakotoŋolu ka ke ñaameŋ.

4 Musa 16:26

A ye jamaa moolu dandalaa ko, “Ali bo ñiŋ kee kuruŋolu la tiriliisoolu to! Ali buloo kana maa hani ì la feŋ kiliŋ na. Niŋ wo nte, ali niŋ ì bee si koora ñoo la, ì la junube kuwolu kamma la.”

Jakariya 2:7

Ali wuli! Alitolu Siyoninkoolu, mennu be siiriŋ Babiloni, ali ye bori naŋ.”

Yeremiya 51:50

Yaawe ko a la moolu ye Babiloni ko: “Alitolu mennu niyo kanata hawusaroo* ma, ali taa de, ali kana tonkutonku! Ali hakiloo ye bula nte Yaawe la, ali be manee daameŋ to, ali ye i miira Yerusalaamu la.

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Yeremiya 50:28

Ali i lamoyi moolu wuurikaŋo la, mennu borita keloo la, ì kanata, ì naata Yaawe, ǹ na Alla la julujoo dantee Siyoni, a la julujoo Babiloninkoolu to, ì ye meŋ ke a la Batudulaa Buŋo* la.